2Korɛntea 4:6 - BII BILA

⁶ Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

2Korɛntea 4:6 Referans Kwoze

Esai 60:2

Tofa vɔ, ɲumndan ma kunbu lɛŋnden mɔku-mɔku, ɲumma n'kpungban ma mel vanaa súúla celennda. Kɛ nɔm nɔm, Mɛlɛka co nɔm tengaa coo maa lepala, biilu ndɔɔ cɔmnun nɔm coo.

O Kandɔɔ 1:3

Mí Hala dimi aa: «Ɲɔ́ɔ́ téngá!» Mí ɲɔɔ tèngà.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

2Piɛr 1:19

Hiovɔɔ o kon coo, sɔɔn vanaa-tɛɛngaa-diom Hala-a n co naa o ba, n niaa nɔ dí le hɔlten handɔɔ coo mɛɛ vana handu fitina co biyɔɔ o ɲumndan nin-ndo hɔlten coo háá mi ɲɛ-tengaa paale siaa tenga, mì loei idii-e tenga o kɔlta niaalan nin yɛ.

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

Esai 40:5

O kon, biilu Mɛlɛka-o fulanin ceen, o telen pilɛ kon, vanndacieea kpow canin ndu. Kani Mɛlɛka o sondo sɔɛi he fula ni.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Nsaŋ 11:40

Mí Yeesu dimul ndu aa: «I dimul nɔm, maa taa laalan pɛ, a canin biilu Hala-o?»

Esai 45:7

I toosiaa ɲɛ-tengaa, mí cɔaw ɲumndan. I yɔngu dɛnɛ kɛndɔɔ, mí cɔaw dɛnɛ vɔɔndo. Ya Mɛlɛka, i tosa ɲɛm mun kpede.

Kolɔsea 1:15

Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

Efɛsea 1:17

I co Hala, o co Maalii naa Yeesu Krista-o, Fuɲa nɔ biiloo-o ɲuna, mò yɔngu niaa kɔlkaloo. O kon la sinanin Hala, nduyɛ, la sinanin ndu lekɛ́ndɛi.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Condii lisai 90:16

Màá dɛnnda nɔmndan la cɔmnun naa vanaa nɔmaa baalaa, mì biilu nɔmndo cɔmnun cuavaa-imamaa ndaa!

Condii lisai 63:2

Éé Hala, nɔm Hala nuu, i co nɔm nuwviaa. Kɔl nuu co nɔm yeemaa mɛɛ kolɔɔ vesa vana nuaa yɛ. Dialun nun co nɔm sangaa kɔɔli o lɛŋnde veselɛile kálà-kálà len nin nɛɛ mɛmma co le-a.

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

Filipea 2:6

Ndu co ɲɛ pilɔɔ a Hala-o, o kungulan siimian o siimian nda Hala-o coo le.

Nsaŋ 12:41

Ken Esai dimi telen o ce biilu Yeesu-o ni, mó soaa a ndu o kɔɔ.

Condii lisai 74:16

Nɔm nɔ paalen ni, ɲumndan bɛɛ nɔm o ba ma co ni, nɔm cɔw paangei a paalen ni.

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Esai 35:2

O kumbunnin mɔku-mɔku a punga billo, mò yɛkɛlan a kɔlkɛndɔɔ, mò viow kponyoo a condon a yoondiaala kɔlkɛndɛlan. Naŋɔɔ Liban-ndo yɔngunnin ndu, naŋɔɔ pembei Karmɛl-lo a naŋɔɔ dɛɛlaa Saron-ndo kennunnin ndu. A canin biilu Mɛlɛka-o ciŋ, a mɛɛndannin naŋɔɔ Hala naa.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

1Korɛntea 12:8

Vana pum, mì Kɔl-Hala-o ke ndu sɔɔn kɔlkalon dimio, o pilɔɔ sɔɔn dɛnɛ sinaan mɛɛ Kɔl-Diandaa pilɛ kon co yɛ.

2Korɛntea 2:10

Te la mal pɛ vanndo haki le tɛɛmbuu o tɛɛmbuu-o, ya bɛɛ i mal ndu haki. Kani o kɛ́-kɛ̀ ya mal pɛ haki, i mal ndu haki le niaa Krista o hɔl,

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

1Tesalonikea 2:12

N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.

Hebreea 6:4

N tofan ndɔ sɔɛi vanaa muungu mà del o ceen nda paandoo nin-nda. A sɔla ɲɛ-tengaa Hala-o, má sɔla ke Hala-o, má sɔla Hala Kɔl-Diandaa,