2Korɛntea 5:6 - BII BILA

⁶ Lelan, yoomuan ma co naa o n'dial lɔ́ɔ́-lɔ́ɔ̀, n sínà vɛlɛ maa te n co vɔ pɛ o dialun ivanacieeyan nin, mɛɛ Mɛlɛka naa n co levil lende ni.

2Korɛntea 5:6 Referans Kwoze

2Korɛntea 5:1

Kani n sínà maa te cɛi-kola-toandaa naa n co nin o ceendo ho coo-o tambu pɛ, n nɔ cɛiyo o halataala, o Hala toosiaa le fɛɛn a fɛɛn-ndo, o vanaciee beŋ too.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

1Piɛr 5:1

I co kaasoŋaa co niaa tɛɛn-nda sila. Ya co kaasonɔɔ maa nda-o, ya co sei sangala Krista lan a vana vanin o biilu hun fulanin ceen-ndo nin-ndo-o:

Hebreea 10:35

Lelan, la màl laalanndo le, la sɔlanin sala bɛndoo le ndu.

2Korɛntea 5:8

Dialun fulan co naa taw, nduyɛ n nɔ yeemɛi mi n mɛi dialun naa n nɔ mun ceen nanu-on, mì n kɔɛnnun o Mɛlɛka lo.

Esai 36:4

Mí bolle vanaa yɔngù masaa mɔiyan-nda dimul nda aa: «La kɔ dimul Esekia aa nuaa masa bɛndoo soo ni, masaa Asiri pɛɛn aa: «Yɛɛ nɛ nɔm Esekia tiindan yɛ kpeekpei?

Esai 30:15

Kani nuaa Maalii, O co Mɛlɛka-o, O co O-Diandaa Israɛlla-o soo ni aa: «O calle yili nin a o pɛngio nin cinda niaa vanin ni, o meiyo nin a o ya tiindanndo nin yoomuma niaan ma vanin ni, kɛ la cɛl le tosaa lende le!»

Talelan 14:26

Vana nɔ pɛ siòòŋii Mɛlɛka-e ndu vannùn nila ɲulu, kani o kandà cuavaa ndɔa.

Condii lisai 119:19

Miallo ya co o lɛŋnden coo ni, vin ya tɔŋnda nɔmndan te.

Condii lisai 39:12

Le vanacieo mingio o nɛi n bandìla ndu ni, ma tuisi ndu sangaa coo le tɛɛmbuula ndɔlan, ma siɔŋi ɲɛ o kɛsi kɔllo coo-o mɛɛ kaangoa sɔam ɲɔɔ nuaa yɛ. Hoeiye daama vanacieo co ni.

1Dɛnnda lemasalan 29:15

Mɛɛ fuɲaa naa mamaa kpow a yɔŋnun yɛ, naa bɛɛ mialla a vanaa hiavannda naa n co nɔm o hɔl ni. Maa levundu palɛi nɛi i co o lɛŋnden coo ni, n nɔ tiindan kɛ́-kɛ̀ le.

Hebreea 13:14

Kani n nɔ calta fɛɛn-fɛɛn o ceendo coo nanu le, ciee bɛndu co naa laci-o naa n co nuwviaa ni.