2Korɛntea 5:21 - BII BILA

²¹ Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

2Korɛntea 5:21 Referans Kwoze

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Rɔmnda 5:19

Le sɔɛi biyɛi lepɛŋii vanndo ndu pilɛ, mí vanaa bɔɔ-bɔɔ a siŋnun vanaa lahakia. Lende vɛlɛ koni, le sɔɛi biyɛi vanndo ndu pilɛ, mí vanaa bɔɔ-bɔɔ a siŋnun vanaa sandaa Hala o hɔl.

Kalatea 3:13

Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»

1Nsaŋ 3:5

Nduyɛ la sínà maa le hakilan faŋaa Maalii fula ni, haki co o ndu nin te.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Rɔmnda 4:25

Le tɛɛmbuula naalan nda mal ndu vannda o ba ni, mó tendul le naa dio keo.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Rɔmnda 1:17

Kani Yoongu kɛndɛ kon cɔm maa Hala siinguu vanndacieea vanaa sandaa le laalanndo. Nduyɛ laalan kon tiw. Maa mɛɛ o sɛvan yɛ aa: «Vana sandaa vanin yoomu le laalan ndɔɔ.»

Yeremi 33:16

O palɛi ken, Yuda sɔlanin cindaa, o kon mì Yerusalɛmnda cal a nila ɲulu o calta ndalan, kobi kon veelunnin aa: «Mɛlɛka co dɛnɛ sandaa naa ni.»

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Dɛnnda kiilaa 3:14

Niaa yɛ, mí la kɛɛ vana Diandaa, o co vana Sandaa Mɛlɛka o hɔl-lo pɛɛn. Mí la ɲuna le vana diyaa n'vanndo malɔɔ.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Luke 1:35

Mí mɛlɛkanɔɔ mulul ndu aa: «Hala Kɔl-Diandaa hunnin nɔm coo, mì kpaaya Ó-Hiow-Ɲɔɔn-Kpow-vo kuumbun nɔm coo maa levundu. Lelan, o diandaa n vialunin-ndo sɔlanin veeloo aa Po Hala-o.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Yeremi 23:26

Yɛɛ nɛ vanaa-tɛɛngaa-diom Hala-a ha nɔ yɛ o kɔl, ma co vannda còòlan dimullo? Sɔɔn nda pila co toosiaa-on. Háá lɔ́ɔ́ kuɛɛ ɲɔɔ lo yɛnin tosanndo lende?

Kundalan 21:9

Mí Moise cua daɲɛi, mó cɔaw kɛwvo a ndi, mó landu ndu o yɔm ipɛngɔɔ coo. Te kɛwvo ndóò lɔva nin pɛ vanndo, vana kalaa ndóò tofa kɛw idaɲa kon, ndóò sɔla cindaa.