2Korɛntea 2:17 - BII BILA

¹⁷ N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

2Korɛntea 2:17 Referans Kwoze

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

Dɛnnda cɔɔmuanndan 2:20

Kɛ sɔɛi ya hini kɔl a nɔm tei co hee ni: a co Yesabɛl, cua co veelɔnndo aa vana-tɛɛngaa-diom Hala-o-o malɔɔ vannda pɛɛkoo, mò va vanaa nia baalaa faŋaa o nɛi, haliko ma luɛi laasianndo, mà luɛi vɛlɛ visin nda solul piɔmnda sálàá-on dioo.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

1Korɛntea 5:8

Lelan n tosan kafoo, o co a lɛvɛn paandu le, o co vɛlɛ a lɛvɛn dɛnɛ haki, te kon te dɛnɛ kɔlvesɛi le, kɛ bulu toosian a lɛvɛn too co dɛnɛ sandaa a toɲaa ni.

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Dɛnnda kiilaa 20:20

La sinà maa i vin niaa ɲɛ-ɲɛ le, o bɛnda le niaa-o pɛɛn. I pɛɛku niaa ndu vannda kpow o hɔl, mí kei vɛlɛ niaa ndu cɔm cɛilan nin.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Hebreea 11:27

A laalanndo, mí Moise faŋan Esipte, siòòŋii bii ndu le kɔl tambɛi masaa le. Mó sim yili, vanáà ca ko aa Hala vana ci loo o va cɔu ni.

2Korɛntea 1:18

Hala co ya lesei, sɔɔn naa n dimul niaa-on n co sɔɔn ya cɛl mì kɛɛ le.

2Korɛntea 6:7

a sɔɔn toɲan vannda dimullo a o kpaaya Hala-o nin. A sɔɔn dɛnɛ sandan naa n co vannda cɔlɔbaa ni, mì n va vɛlɛ cɛvɔnndo a mun.

2Korɛntea 11:11

Le yɛɛ ya co yɛ ken dimio? Bàà mò va maa i kaola niaa le? Hala sínà maa i kaola niaa.

2Korɛntea 12:19

O co nin lɔ́ɔ́ levil, la co yiyanndo maa le naa pila naa n co kindinndo ni. O Krista nin naa n co sɔɛi Hala o hɔl ni. Caaŋaa naa naa n kaolaa-a, le mɛɛ niaa hiaw laci o laalanndo nin yɛ naa n co kon kpow tosaa ni.

Kalatea 1:6

Kɔndɔfillo co ya taw le keleŋa niaa keleŋa Hala veelu niaa o kɛndɛi Krista-e bɛngu-o kɔɔlan mulul, mì la yɔngun Yoongu kɛndɛ celen-ndo.

1Tesalonikea 2:4

Kɛ mɛɛ hɛnan Hala-o co yɛ naa n co sɔɛi lɔ́ɔ́-lɔ́ɔ̀ ni. Kani o handu naa kɔllo coo, mó yɔngu naa Yoongu kɛndɔɔ le niaa tiiyallo. O co hɛnan n'vanndaciee le naa n co nuwviaa le, kɛ hɛnan Hala sínà yiyannda kɔlta naalan-ndo.

1Piɛr 4:11

Te vanndo va pɛ sɔɛi, o soo le diomnda Hala lan tɛɛnguuo. Vana nɔ pɛ keo le dɛnɔɔ pum tosaa, o tosa ndu a kpaaya Hala yɔngu vana-o, haliko mi Hala sɔla biiloo o dɛnndan kpow nin o diola Yeesu Krista lan. O biiloo a kpaayaa co le ndu le fɛɛn a fɛɛn-ndo. Amiina!