2Korɛntea 5:11 - BII BILA

¹¹ Lelan, n sínà ɲɛ co siòòŋii Mɛlɛka-e nɔu-vo, n co kindinndo le vannda kɔltan mangalaa. Hala sínà naa ɲɛkɛndɛi. Nduyɛ, i laalan maa niaa bɛɛ, kɔlta niaalan bɛɛ la sínà kon.

2Korɛntea 5:11 Referans Kwoze

Yude 1:23

La tuiŋi nda o yin, mì la ciindiaa nda. Vanaa tɔ̀a yɛ, la nɔ ɲíí ndɛi, kɛ la caa dɛ. La cɛl le mɔɔsianndo a nda le, hali le volɔɔla ndala nɔɔla a yeemɛi ndɛi vɔɔnde lan pilanndo.

Hebreea 10:31

Dɛnɛ dɔaw vana siòònnde tawvo o co ni, le vanacieo delɔɔ Hala nɔ yoomoo o ba-o o ba.

Dɛnnda cɔɔmuanndan 20:15

Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

2Korɛntea 5:20

Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

Dɛnnda kiilaa 18:13

Má dimi aa: «Langbanɔɔ ho co vannda kɔltan mangalaa mà va Hala biiloo, kɛ o co mɛɛ tɔŋndo dimi yɛ le.»

Luke 12:5

Kɛ i cɔmnin niaa vana niaa bɛnda le vou-vo. La vo Hala, o nɔ kpaayaa-o, te o cii pɛ vana diyɔɔ, o viow o ɲánndávàà. Maa lekɛ́ndɛi, mì dimul niaa, ndu niaa bɛnda mì la vo ni.

Nahum 1:6

Nɛ̀ɛ́-nɛ̀ nɔla yɛ mò simul kɔl ndɔ tuwvo? Nɛ̀ɛ́ tiw yɛ ba mò lo yoomu a yinnde ndɔle kɔltuwlen? Maa leyin kɔl ndɔ tuwvo keleŋa tiwvo ni, hali powtan mi la piɔsi ndu o hɔl.

Condii lisai 90:11

Ɔ́ɔ̀ vana sina kpaaya kɔltuw nɔmndo-o? Nɛ̀ɛ́ sina yɛ kɔl tambɛi nɔmndo, o yɔŋ mì siòòŋii nɔmnde bii naa-o?

Condii lisai 76:7

Mɛɛ nɔm Hala Yakɔb-o deŋul nda, mí vanaa ɲaanun o soa coo-a a soa ndaa kan a deli lɛŋ lɛ́ɛ́siɛn.

SƐBƐ YƆB-O 31:23

Kani siòònde co ya a dɛnɛ palaa fula Hala o ba-o. Nduyɛ yáà nɔlanin ndu simul te.

Kalatea 1:10

Mò va maa candɔɔla vanndacieea ya co nuwviaa ni baa Hala ya candɔɔ? Mò va maa le hɛnan vanndacieea tosaa ya co kindinndo ni? Te yáà yeema pɛ le hɛnan vanndacieea tosaa, yáà venin vana baala Krista-o le.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Dɛnnda kiilaa 28:23

O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo.

Dɛnnda kiilaa 26:26

Masa ya co sɔɔn mun dimullo-o sinà dɛnndan ndan, lelan i tiwba mì soo ndu o hɔl a tiindanndo. Nduyɛ, i laalan maa o kɛ́-kɛ̀ co ndu mial te, kani o co dɛnnda hiow o vionnɔn nin te.

Dɛnnda kiilaa 19:26

Nduyɛ, la co cɔu, la co vɛlɛ tueyɔɔ ɲɛ langbanɔ nda veelu kon aa Pol-lo co tosaa-o, o co dimio maa halaa vanndaciee cɔw-va co n'hala le. Nduyɛ, vanaa bɔɔ-bɔɔ a co ndu delɔɔ kɔɔli, o co ko Efɛs nanu le, kɛ vana dimi tuŋ maa o lɛŋnde Asii len nin kpow.

Dɛnnda kiilaa 18:4

Pol va sɔɛi lɔ́ɔ́-lɔ́ɔ̀ o palɛi pɛngiɛi coo o cɛi lekaando nin, o va vɛlɛ nɛilan nuwviaa le Yuifia a Krɛkia kɔltan pilanndo.

Dɛnnda kiilaa 13:43

Bɔŋanndo cuvɔɔ, mí Yuifia bɔɔ-bɔɔ a vanaa sina Hala le-a, a va o kaannde Yuifia-a a del Pol nda Barnabas kɔɔli. Má suukan nda ndaa, má luei nda yoomuan maa a hiow laci a kɛndɛi Hala-e tiindanndo.

Luke 16:31

Mí Abraham dimul ndu aa: ‹Te a tui Moise a vanaa-tɛɛngaa-diom Hala-a diom te, mɛɛ vanndo fula bɛɛ vanvílɛ́iya tɛɛn, a laalannin ndu le.›»

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Esai 33:14

Siòònde bii vanaa lahakia o kobio Siɔn nin, vanaa vo Hala le-a ɲiiya nákà-nàkà. A co dimio aa: «O naa tɛɛn, nɛ̀ɛ́ cal-lɛnin o yinnde sal-te co len kuuliaa len ikɛi? Nɛ̀ɛ́ lo yɛnin o yelenyelen fɛɛn-fɛɛndo ho ikɛi?

Condii lisai 73:19

Ɛ̀ɛ̀ nduyɛ, má cè mɛɛ nda tambu o lepilɔɔ yɛ, siòòŋii bɛnduei cii nda kpow.

SƐBƐ YƆB-O 18:11

Nɛɛ-nɛɛ fee a vanin vooloo taw a siòònde, siòònde vanin kelaa ndu kɔɔli.

SƐBƐ YƆB-O 6:4

Kani kɔɔn Vana-Kpaayaa-Kpow n co n'baŋnanndon ya o n'dial, kɔl nuu co lólò kɔɔn mun sɔɔsiaa. Ɲɛm vueinan Hala-on hinul-la.

O Kandɔɔ 35:5

O kon kɔɔli, má puusiaa dɔ́ɔ́ngɔ́ ndaa le kɔnndan. Mí Hala luei kobila balu lon-ndan siòònde taw háá vana-vana dim poaa Yakɔb-a le.

Esai 19:16

O palɛi ken nin, Esiptea vanin maa vanlaandua nɔ mayoomu le-a, telen Esiptea canin Mɛlɛka-Nɔ-Kpaayaa-Kpow-vo baa heeloo le nda lɔɔ-o, a ɲiiyanin a siòònde ma vow.

Efɛsea 5:21

La biinan diomndan vellaa-velle le bɛɛle niaa co Krista keo len.

Hebreea 12:29

Kani yinnde tɛɛmbua len Hala naa co ni.