2Korɛntea 3:7 - BII BILA

⁷ Sɔɔn tɔŋun mun n va n sɛvaa o powta yɛ́ndɛ́lan coo, Moise va baala tɔŋ kon tosaa, tɔŋ yɔngu kon vana piɔ́mndo sɔlaa-o pɛɛn. Mí hɔlaa ndɔa a deŋi deŋio pila, cuavaa Israɛlla a tiwba ndu tofaa le biilu va kon hiownɔn-ndo le. Nduyɛ, le telen bingi koni biilu kon va ni. Te tɔŋ dii kon vana-o deŋi pɛ deŋi vaa lende,

2Korɛntea 3:7 Referans Kwoze

1Korɛntea 13:10

Kɛ lɔ́ɔ́ o tiwnun-ndo hunnin-ndo, o tiwnun too cuunin ni.

Rɔmnda 10:4

Nduyɛ mɛɛlula tɔŋndo la co Krista ni, haliko mi vanaa laalannda kpow a siŋnun vanaa sandaa.

Fulaa 31:18

Mɛɛ Mɛlɛka cii Moise sɔɔn mun dimul o pembei Sinai coo, mó yɔngu ndu powta yɛ́ndɛ́la kpemalan tan tiɔn, powta yɛ́ndɛ́la ndu Hala pila sɛva coo a suei ndɔɛi lan pɛɛn.

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

2Korɛntea 3:3

La co cɔmndo maa sɛbɛ fula Krista o ba-o niaa co ni, o fula o baala naa nin-ndo pɛɛn. O sɛvan a malankili le, kɛ a Kɔl-Diandaa Hala nɔ yoomoo o ba-o. O sɛvan o powta yɛ́ndɛ́lan coo le, kɛ vanndacieea o lakɔl.

Fulaa 24:12

Mí Mɛlɛka dimul Moise aa: «Hel nɛɛ ya co o pembei coo nanu-a ma sim nanu. I co nɔm powta yɛ́ndɛ́la ya sɛva tɔŋndan a silalan coo lan yɔngu, haliko ma kɔ pɛɛku vannda lan.»

Rɔmnda 4:15

Kani tɔŋndo hun a kɔltuwvo ni. Nɛɛ tɔŋ co yɛ le, tɔŋ tɛɛmbua ve vɛlɛ lon te.

Condii lisai 119:97

Àá! I kaola bɔɔ tɔŋ nɔmndo, niinoo kpɛŋ, i co ndu kɔllo keelaa coo.

Rɔmnda 7:10

mí ya koni vu. O kon, mí tɔŋ yɔ̀ngu vana yoomoo-o yɔngu ya piɔ́mndo.

Dɛnnda kiilaa 6:15

Vanaa kialaa n'yamaa lelɛŋaa kɛ́-kɛ̀ a va lon a va Etiɛn tofaa, má ca hɔlaa ndɔa maa hɔlaa mɛlɛkanɔ.

Condii lisai 119:174

Éé Mɛlɛka! O ya yeema taw-vo co ni ma ciindiaa ya, o tɔŋ nɔmndo nin ya dɔawnun ɲaale ni.

Tɔŋ miingua 9:15

O kon, mí mulin, mí toal pembei, yinnden le va vɔ o pembii kalɛi coo. Powta yɛ́ndɛ́la kpemaa va o sɛvaa coo lan la va ya o ba.

Rɔmnda 7:22

Kani o kɔl nuu nin, tɔŋ Hala-o hɛnan ya bɔɔ,

Tɔŋ miingua 4:13

Mó cɔm niaa kpema ndɔɔ, mó dimul niaa le ndu biyɔɔ a le kelaa lecoo, tɔŋnda tɔ́lan pɛɛn, mó sɛva lan o powta yɛ́ndɛ́lan tan tiɔn coo.

