2Korɛntea 4:11 - BII BILA

¹¹ A co naa n co hoo yoomu-o kpede, n co o piɔ́mndo hɔl-ndɔ le Yeesu, haliko mi yoomu ndɔɔ cɔmnun o dialun naan n co hunɔɔ vu-on nin.

2Korɛntea 4:11 Referans Kwoze

1Korɛntea 15:49

Mɛɛ naa n velan a vana cɔwnun a puuloo-o yɛ, lende koni naa n velannin a vana fula o halataala-o ni.

Rɔmnda 8:36

Maa mɛɛ o sɛvan yɛ aa: «Lepalaa-lepala, a co naa diwvo le sɔɛi nɔmnde. A co naa cɔu maa saa nda co kɔlan le diyɔɔ-a.»

Condii lisai 44:22

Nɔm Hala, vɛ̀ɛ̀ a va sɔɛi ken sina le? Kani a sina sɔɔn n'viannanndon o kɔltan nin.

2Korɛntea 5:4

Kani te n co vɔ pɛ o cɛi-kola-toandaa ceendo ho nin, mɛɛ mì n va sangaa maa mɛɛ vana sanga o volɔɔ lusulaa bɛngu nuaa yɛ. I co toɲa maa n yeema mì n faŋan ndu lekɔɔ le, kɛ n yeema mì n cuɛinun volɔɔ fula o halataala-o, haliko mi yoomoo mangala dialun co hunɔɔ vu-on.

1Korɛntea 15:31

Puapilɛa nia, piɔ́mndo co ya biondɔɔ lɔ́ɔ́-lɔ́ɔ̀ le tùú ya co lisanndo a niaa o sondo o Maalii naa Yeesu Krista nin-ndo.

Rɔmnda 8:11

Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.

Condii lisai 141:7

Mɛɛ leŋnden le tɛnda o vaa nuaa yɛ, lende koni ciee-piɔ́m kumbinin sondoo, mò mel paala ndalaa sɛŋin nɛɛ-nɛɛ ka lan ni.

2Korɛntea 4:10

N co kelaa lɔ́ɔ́-lɔ́ɔ̀ a piɔ́m Yeesu-o naa o n'dial, haliko mi yoomu ndɔɔ cɔmnun naa o n'dial.

2Korɛntea 4:12

Le hee, piɔ́mndo co naa baalaa o n'dial, haliko mi yoomoo tosa niaa koni baalaa o n'dial.

2Korɛntea 6:9

A co yiyanndo maa vannda sínà naa le, kɛ nduyɛ a sínà naa válán, a co naa cɔw maa vanaa vílɛ́i, kɛ nduyɛ n co yoomu ɲɛkɛndɛi. A co naa sangaa tuisio coo, kɛ nduyɛ a co naa diw le.