2Korɛntea 4:9 - BII BILA

⁹ A co naa yɛlen tollo, kɛ Hala co naa malɔɔ le. A co naa kpuviaa, kɛ a co naa diw le.

2Korɛntea 4:9 Referans Kwoze

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

Misee 7:8

Nɔm yaamɔɔ nuu sei, dɔawnun ɲaale a dɛnɛ nuu o kɔɔ le! Kani i del bɛɛ, i co cɔnɔn, i va bɛɛ icali o ɲumndan nin, Mɛlɛka co ɲɛ-tengaa nuu ni.

Talelan 24:16

Kani hali vana sandaa del bɛɛ leŋɔmmɛw, cɔnnɔnndo o cannin ni. Kɛ vanaa kɔlvesɛiya nda, lɛŋ dí dɛnɛ palaa tiiya nda sondoo ni.

Condii lisai 42:11

Paalan la yomiyomi ya o n'dial, kani niinoo kpɛŋ yaamɔaa nia co ya yeowlan aa: «Kuɛɛ Hala nɔmndo co yɛ?»

Hebreea 13:5

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

2Korɛntea 7:6

Kɛ mí Hala, vana ɲɔɔlu vanaa co o mɔnɛi nin-nda-o ɲɔɔlu naa telen Tite hin-ndo.

Esai 62:4

Vana ke lɛnin nɔm ladio aa: «Vana malnanndo» le. Vana veelu lɛnin lɛŋnde nɔmnden aa: «Lɛŋnde siɔŋɛilen» te. Kɛ a veelunin nɔm aa: «Kɔl Mɛlɛka-o», a veelunin lɛŋnde nɔmnden aa: «Vana co o nɔu-vo», kani Mɛlɛka naŋnin kɔl a nɔm, lɛŋnde nɔmnden le calnin o nɔu.

Condii lisai 9:10

Mɛlɛka co kpakio le vanaa nda co saangiaa-a ni, kpaki nda viannun nin telen dɛnɛ palaa-o.

Nsaŋ 15:20

La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

Condii lisai 42:5

I va pɛ kɔllo keelaa, sɔɔn ya yiyanndon co mun ni: n va kɔlan naa vannda taw, í va nda simndan laci le kɔlan o Cɛi-Hala-o nin. N va yondaa a ɲaaloo mí va balikaa malɔɔ naa sɛ́lɛ́ bɛndu va kon kafoo tosaa-o.

Condii lisai 37:28

Kani Mɛlɛka kaola dɛnɛ sandaa, o mel vanaa lo o lediom coo-a le. O co nda mandaa lɔ́ɔ́-lɔ́ɔ̀, kɛ cuavaa vanaa kɔlvesɛiya ɲumnin bómbò.

Condii lisai 22:1

Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa «Kial idiiyo»-o vana soli ndi ni.

SƐBƐ YƆB-O 22:29

Vannda yeemanin le nɔm siɛmbulan tuisio, kɛ nɔm a diminin aa: ‹I co isisi!› Kani malaa Hala mala vana tuisianndo ni.

Condii lisai 129:2

«Kabi o felengiyɛi nii nin, a co ya dɛnnda vɔɔnndan tosallo taw,» kɛɛ a co ya tiwba le.

Habakuk 3:17

Vooson yendu lɛnin te few, rɛsɛnnda tumndan la kum ndɛnin rɛsɛnndon te. Olivieela tumndan la ve lɛnin komɔɔ le, ɲɛ-ɲɛ ve lɛnin naŋɔɔ o yondola valtan nin te. Saa cuunin o hèélan nin, mì nawva cuu o vɔ̀lɛ́lan nin.

Rɔmnda 8:35

Nɛ̀ɛ́ sɛi yɛnin naa a canyɛi Krista-e? Mo va maa dɛnɛ palaa ni? Buulan bɛndoo bàà? Yaamɔɔlen bàà? Yiaan bàà? Bala fondolan bàà? Kpundɛlan bàà? Mɔɛi cɔwve bàà?

2Timote 3:12

Síná pɛɛngu maa vanaa-vanaa yeema le lou o diomnden coo a yiinannda a Krista, ó co Yeesu-o, vanaa kan a sɔlanin yɛle tolaalen.