Fulaa 34:1

Mí Mɛlɛka dimul Moise aa: «Nɔm pila siɔl powta yɛ́ndɛ́lan tan tiɔn maa lataselan, mì sɛva sɔɔn va n'sɛvaa o latasela n pesi lan coo-on lecoo.

Fulaa 32:19

Mɛɛ nda tiiya o dɔ́ɔ́ngɔ́ɔ̀ ikɛi, mí Moise ca piɔm nda cɔw kon maa naw téndé-o, mó ca mɛɛ vannda va kponyoo yɛ, mó tuulu kɔl taw-taw, mó viaw powta yɛ́ndɛ́la va ndu o ba lan, mí la cuinun o pembei bɛngu mululu.

O Kandɔɔ 3:21

Mí Mɛlɛka Hala cuɛi vanapɔnɔɔ nda laa ndɔ a yáwla visia.

Hebreea 9:4

Ndóò nɔ fonda solia lasálà ndáà toosiaa a sianion-ndo le sálàla ansan solio. Kesu kpemaa va vɛlɛ lon, o va o yikpaa kpede a sianion. Hɛngɛi nda toosiaa a sianion-ndo va o kesu kon nin, o va o pia cá a manne, sionnde Aarɔn-nde soli peengelan-nden bɛɛ le va lenin. O kon kɔɔli, powta sɔɔn kpeman va n sɛvaa lecoo lan la va lenin.

Nehemi 9:13

Má can o halataala, má tɔal le sɔɛi o nda lo o pembei Sinai coo. Má tiiyal nda silala sɔvɛlan, pɛɛkula toɲaalan a tɔŋnda diandaalan.

Tɔŋ miingua 4:8

Ɔ́ɔ̀ vanaa-mangalaa-isɔɔa nɔ vɛlɛ tɔŋndan a silala sandaalan maa tɔŋ ya co hoo niaa hau yɔngoo-o-a?»

Tɔŋ miingua 5:22

Sɔɔn mun Mɛlɛka dimi kpendekele o yinnden tɛɛn, o kumii bɛnduei nin le vanaa va isisi o pembei bɛngu-a kpow ni. O hendu ɲɛ-ɲɛ lecoo le. O kon kɔɔli, mó sɛva mun o powta yɛ́ndɛ́lan tan tiɔn coo, mó yɔngu ya lan.»

Rɔmnda 5:20

Nduyɛ, tɔŋndo ndu hin, haliko mi yɔŋ vɔɔndo kui, kɛ nɛɛ yɔŋ vɔɔndo kui pɛ, lon kɛndɛi Hala-e ndi hiaw kuiyo ni.

Rɔmnda 7:5

Kani telen naa n va o falon nin-ndo, yeemɛi dɛnɛ vɔɔŋii tɔŋndo va kpeeŋiaa-e va vallo naa o n'falu, haliko mi náà n tosa dɛnnda yaa vana o piɔ́mndo nin-ndan.

2Korɛntea 3:8

vɛ̀ɛ̀ baala Kɔl-Diandaa co tosaa-o hiwnin biilu kon ɲamaa le!

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

Kalatea 3:21

Mò va maa cɔlɔbaa tɔŋndo co kpema Hala-o ni? O co lende le. Te tɔŋndo ndóò yɔngu pɛ vana yoomoo, mɛɛ o va tosa mí Hala ndóò ce vanaa co ndu biyɔɔ-a vanaa sandaa.

Hebreea 3:3

Kɛ Yeesu bɛnda mò sɔla biiloo hiovɔɔ Moise coo. Kani vana baŋ cɛiyo-o bɛnda mò sɔla bɛɛlen hiovɔɔ cɛi kon coo.

Hebreea 12:18

Niaa, o co ɲɛ vana nɔla pilanndo-o le niaa sɔɔnguu ikɛi le, yinnde bɛndule ve lon te, ɲumma n'kpungba ma ve lon te, ɲumma bɛndu ma ve lon te, hoeyii fùkù-fùkùi ve lon te,