2Korɛntea 5:20 - BII BILA

²⁰ Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

2Korɛntea 5:20 Referans Kwoze

Luke 14:23

Mí vana bɛndoo dimul ndu vɛlɛ aa: ‹Kɔ o nɛilan a o kungalan demullo, ma baŋ vannda le luɛyɔɔ haliko mi cɛi nuu ho pɛ cá.

Efɛsea 6:20

I co bɛɛ o kaasoo nuaa, kɛ ya co hɔlte Krista len le Yoongu kɛndɔɔ yondaa ni. Lelan, la piɛi haliko mi soo a kɔlkɛsiaa.

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

2Korɛntea 5:11

Lelan, n sínà ɲɛ co siòòŋii Mɛlɛka-e nɔu-vo, n co kindinndo le vannda kɔltan mangalaa. Hala sínà naa ɲɛkɛndɛi. Nduyɛ, i laalan maa niaa bɛɛ, kɔlta niaalan bɛɛ la sínà kon.

Nsaŋ 20:21

Mí Yeesu dimul nda vɛlɛ aa: «Màá la sɔla kɔlɲuloo! Maa mɛɛ Pua vem ya yɛ, ya bɛɛ i vem niaa.»

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

Luke 10:16

Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

Yeremi 38:20

Mí Yeremi muli aa: «A melnin nɔm nda o ba le. Tuei-yɔ diom Mɛlɛka dimi-o aa ɲɛ-ɲɛ vɔɔn yɔŋnunin nɔm te, a lonin yoomu.

SƐBƐ YƆB-O 22:21

Le hee, muungu diom pilɛ a Hala, ma sɔla kɔlɲuloo. O kon, dɛnɛ kɛndɔɔ mingulun nɔm.

Esai 27:5

Fɔ mì vannda kɛɛ dɔ́ɔ́ le ya sinaa maa nɛɛ ndaa viannan, mà kɛɛ dɔ́ɔ́ le kɔlɲuloo lueiyo naa ndaa tɛɛn dɛ! Mbɔ̀ fɔ mà kɛɛ dɔ́ɔ́ le kɔlɲuloo lueiyo naa ndaa tɛɛn.»

SƐBƐ YƆB-O 33:23

Kɛ te vana kon nɔ pɛ mɛlɛkanɔ soaa le ndu-o, o va bɛɛ o pilɛ kpé sɔlan o mɛlɛkaa vàá pilɛ tɛɛn ni, mò cɔm ndu ɲɛ o bɛnda le tosaa-o,

SƐBƐ YƆB-O 33:6

Hala o hɔl, maa nɔm ya co ni, ya bɛɛ o puuloo nin ya fula ni.

2Dɛnnda lemasalan 36:15

Mɛlɛka Hala fuɲaa ndaa mamaa va nda kiilaa vimndo lɔ́ɔ́-lɔ́ɔ̀ le nda sɔɔn tɛɛngullo, kani ndóò yeema le vanaa ndɔa a Cɛi-Diandaa ndɔɔ baŋaa.

Yeremi 44:4

Ya yɛ, i sanga niaa vanaa nia baalaa kpow vimndo a vanaa-tɛɛngaa-diom Hala-a le niaa dimullo maa la soli pelon o dɛnnda vɔɔnnda ya yeemiaa lan nin,

Talelan 13:17

Kiilanɔ vɔɔndo hun a dɛnɛ palaa ni, kɛ kiilanɔ toɲaa, ndu toosiaa o toosiaa dɛnndan ni.

Nehemi 9:29

Má baŋ nda le tɔŋ nɔmndo biyɔɔ, kɛ má tosal nɔm nila kalulan, a yeŋ nilan o tɔŋnda nɔmndan te, má kɛɛ le silala nɔmndan biyɔɔ. Nduyɛ, silala lan, la co vanaa co lan biyɔɔ-a ciindiaa. Má tosal nɔm yongaa a nila kalulan, má kɛɛ le nɔm yaŋnɔnndo few-few.

2Masaa 17:13

Mí Mɛlɛka yondal Israɛlla a Yudaa a sondola vanaa-tɛɛngaa-diom Hala-a ndɔa a vanaa ca sɔɔn lacion-nda, mó dimul nda aa: «La mangalan a dɛnnda niaala vɔɔnndan, mì la bii tɔŋnda nilan a silala nilan, mì la kela o tɔŋ ya sɛval fuɲaa nia mamaa-o coo, tɔŋ ya yɔngu niaa fulaa vanaa nia baalaa o ba-o, vanaa-tɛɛngaa-diom Hala-a pɛɛn.»

Rɔmnda 5:10

Kani, telen naa n va yaamɔaa Hala-va-o, mí ndu pila mingi bɛndaa naa ndaa tɛɛn a piɔ́m Po ndɔɔ sɔla-o. Kodinte mɛɛ bɛndaa co nin naa tɛɛn naa ndaa nuaa yɛ, o ciindiaanin naa a yoomu Po ndɔɔ.

2Korɛntea 12:10

Lelan i dɔwnun ɲaale le kpaaya lepɛŋndo, le yeowla vannda co ya lan, le ɲɛm nda co ya tuŋɔɔ-on, le yɛle nda co ya tollo-len, a le sangala co ya coo le Krista lan. Kani telen ya nɔ mayoomu loo, telen kon ya sɔlà kpaayaa ni.

Kolɔsea 1:20

le bɛndaa mingio ndu tɛɛn a ɲɛm co-on kpow. O piɔ́m Po ndɔɔ sɔla o yɔm singafilaa coo-o kɔɔli, mó mingi diom pilɔɔ ndu pila tɛɛn a ɲɛm co o lɛŋnden coo-on a á ɲɛm co o halataala-on.