Biblia Todo Logo
Bib sou entènèt

- Piblisite -




2Korɛntea 5:18 - BII BILA

18 Hala pila o ba kon kpow fula ni, o mingi naa diom pilɛ naa ndaa o Krista nin, mó ke vɛlɛ naa vallo le diom pilɔɔ mingio ndu Hala a vannda tɛɛn-ndo.

Gade chapit la Kopi




2Korɛntea 5:18
29 Referans Kwoze  

Kaola ndɔ kon co yɛ hoo ni aa: o co naa le n kaola Hala le, kɛ ndu kaola naa ni, mó viam Po ndɔɔ, mó yɔŋnun sálàá le hakila naalan faŋaa.


Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.


Kani ndu o ba ɲɛ-ɲɛ fula ni, ndu toosiaa ɲɛ-ɲɛ ni, le ndu ɲɛ-ɲɛ co ni. Biiloo co le ndu le fɛɛn a fɛɛn! Amiina.


Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.


kɛ, le naa naa, n sínà maa Mɛlɛka ndu pilɛ kpé co ni, Hala Fuɲaa, o cɔw ɲɔɔn kpow-vo. Nduyɛ le ndu naa n co yoomu ni. Maalii ndu pilɛ kpé co vɛlɛ ni, Yeesu Krista, o ɲɔɔn kpow n fula o ba-o, le ndu naa n co yoomu ni.


Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.


mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.


Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.


Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.


Kpekulan la co súúlan taw, kɛ Hala pilɔɔ kpé tosa lan lende vannda kpow nin ni.


Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,


O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.


Mí Nsaŋ muli aa: «Vanacieo nɔla ɲɛ-ɲɛ sɔlaa le, te o co mì ɲɛ kon yɔngun ndu fulaa o halataala le.


Mbɔ̀ pelun kiilanɔ kon naŋ bɔɔ o pembon coo, kiilanɔ co yoongu kɔlɲuloo yondaa-o, kiilanɔ co yoongula kɛndɛlan dimio-o, kiilanɔ co yondaa a cindaa o kɔɔ-o, o co Siɔn dimullo aa: «Hala nɔmndo co masalen tosaa-o»


Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.


Cɛi niaa luɛi pɛ, la dimi fɔlɔn aa: ‹Màá kɔlɲuloo va cɛinin nanu!›


Le cɔlua nda, o bɛnda mì la cua saa o pilɛ o kunda saa kɛmɛ lediin coo o hòóla puiyaala cuavaa Israɛlla nin. Ɲɛm niaa cuanin mun yɛ́-yɛ́-on vanin le sálà ɲɛm vaa, le sálà loamaa a le sálàla kɔlɲululan solio ni, haliko mi kon va faleŋii baŋannde le hakila niaa tosa lan. Ya Maalii, ya co Mɛlɛka-o soo nuaa ni.


I tuisinin condun lisan o cɔcɔn coo. Kɔlɲuloo co le vanaa co levil-la kɔlɲuloo co vɛlɛ le vanaa co macɛlu kpɛlun-nda! I singinin nda lekɛ́ndɛi. Ya Mɛlɛka dimi lende ni.


Nɛ̀ɛ́ co yɛ niko Apolɔs? Nɛ̀ɛ́ co yɛ Pol? Vanaa baala Hala-a daama naa n co ni, a niaa laalan o ba-a, maa mɛɛ Hala ke vana-vana vallo le tosaa yɛ.


Kani mɛɛ vanalanɔɔ fula vanapɔnɔɔ o n'dial-lɛ, lende vanapɔnɔɔ velun vanalanɔɔ o n'dial ni. Nda kpow, Hala o ba nda fula ni.


Kɛ nihau, o piɔ́m Po ndɔɔ sɔla o falon nin-ndo kɔɔli Hala mingi bɛndaa niaa ndaa tɛɛn ni, haliko mi la fula Hala o hɔl a sɛyannda a ɲɛm celen, a diandaa, la nɔ́ sɔŋ te.


Swiv nou:

Piblisite


Piblisite