2Korɛntea 5:14 - BII BILA

¹⁴ Kani kaola Yeesu-o hiow naa mayoomu, bau n sínà pɛɛngu maa vana pilɛ kpé sɔla piɔ́mndo le vannda kpow ni. Lelan, piɔ́m o sɔla kon-ndo, vannda kpow a vi vu kon lende ni.

2Korɛntea 5:14 Referans Kwoze

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Rɔmnda 5:15

Kɛ vana tuu tɛɛmbuu vanacieo a ke Hala-o le. I co toɲa maa vanaa bɔɔ-bɔɔ vi le tɛɛmbuu vana pilɛ kon, kɛ kɛndɛi Hala-e ndi hiow polon. Kɛndɛi o tosal vanndacieea fondo fúú o vanacieo ndu pilɛ nin-nde, o co Yeesu Krista-o pɛɛn, ndi tol vanaa bɔɔ-bɔɔ coo ni.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

2Korɛntea 3:9

Te vali yɔngu vanndacieea piɔ́mndo sɔlaa-o sɔla pɛ biiloo, vɛ̀ɛ̀ biilu vali dɛnɛ sandaa ndu hiwnin kon vaa o bɔɔ le?

Hebreea 2:9

Kɛ ɲɛ naa n co taasi dɔvɔɔ-o co ni maa, mí Yeesu ndóò dɔɔnian hiovɔɔ mɛlɛkaa coo le telen bingi, kɛ sunsun, o sɔla biiloo a bɛɛlen le sanga o sanga mó vu-o. Le kɛndɛi Hala-e, mó vu le vanndacieea kpow.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

1Timote 5:6

Kɛ vanalanɔ pɔnɔ ndɔ vi mò va yeemɛi ndɔɛi ndu pila-e tosaa-o, maa vana vílɛ́i koni ndu co nin ni, hali o va bɛɛ yoomu.

1Korɛntea 16:22

Te vanndo kaola Maalii Yeesu Krista le, ndu siŋnun vana dangaa. Maranata - Maalii naa co hunɔɔ.

1Timote 2:6

Ndu yɔngun ndu pila le vannda kpow baŋaa ni. Mí seile len le fula o telen bɛnda-o.

Kolɔsea 2:13

Niaa va a vílɛ́iya o kɔllo nin le tɛɛmbuula niaalan a le tooma niaa kɛɛ diyɔɔ o diallon nin-ndo-a, mó tosa mí la muungu ceen a ndu latulu, mó mal tɛɛmbuula niaalan kpow haki.

Efɛsea 6:24

Màá vanaa kaola Maalii naa Yeesu Krista kaola kpeekpeiyo-a kpow a sɔla dɛnɛ kɛndɔɔ!

Nsaŋ 11:25

Mí Yeesu dimul ndu aa: «Ya co tendul vanvílɛ́iya a yoomoo ni. Vana laalan ya pɛ, o vanin yoomu, hali o vu bɛɛ.

Condii kɛndɛ-kɛndɛi 1:4

Nan ya nɔm kɔɔli mì n ɲaanun. Masa nuu, luei ya o cɛi nɔm lɔlaa nin, mì n kɔ mì n dɔwnun ɲaale naa ŋiɔn. N lisanin piilianndaan hiovɔɔ mɔiyan coo. A toɲa, cuavaa laandua kaola nɔmnda nɔ dí le nɔm kaolaa.

1Korɛntea 2:14

Vanaciee nɔ Hala Kɔl-Diandaa loo nɔla mò cɛl sɔɔn Hala Kɔl-Diandaa le, kani sɔɔn ndiɔmndon n co ndu o hɔl ni. Mɛɛ mì Hala Kɔl-Diandaa va vanndo nin malan o sínà mun kɔlɔlan.

Luke 15:24

kani po nuu ndóò vi, kɛ o muungu yoomu, ndóò lo, kɛ o cennun.› O kon, má kandu bɛɛ ɲaaloo fɔ́ɔ́fɔ̀,

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

1Nsaŋ 5:19

N sínà maa a Hala-a naa n co ni, mì ceendo kpede va o kpaaya Vana Vɔɔndo bɛngu.

2Korɛntea 3:7

Sɔɔn tɔŋun mun n va n sɛvaa o powta yɛ́ndɛ́lan coo, Moise va baala tɔŋ kon tosaa, tɔŋ yɔngu kon vana piɔ́mndo sɔlaa-o pɛɛn. Mí hɔlaa ndɔa a deŋi deŋio pila, cuavaa Israɛlla a tiwba ndu tofaa le biilu va kon hiownɔn-ndo le. Nduyɛ, le telen bingi koni biilu kon va ni. Te tɔŋ dii kon vana-o deŋi pɛ deŋi vaa lende,

Rɔmnda 2:2

N sina maa a toɲaa Hala kilu vanaa vaa lende yamɛi ni.

Nsaŋ 5:25

I co niaa toɲaa dimul kpendekele, telen pum co tiiya, o tiiyaa koni o co yɛ nin nuaa ni, mì vanvílɛ́iya tuei Po Hala-o diom, nduyɛ vanaa tueinin ndu kan diom-nda a vanin yoomu.

SƐBƐ YƆB-O 32:18

Kani i nɔ yiyanndan taw, kɔl nuu co ya suukoo le ɲɛ ya nɔ o kɔl-lo dimio.

Dɛnnda kiilaa 18:5

Kɛ Silas nda Timote hunɔɔ fulaa Maseduan, mí Pol muungu vannda pɛɛkoo daama, mó va Yuifia dimio o hɔl maa Yeesu co Krista ni.

Luke 24:29

Kɛ má dimul ndu aa: «N lonnun nanu naa niaa. Paalen le co nihau kɔlan delɔɔ nuaa ni, mì ɲumndan ma tol.» O kon, mó luɛi, mó lo lon nda ndaa.

Luke 15:32

Kɛ mɛɛ mì n tosa kafoo, mì n dɔwnun ɲaale, kani pɔmbɔ nɔm hoo ndóò vi, kɛ o muungu yoomu. Ndóò lo, kɛ o cennun.›»

Rɔmnda 6:6

N sínà maa vanacieeyɛi nɛi paanduei baŋnun o yɔm singafilaa coo a ndu latulu, haliko mi dialun hakion siŋnun ɲɛ fondoo fúú, yɔŋii naa n va vɛlɛ cɛa hakia.

Rɔmnda 6:13

La yɔngu lɛ falun niaan le hakio tosaa maa ɲɛm valin dɛnɛ sandaa lepɛŋ-ndon te. Kɛ niaa pila yɔngun le Hala maa vanaa tendul fulaa vanvílɛ́iya tɛɛn-nda, mì falun niaan va maa ɲɛm valin dɛnɛ sandaan le Hala.

Kolɔsea 3:3

Kani la vi, mí yoomu niaa va o vianaa a Krista latulu o Hala nin.

1Dɛnnda lemasalan 11:18

O kon mí kuubaa yáá-aa kan dimi aa: «Mɛɛ la va pɛ la va!» Má kɔa cɔ́-cɔ́, má kɔ luɛi a kpaayaa o dɔ́ɔ́ngɔ́ɔ̀ Filistia nin, má kɔandu mɛmma kalan. Má muungu a man, má kɔ yɔngu David. Kɛ David cɛl le man kolɔɔ le, mó solul Mɛlɛka man sálàá, mó cuiŋi man lɛŋ.