2Korɛntea 3:12 - BII BILA

¹² Le tùú naa n tiindan kon-ndo naa n nɔ kɔlkɛsiaa ɲɛkɛndɛi ni.

2Korɛntea 3:12 Referans Kwoze

2Korɛntea 7:4

I laalan niaa taw, nduyɛ i nɔla mì kelu yongaa a niaa o kɔɔ. I co ɲɔɔloo sɔlaa o sangalan nin kpow, i co a kɔlkɛndɛ bɛndoo.

Filipea 1:20

Nduyɛ, i yeema mì kon tosan, ɲɛ ya handu kɔllo coo taw-vo co kon ni, siɛmbula biinin ya le ɲɛ-ɲɛ le. Kɛ sunsun a le fɛɛn a fɛɛn, i nɔ kɔlkɛsiaa maa Krista sɔlanin sangalaa o dialun nun nin, i va yoomu, i vu.

Dɛnnda kiilaa 4:13

Mɛɛ vanaa kialaa n'yamaa lelɛŋnda ce Piɛr nda Nsaŋ sɔɛi válán a kɔlkɛsiaa, má sina vɛlɛ maa vanndacieea daama, aa sɔla lapɛɛku le-a nda va ni, mí kɔndɔfillo bii nda taw. O kon má bii bila maa vanaa va nda Yeesu-a latulu-a nda va ni.

Nsaŋ 16:29

O kon mí kaandeŋaa ndɔa dimul ndu aa: «A soo nihau válán o naa lo, a suu o latale nin te.

1Timote 3:13

Kani bɛɛlen pila vanaa co baalaa tosaa ɲɛkɛndɛi-ya a sɔla caaŋaa ndaa vanaa laalannda tɛɛn ni, ma soo vɛlɛ vakpa a tiindanndo le laalan naa n nɔ o Yeesu Krista nin-ndo.

1Tesalonikea 2:2

La sínà vɛlɛ maa n sanga fɔlɔn Filipii taw, mí vannda yeow naa, má pala naa. Kɛ a pala nda pala naa kon-ndo kpede, mí Hala luei naa yoomuan le niaa Yoongu kɛndɔɔ tiiyallo.

Kolɔsea 4:4

haliko mi yonda ndu mɛɛ ya bɛnda le ndu yondaa yɛ.

2Korɛntea 10:1

Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

2Korɛntea 4:13

Nduyɛ, o co o sɛvaa aa: «I laalan, lelan ya soo ni.» Lende koni, naa bɛɛ, n laalan, lelan naa n co sɔɛi ni.

1Korɛntea 14:19

Kɛ vanaa laalannda tɛɛn yɛ, o co fisa mì dimi sɔɔn nda bii bila-on mún ŋuɛɛnu le nda pɛɛkoo a sɔɔn vaalan tɔ́ dimio o sɔɔn mangalan nda tui loon nin.

Dɛnnda kiilaa 14:3

Kɛ nduyɛ, mí Pol nda Barnabas a cii telen vilɛi Ikoniɔm ciee. A va sɔɛi a laalanndo, kani ndáà tiindan Mɛlɛka, mí Mɛlɛka cɛl, má tosa dɛnnda kaamaalan a dɛnnda kɔndɔfiltan le cɔmndo maa toɲaa sɔɛi nda va dimio a kɛndɛi ndɔɛi o kɔɔ-e va ni.

Dɛnnda kiilaa 9:29

Mó suukan nda Yuifia dimi krɛkiei-ya, má hiŋan diomndan. O kon mí kan a can nɛilan nuwviaa le ndu diyɔɔ.

Dɛnnda kiilaa 9:27

Mí Barnabas can nda ndu, mó kɔa a ndu o kaandennda lo. Mó kɔ cɔm nda mɛɛ Mɛlɛka cɔmnun ndu Sol nɛi-tɛɛn yɛ, mɛɛ o dimul ndu sɔɔn yɛ, a mɛɛ o tosa kaannden vannda o hɔl kpendekele Damas ciee o diola Yeesu lan yɛ.

Nsaŋ 16:25

O talelan nin ya soo o niaa lo ni. Kɛ telen co tiiya, i suu lɛnin o niaa lo o latale nin te, kɛ i dimulnin niaa sɔɔn a Pua o kɔɔ kpendekele.

Nsaŋ 10:24

Mí Yuifia balu ndu, má dimul ndu aa: «Haa telen kuɛɛ kɔltan la lo yɛnin naa la landaa nuaa? Te nɔm co Krista ni, mɛɛ dimul naa kpendekele.»

2Korɛntea 3:11

Nduyɛ, te ɲɛ co hiownɔn-ndo sɔla pɛ biiloo, vɛ̀ɛ̀ ɲɛ co le fɛɛn a fɛɛn-ndo hiwnin kon biiloo sɔlaa le?

Filipea 1:14

Vanaa bɔɔ-bɔɔ o vanaa laalannda tɛɛn a sɔla laalanndo ɲɛkɛndɛi le cɔ nda co ya o kaasoo-o. Nduyɛ, a co cɔɔloo yoomuan sɔlaa le vannda sɔɛi Hala-e dimullo, o co a isióón te.

Filemɔn 1:8

Lelan, hali i nɔ bɛɛ dí nuaa taw o Krista nin le nɔm dɛnnda n nɔ le tosaa lan dimullo,