2Korɛntea 3:16 - BII BILA

¹⁶ Kɛ vana muli pɛ hɔlla o Mɛlɛka lo, kola vaan-vaan kon faŋan.

2Korɛntea 3:16 Referans Kwoze

Fulaa 34:34

Te ndóò va pɛ luɛyɔɔ o cɛi-kola-toandaa-labɔɔŋianndo nin le suukanndo nda Mɛlɛka, ndóò faŋan kolaa o hɔl háá mì ndóò fula. Ndóò fula pɛ, ndóò tɛɛngul Israɛlla sɔɔn Mɛlɛka dimul ndu-on.

Esai 29:18

O palɛi ken nin, vanaa nila baŋulɛiya tuɛinin sɔɔn co o sɛbɔɔ nin-ndon, hɔlta vanaa sumɛiya la fulanin o ɲumndan nin a o ɲumma n'kpungban nin, mì la ce válán.

Esai 25:7

O sɛɛsiaanin kola vaan-vaan co o kuumbuanndo vannda súúlan kpow coo-o o pembii ken coo, kola kuumbun vanaa-mangalaa-isɔɔa kpede coo-o pɛɛn.

Rɔmnda 11:23

Vanaa kan yɛ, taa lo o nila kalulan nin te, a hun sɔlanin holɔɔ, kani Hala nɔ kpaaya o mingi nda holɔɔ-o.

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Cɛɛŋɔnnda Yeremi lan 3:40

N mɛɛndian ndɔ kelala naalan, n dɔwnun-ndɔ lan taasi, o kon, mì n muungun Mɛlɛka o ibuŋ.

Esai 54:13

Poaa nɔmnda kpow delnin ya Mɛlɛka kɔɔli, nduyɛ kɔlɲulu cuavaa nɔmnda vanin o bɔɔ!

Tɔŋ miingua 30:10

Te la kela pɛ o tɔŋnda ndɔlan a o silala ndɔla co lasɛvaa o sɛbɛ tɔŋndo ho nin-ndan coo, mì la muungu Mɛlɛka Hala niaa o ibuŋ a kɔlta niaalan a á yoomu niaa kpow, kon tosannin.»

Tɔŋ miingua 4:30

Te sangala lan kpow la kei pɛ niaa coo mì la ŋɔɔcian, o kon kɔɔli la muungu o Mɛlɛka Hala niaa lo, la bii diom ndɔɔ.

2Korɛntea 3:15

Háá paale hau len nden, Israɛlla va pɛ sɛbɛ Moise-o dimio, kola vaan-vaan kon kumbu nda yiyanndan.