Kɛ mó dimul-la aa: «Kɛndɛi nii tiw nɔm. Kani o yoomuma lepɛŋndan nin kpaaya nuu cɔmnùn ni.» Lelan, o co fisa mì kuundian o yoomuma nima lepɛŋndan nin, haliko mi kpaaya Krista-o va ya coo.
Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.
Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.
Maa mɛɛ kɛndɛi Mɛlɛka-e i yɔngun ya-e. Ya ya, i tosa baalaa maa vana caa baalaa taw-vo, mí kila cɛiyo, mí vana celen tangul lecoo. Kɛ, mɛɛ mì vana caa taw a mɛɛ n co cɔwva lecoo yɛ.
Le vanaa co kɔlan o lou nin-nda yɛ, cun yɔngu vana piɔ́mndo sɔlaa-o co nda diyɔɔ. A co kɔlan o nɛi cindaa coo-a nda, cun yɔngu vana yoomoo-o co nda yoomoo yɔngoo. Nɛ̀ɛ́ tiw yɛ ba mò tosa dɛnɔɔ ho?
O tàndá Yuda-o nin vɛlɛ, mí Hala tosa ɲɛ vannda o lakɔl, mí nda kpow a cɛl ɲɛ ndu Mɛlɛka sɔɔ masaa a vanaa bɛndua va ndu o ba bɛngu-a o lasondo le nda dimullo-o.
Kani i diminin isɔɔ oo isɔɔ le, te o co sɔɛi Krista tosa o ya nin-nde le, sɔɛi o tosa mí vanaa co n'yuif le-a bii sɔɛi Hala-e yɛ. A sɔɛi sondoei a á dɛnndan o tosa ken