2Korɛntea 5:10 - BII BILA

¹⁰ Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

2Korɛntea 5:10 Referans Kwoze

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Dɛnnda cɔɔmuanndan 22:12

Tofa vɔ, i co hunɔɔ sunsun, i co hunɔɔ a vɔ̀ngɔ̀la nilan, le vana-vana mingullo mɛɛ dɛnnda ndɔlan la co yɛ.

Efɛsea 6:8

Kani mɛɛ mì la sina maa, o va cɛ, o va vana co o ba ndɔɔ coo-o, Mɛlɛka mingulnin vana-vana mɛɛ dɛnɛ kɛndɛ o tosa-o co yɛ.

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

Condii lisai 62:12

Ɲɛ Hala dimi mì tuɛi ndu lɔ́ɔ́-lɔ́ɔ̀-o co ni aa: «Hala nɔ kpaayaa ni.»

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

1Piɛr 4:5

a dɔawnunnin kona o vana kialunin vanaa co yoomu-a a vanvílɛ́iya iyama-o lo.

Condii lisai 98:9

Mɛlɛka o hɔl! Kani o co hunɔɔ lɛŋnden iyama kiolɔɔ. O kialunin nden iyama o sandei nin, mò kelu vannda iyama a toɲaa.

Dɛnnda kiilaa 17:31

Kani o cii paalen kiolɔɔ, paale o kialunin vannda kpow iyama o sandei nin-nden, vana o hɛli-o tosanin kon ni. O cɔm vannda kpow tɔɔmasele kon a tindi o tindi ndu fulaa vanvílɛ́iya tɛɛn-ndo.»

Dɛnnda kiilaa 10:42

Yeesu dimul naa le vannda Yoongu Kɛndɔɔ ho tiiyallo, mì n tɛndal nda vɛlɛ seilen maa: ndu Yeesu Hala hɛli le yamɛi kiolɔɔ vanaa co yoomu-a a vanvílɛ́iya tɛɛn ni.

SƐBƐ YƆB-O 34:11

Mɛɛ vanacieo tosa dɛnndan yɛ, lende o sala ndu ni, mɛɛ vana-vana kela yɛ, lende o mingul ndu ni.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Esekiɛl 18:30

Lelan i kialunin yamɛi niɛi mɛɛ dɛnnda vana-vana la co yɛ, niaa cuavaa Israɛlla pɛɛn. Sɔɛi fula Maalii, o co Mɛlɛka-o o sondo-e co ken ni. Lelan la mangalan, mì la mulul dɛnnda niaala vɔɔnndan kpow kɔɔ, yɔŋii biondɔnnda niaalan la siŋnun pow boŋaa le niaa.

1Masaa 8:32

yaŋnun ndu diom nɛɛ n co o halataala-a, mà cɛn, mà kelu yamɛi vanaa nɔmaa baalaa tɛɛn, mà yaala vana nɔ dí loo, mò sɔla sanga o bɛnda le sɔlaa-o, mà ke vana nɔ dí-o dí ndɔɔ.

O Kandɔɔ 18:25

A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»

1Masaa 8:39

mulul nda nɛɛ n co o calta nɔmndan o halataala-a, mà mal nda haki, mà kelu yamɛi vana-vana mɛɛ dɛnnda ndɔlan la co yɛ. Kani nɔm pilɛ kpé sina kɔlta vanndacieea kpow ni.

1Samiɛl 2:10

Mɛlɛka co a hiilɛi o halataala le yaamɔaa ndɔa tɛɛmbuuo, kani ndu co yamɛi lɛŋnden kpede kiolɔɔ ni. Ndu lueì masa vanaa ndɔa yoomuan ni, mò cɔɔlu vana o hɛli-o masalen.»

Rɔmnda 6:19

O vanacieeyɛi nin ya co sɔɛi ni, le tùú niaa nɔ mayoomu o falun niaan nin too. Maa mɛɛ niaa luei paandu dialun niaan o cɛle dɛnɛ nɔɔlɛilen a o cɛle dɛnɛ sandaa lepɛŋndo nin le dɛnɛ sandaa lepɛŋ kon tosaa yɛ, mɛɛ la luei niko dialun mun o cɛle dɛnɛ sandaa nin le dɛnɛ diandaa tosaa.

1Samiɛl 2:3

La híw sɔɔn kuundianndon dimi le, la solin ndɛ yeowlan o lasondo o sɔɔn niaan nin te. Kani Mɛlɛka co Hala sina dɛnndan kpow-vo ni, ndu kialu yamɛi dɛnnda vannda kpow ni.

2Korɛntea 7:3

O co le niaa yaala le ya co niaa sɔɔn mun dimul te. I dimúl nin niaa paandu maa n kaola niaa taw, n va yoomu, n vu.

Rɔmnda 2:16

Ken fulanin ceen o paale Hala tosanin mì Yeesu Krista kelu dɛnnda viannannda vanndacieea yamɛi len, maa mɛɛ Yoongu kɛndɛ ya co dimio-o co yɛ.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.