2Korɛntea 3:14 - BII BILA

¹⁴ Kɛ mí dɛnɛ sinaa ndaa laasian. Kani háá paalen nden hau, a va pɛ kpema paandoo dimio, kola vaan-vaan pilɛ kon co lon. O feŋan te, kani o Yeesu Krista nin kínɛí kola kon nɔla mò faŋan ni.

2Korɛntea 3:14 Referans Kwoze

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Dɛnnda kiilaa 16:14

Vanalanɔ pilɛ va nda tɛɛn diolan Lidi, fulaa o kobio Tiatir. Kolala siaŋala volototola báà kalalan ndóò pisi ni, o va Hala piɛiyo. O va naa nilan yaŋɔɔ, mí Mɛlɛka kumbi ndu kɔllo le ɲɛ Pol va dimio-o tueyɔɔ ɲɛkɛndɛi.

Dɛnnda kiilaa 13:15

Ndáà ciiyo sɛbɛ tɔŋndo a sɛbɛla vanaa-tɛɛngaa-diom Hala-a dimio, mí simlacia cɛi lekaan kon dimul nda aa: «Puapilɛa naa, te la nɔ pɛ isɔɔ le vannda yoomuan lueiyo, mɛɛ la dimi.»

Nsaŋ 12:46

Ya ɲɛ-tengaa, i hin o ceendo coo, haliko vana-vana laalan ya pɛ, o va o maɲum nin te.

Nsaŋ 12:40

«Hala suumiaa nda hɔltan, mó kindi nda nilan, haliko a ca le, a bii bila le, a mangalan o kon mì i singi nda le.»

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Matie 16:17

O kon mí Yeesu dimul ndu aa: «Dɛnɛ kɛndɔɔ co le nɔm Simɔn po Yonas-o, kani o co vanaciee le cɔm nɔm dɛnɔɔ ho le, kɛ Fuɲa ni co o halataala-o.

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

Matie 6:23

kɛ te hɔltan la ve nɔm lakɛndɛ le, dialun nɔmndon kpow n luɛi o ɲumndan nin. Te ɲɛ-tengaa co nɔm niŋ-ndo siŋnun pɛ ɲumndan, mɛɛ ɲumma man ma và ma bɔɔ dɛ!»

Esekiɛl 12:2

«Po vanacieo sei, o vanaa nila kalua tɛɛn n co icali nuaa ni. Vanaa kan nɔ hɔltan, kɛ a ci le, a nɔ nilan, kɛ a tui le, kani vanaa nila kalua nda co ni.

Yeremi 5:21

Niaa vanaa kindu haa lakɔl te-a, niaa vanaa nɔ lakɔl niŋ te-a, la yaŋ nilan! La nɔ hɔltan, kɛ la ci a lan te. La nɔ nilan, kɛ la tui a lan te.›

Esai 44:18

Vanaa kan a sina ɲɛ-ɲɛ le, a bii ɲɛ-ɲɛ bila le, a kinda nda hɔltan yɔŋii nda cɔ, a laasiaa nda kɔltan yɔŋii nda bii ɲɛ bila.

Esai 59:10

N co kɔlan o cìì cɛiyo holnɔnndo a balan keeliaa maa vanaa sumɛi, n co kɔlan a balan keeliaa maa vanaa nɔ lahɔl te-a. N co boŋio ipala déŋ maa o maɲum nin. Maa n'van vílɛ́i naa n co vanaa mayoomua tɔ̀a tɛɛn ni.

Esai 56:10

Kpalilaa cumulaa Israɛl, vanaa sumɛiya nda kpow co ni, a bii ɲɛ-ɲɛ bila le. Tunaa boboa kposon nda kpede co ni, a nɔla busɔɔ le, yiyannda lasiɛilan tuŋ la co nda o lakɔl ni, ihini tuŋ nda connun ni, a kaola bɔɔ lɔan dɔɔfɔlɔɔ.

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

Condii lisai 69:23

Màá kafola ndala ɲɛdiaalan la siŋnun yaŋɔɔlen le nda pila, a le vanaa nda veelu le dio kon-nda!

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

Esai 25:7

O sɛɛsiaanin kola vaan-vaan co o kuumbuanndo vannda súúlan kpow coo-o o pembii ken coo, kola kuumbun vanaa-mangalaa-isɔɔa kpede coo-o pɛɛn.

Dɛnnda kiilaa 15:21

Kani o co nin lɔ́ɔ́ levil, mí vannda co tɔŋ Moise-o vanaa celen pɛɛkoo o kobila yɛ́-yɛ́lan nin, a co vɛlɛ ndu dimio o cɛila lekaandan nin o palɛi pɛngiɛi coo lɔ́ɔ́-lɔ́ɔ̀.›»

2Korɛntea 3:15

Háá paale hau len nden, Israɛlla va pɛ sɛbɛ Moise-o dimio, kola vaan-vaan kon kumbu nda yiyanndan.

Efɛsea 4:18

a kɔlkalu ndaa laasian kan-nda. A nɔ ɲɛ-ɲɛ o cinda Hala yɔngu vana-o nin te, kani a sínà ɲɛ-ɲɛ le, a kendu bɔɔ nilan.