2Korɛntea 5:15 - BII BILA

¹⁵ Nduyɛ le vanndacieea kpow o vi vu kon ni, haliko vanaa co yoomua va lɛ yoomu le nda pila le, kɛ le vana vi mó tendul le nda-o.

2Korɛntea 5:15 Referans Kwoze

Kolɔsea 3:1

Le mɛɛ niaa tendul a Krista latulu yɛ, la nuwviaa dɛnndan coocoo, nɛɛ Krista co icali Hala o ba kɛndɔɔ coo-a.

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

1Nsaŋ 4:9

Tofa vɔ mɛɛ kaola Hala-o cɔmnun naa yɛ: Hala vem Po ndɔ pilɔɔ o ceendo coo, haliko mi n va yoomu ndu o ba bɛngu.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Kalatea 5:25

Te n co pɛ yoomu o Kɔl-Diandaa nin, mɛɛ n kelan mɛɛ Kɔl-Diandaa yeema yɛ.

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

1Piɛr 4:6

Lelan bɛɛ kpeekpei sɔɛi Hala-e dimulun vanvílɛ́iya ni, haliko vanndacieea kiolu nda bɛɛ iyama o yoomu ivanacieeyaa nin, ma va yoomu o kpaaya Kɔl-Diandaa nin.

1Tesalonikea 5:10

O fonda naa o vi ni, haliko mi n va yoomu lɔ́ɔ́ o hunnin-ndo.

Rɔmnda 6:6

N sínà maa vanacieeyɛi nɛi paanduei baŋnun o yɔm singafilaa coo a ndu latulu, haliko mi dialun hakion siŋnun ɲɛ fondoo fúú, yɔŋii naa n va vɛlɛ cɛa hakia.

Luke 1:74

le naa baŋaa yaamɔaa naa o ba, haliko mi n tosal ndu baalaa, o ve a isiòòn te,

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

1Korɛntea 10:33

La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.

Kolɔsea 3:23

Ɲɛ-ɲɛ niaa va pɛ tosaa, la tosà ndu a kɔllo kpow maa le Maalii, kɛ o va le vanaciee le.

Kolɔsea 2:12

Nduyɛ, telen niaa sɔla yinɔɔ-o, mí la sɔla kumbɔɔ o sɛiyo nin a ndu latulu, mí la tendul vɛlɛ a ndu latulu, le tùú niaa laalan kpaaya Hala mingi ndu yoomu fulaa vanvílɛ́iya tɛɛn-ndo.

Rɔmnda 8:6

Kani dɛnnda n'falulan la co piɔ́mndo ni. Kɛ dɛnnda Kɔl-Diandaa la co yoomoo a kɔlɲuloo ni.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Nsaŋ 6:57

Maa mɛɛ Pua co yoomu-o vem ya, mì va yoomu le ndu Pua yɛ, lende koni, vana de ya pɛ, ndu vanin yoomu le ya.

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

Sakari 10:9

I sɛŋi nda vanaa súúla celen tɛɛn, kɛ a lonin nɛɛ levil lon polon mà loonun a ya. A calnin ndon a cuavaa ndaa, o kon kɔɔli, a muungunin o nda lo.

Habakuk 2:4

Vana nɔ tuula vɔɔnndan-ndo pɛ a yongaa ca, yiyannda ndɔlan la sendu le, kɛ vana sandaa vanin yoomu le laalan ndɔɔ.

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

Rɔmnda 8:10

Te Krista co pɛ niaa nin, a toɲa, la co a vílɛ́iya o falon nin a ba hakio. Kɛ le mɛɛ Kɔl-Diandaa co niaa nin yɛ, la sɔla yoomoo le dɛnɛ sandaa.

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Esekiɛl 37:14

I lueinin hoeyii nii yoomuɛi niaa nin, mì la muungu yoomu. I minginin niaa kɛsi o lɛŋnde niaalen coo, mì la sina o kon maa ya Mɛlɛka, i soo, mì tosa vɛlɛ o ya dimi-o.» Diom Mɛlɛka dimi-o co kon ni.

Rɔmnda 6:2

Kɛì-kɛì bɛɛ! Naa n vi nin a ba hakio-a, vɛ̀ɛ̀ naa n muungu yɛnin vɛlɛ mì va o hakio nin?

Esekiɛl 37:9

Mó dimul-la aa: «Tɛɛnguu diom Hala-o mà soo o hoeyii yoomuɛi lo aa ‹Nuaa Maalii, o co Mɛlɛka-o dimi ni aa: Nɔm hoeyii yoomuɛi sei, fula o kpengun hiɔɔlun ceendo mà hɔŋ vanvílɛ́iya haa coo, haliko ma muungu yoomu.›»

Esekiɛl 16:6

Mɛɛ ya kei nɔm ikɛi, mí komal nɔm lɔngɔlianndo o kooma nɔmndan nin. Mí dimul nɔm aa: ‹Va yoomu o kooma nɔmndan nin.› A toɲa, mí dimul nɔm aa: ‹Va yoomu o kooma nɔmndan nin›.

2Masaa 5:17

O kon mí Naaman dimi aa: «Mɛɛ n kɛɛ ɲɛm ya ke nɔm-ndon yɛ, cɛl ma ke ya puuloo tùú milɛaa ŋiɔn a cua kpafii. Kani i yeema lɛ mì soli sálà loamaa, te kon te sálà kɔlɲulu le halaa celen te, fɔ le Mɛlɛka.

Rɔmnda 4:25

Le tɛɛmbuula naalan nda mal ndu vannda o ba ni, mó tendul le naa dio keo.

2Korɛntea 12:10

Lelan i dɔwnun ɲaale le kpaaya lepɛŋndo, le yeowla vannda co ya lan, le ɲɛm nda co ya tuŋɔɔ-on, le yɛle nda co ya tollo-len, a le sangala co ya coo le Krista lan. Kani telen ya nɔ mayoomu loo, telen kon ya sɔlà kpaayaa ni.