2Korɛntea 5:17 - BII BILA

¹⁷ Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

2Korɛntea 5:17 Referans Kwoze

Esekiɛl 36:26

I yɔngunin niaa kɔl sɛnɛiyo, mì luei niaa yiyan sɛnɛiyo nin. I solinin kɔl co o kala maa pow-vo o dialun niaan nin, mì luei kɔl co maa ivisi-o niaa o n'dial.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Condii lisai 51:10

Tosa mì tuei condun kponyon a condun kɔlkɛndɔn. O kon mì dɔwnun ɲaale, ya vana n yimi hoo paalan-ndo.

Esekiɛl 11:19

I yɔngunin niaa kɔl pilɔɔ. I vownin yiyan sɛnɛiyo nia nin. I solinin kɔl co niaa nin o kala kpoke maa pow-vo, mì yɔngu niaa kɔl n'diallo,

Kalatea 6:15

Kani ɲɛ co sɔɛi-yo, o co falenyɛi, te kon te kɔ̀ndélen te, kɛ ndu co vaa vanaciee cɔavaa sɛnɛi-yo ni.

Rɔmnda 8:1

Yaala co lɛ le vanaa co o Yeesu Krista nin-nda le.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Nsaŋ 15:5

Ya co rɛsɛn tumndo ni, niaa co lɛwvon ni. Vana lo o ya nin pɛ, mì ya i lo ndu nin, ndu kom taw, kani te o co o ya nin te, la nɔla ɲɛ-ɲɛ tosaa le.

Esekiɛl 18:31

La faŋa dɛnnda vɔɔnnda siinguu niaa vanaa yɔŋ vɔɔnda lan niaa ikɛi, mì la viow lan polon. La lueinun kɔlta sɛnɛilan a yiyannda sɛnɛilan nin. Éé niaa Israɛlla! Le yɛɛ nɛ niaa yeema yɛ le vuo kpeekpei?

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Rɔmnda 7:6

Kɛ sunsun, n sɔla baŋaa a ba tɔŋndo, kani n vi a ba ɲɛ ndóò bii naa o cɛlen nin-ndo. N nɔla nin mì n tosal Hala baalaa tosa sɛnɛi o hɛnan Kɔl-Diandaa bɛngu, kɛ o co lɛ maa paandu mɛɛ tɔŋndo sɛvan yɛ le.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

Nsaŋ 3:5

Mí Yeesu mulul ndu aa: «I co nɔm toɲaa dimul, te vanacieo vilun a mɛnndan, mò velun a Kɔl Hala-o le, o nɔla luɛyɔɔ o masale Hala len nin te.

Efɛsea 2:15

Mó faŋa tɔŋndo a silala tɔŋndan, mó siinguu naa vanaa kundala tiɔnda haa yungu sɛnɛiyo ndu pilɛ kpé o ndu pila nin. Nuaa o mingi kɔlɲuloo toosiaa ni.

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.

Nsaŋ 14:20

Paale len, la sinanin maa ya, i co Fuɲa nuu nin, mì niaa va ya nin, mì ya va niaa nin.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Matie 12:33

«Yɔm oo yɔm naŋ pɛ, naŋɔɔ komɔɔ ndɔɔ naŋ ni, te kon te yɔmndo vɔw pɛ, vɔwlen komɔɔ ndɔɔ bɛɛ vɔw ni, kani o komɔɔ lo vana sina yɔmndo ni.

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

1Korɛntea 13:11

Lɔ́ɔ́ ya va cuaambɔ-o, i va sɔɛi maa cuaambɔ, i va yiyanndo maa cuaambɔ, i va sɔɔn dimio maa cuaambɔ. Kɛ yáà siŋnɔnndo kaasonɔɔ, mí mal dɛnnda icuaambɔya lan.

2Korɛntea 5:19

Kani Hala va o Krista nin, mó mingi diom pilɔɔ ndu a vanndacieea tɛɛn, o cɔm tɛɛmbuula ndalan te. Mó viam naa vali mingiaa diom pilɛ kon tosaa.

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

2Korɛntea 12:2

I sínà langbanɔ pilɛ o Krista nin, o co nin le vɔsilan tɔ́ a lahiɔɔlu, mó hel o halataalaa nin coo di. (I sínà le te o falon nin ndóò hel lende lekɛ́ndɛi ni, te kon te o vundulen nin, Hala ndu pilɛ kpé sínà ken ni.)

Filipea 4:21

La yil vanaa laalan Yeesu Krista má va o kunda niaa nin-nda kpow. Puaapilɛa co ya ikɛi-ya yil niaa.

Rɔmnda 16:7

Mì la yil-la Andronikus nda Yunias, vanaa nia naa n va o biyɔɔ nin naa ndaa-a nda co ni. Vanaa kiilaa luɛi yii taw-va nda co ni, a del Krista kɔɔli ya tase.

Rɔmnda 16:11

La yil-la Herodiɔn vana ni. Mì la yil-la yungu Narkise-o, a laalan Maalii-a.

Rɔmnda 16:3

La yil-la caaŋaa nia naa n co baala Yeesu Krista-o tosaa latulu-a, Priska nda Akilas pɛɛn.

Rɔmnda 16:9

La yil-la Irbɛn, caan naa naa n va baalaa latulu o Krista nin-ndo nda Stasis ya kaola taw-vo.

Rɔmnda 16:10

Mì la yil-la Apelɛs, o cɔm lekɛ́ndɛi maa vana Krista-o o co ni-o. Mì la yil yungu Aristobul-lo.

Luke 5:38

Kɛ o bɔlɔla yáwla sɛnɛilan nin vana vow man ni.