2Korɛntea 3:8 - BII BILA

⁸ vɛ̀ɛ̀ baala Kɔl-Diandaa co tosaa-o hiwnin biilu kon ɲamaa le!

2Korɛntea 3:8 Referans Kwoze

1Korɛntea 3:16

Cɛi-Hala-o niaa co ni, Hala Kɔl-Diandaa co niaa nin. Vɛ̀ɛ̀ la sínà ken te?

Efɛsea 2:18

Kani a ndu o kɔɔ naa sɔla sɔɔnguuo vellaa-velle Hala Fuɲaa ikɛi o kɔl pilɔɔ nin ni.

Kalatea 3:14

Ken i tosan haliko mi vanaa co N'Yuifi le-a, kɛ má laalan Yeesu Krista-a sɔla duaa Abraham-ndo, o kon mí n sɔla Kɔl Hala dimi le vanaa ndɔa keo-vo.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

Nsaŋ 1:17

kani tɔŋndo yɔngun naa fulaa Moise o ba, mí kɛndɛi a toɲaa yɔngun naa fulaa Yeesu Krista o ba.

Esai 59:21

Mɛlɛka dimi vɛlɛ aa: «Ya yɛ, tofa vɔ kpema ya yii a nda-o. Kɔl nuu co niaa coo-o a sɔɔn niin ya vow niaa o sondo-on faŋannin niaa o sondo le. N feŋannin niaa pila a cuavaa niaa o lasondo le, cuavaa niaa imamaa bɛɛ, n feŋannin nda o lasondo le. Kandɔɔ sisa háá le fɛɛn a fɛɛn.» Mɛlɛka dimi lende ni.

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Esai 11:2

Kɔl Mɛlɛka-o vanin ndu coo, kɔl kɔlkaloo a kɔl dɛnɛ sinaa, kɔl silaa a kɔl mayoomoo, kɔl sinapɛngoo a kɔl siòòŋii Mɛlɛka-o.

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.

2Korɛntea 11:4

Kani vana pum co hunɔɔ o niaa lo, mò hun dimul niaa sɔɛi Yeesu celen, Yeesu o naa n dimul niaa sɔɛi ndɔ loo, mì la cɛl kɔl celen, faŋanndo o kɔl diandaa naa n cɔm niaa-o coo, mì la cɛl yoongu celen, faŋanndo o Yoongu kɛndɛ niaa sɔla naa o ba-o coo. Nduyɛ, la co kon cɛlɔɔ ɲɛkɛndɛi.

2Korɛntea 3:17

Nduyɛ, Kɔl-Diandaa co Mɛlɛka ni. Nɛɛ Kɔl Mɛlɛka-o co pɛ, lon hɔ́ɔ́yɛi co ni.

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

2Korɛntea 3:7

Sɔɔn tɔŋun mun n va n sɛvaa o powta yɛ́ndɛ́lan coo, Moise va baala tɔŋ kon tosaa, tɔŋ yɔngu kon vana piɔ́mndo sɔlaa-o pɛɛn. Mí hɔlaa ndɔa a deŋi deŋio pila, cuavaa Israɛlla a tiwba ndu tofaa le biilu va kon hiownɔn-ndo le. Nduyɛ, le telen bingi koni biilu kon va ni. Te tɔŋ dii kon vana-o deŋi pɛ deŋi vaa lende,

2Korɛntea 3:9

Te vali yɔngu vanndacieea piɔ́mndo sɔlaa-o sɔla pɛ biiloo, vɛ̀ɛ̀ biilu vali dɛnɛ sandaa ndu hiwnin kon vaa o bɔɔ le?