2Korɛntea 2:14 - BII BILA

¹⁴ Kɛ n melnun Hala balika, kani o co cɛlɔɔ mì n va dɛnndan tiwvo ba lɔ́ɔ́-lɔ́ɔ̀ o diola Krista lan. O co vɛlɛ tosaa mì n va sɔɛi Krista-e vannda cɔmndo nɛɛ-nɛɛ ka maa mɛɛ lasikɔlɔ cun kɛndɔɔ tiw ba-ba fee nuaa yɛ.

2Korɛntea 2:14 Referans Kwoze

Rɔmnda 8:37

Kɛ o dɛnnda lan nin kpow, vana kaola naa-o tosa ni mí n va caanda tiwvo ba.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Rɔmnda 6:17

Kɛ kɛɛmasɔlan Hala le, la va cɛa hakia, kɛ mí la bii sɔɛi a kɔlta niaalan kpow, sɔɛi pɛɛku niaa sɔla-o pɛɛn.

2Korɛntea 9:15

N melnun Hala balika le kɛndɛi ndɔɛi bɛndui sulan he a ɲɛ-ɲɛ lei.

Kolɔsea 2:15

Mó yunga kpaayalan a masɛi, mó soli nda vannda o hɔl kpendekele le nɔla o nɔla nda o yɔm singafilaa coo-o cɔmndo.

Condii kɛndɛ-kɛndɛi 1:3

Lasikɔlɔma nɔmndan ma naŋ bɔɔ cun. Maa cuɛima cun kɛndɛma tiw cunndo kpow-van, diola nɔmndan la co ni. Lelan, cuaambɔa laandua kaola nɔm ni.

Condii lisai 106:47

Éé Mɛlɛka Hala naa, ciindiaa naa, soli naa vanaa-mangalaa-isɔɔa tɛɛn, mà cuungiaa naa nɛɛ pilɛ, haliko mi n sangala diola nɔmnda diandaa lan, mì n biilu nɔm, mì n sangala nɔm.

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Dɛnnda cɔɔmuanndan 7:12

má va dimio aa: «Amiina! Sangalaa, biiloo, kɔlkaloo, balikaa, bɛɛlen, kpaayaa a yoomuan ma co le Hala naa le fɛɛn a le fɛɛn! Amiina.»

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Condii lisai 148:14

O yɔngu vanaa ndɔa yoomuan, mo tosa mà cua bollen. Lelan vanaa lo o lediom coo o cuavaa Israɛlla tɛɛn-nda kpow a co ndu lisaa o condon nin ni, vanaa co ndu kan ikɛi-ya pɛɛn. La lisa Mɛlɛka!

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.

Efɛsea 5:20

La va Hala Fuɲaa balikaa mello lɔ́ɔ́-lɔ́ɔ̀ o dɛnndan kpow nin o diola Maalii naa Yeesu Krista lan.

2Korɛntea 8:16

I mel Hala balika le tùú o luei Tite yiyanndo o kɔl le niaa malaa mɛɛ ya nɔ yiyanndo le niaa malaa yɛ,

2Korɛntea 1:11

Niaa bɛɛ, o bɛnda mì la va naa malaa o piɛilen nin, kani te vanaa bɔɔ-bɔɔ a piɛi pɛ le naa, Mɛlɛka co piɛile len muli. O kon vanaa bɔɔ-bɔɔ a sɔlanin kɛndɛi ken le naa mà mel Hala balika a naa o kɔɔ.

1Tesalonikea 3:9

N sínà bɛɛ mɛɛ naa n mel Hala balika le niaa le, kani la yɔngu naa ɲaaloo o lakɔl ndu o hɔl.

1Korɛntea 15:37

Nduyɛ, la va pɛ saŋɔɔ, o co tum vil-lo le niaa saŋ te, kɛ kulle, bɔɔle maale, te kon te kulii ɲɛ celen.

Esekiɛl 20:41

Tuma ya solinin niaa vanaa súúla celennda tɛɛn, mì faŋa niaa o lɛŋii niaa co a sɛŋiannda nin-nde nin, mì cuungiaa niaa-o, i cɛlnin niaa maa sálà cun kɛndɛ. O kon, i cɔmnin vanaa-mangalaa-isɔɔa diondɔɔ nuu a dɛnɛ kɛndɛ ya vanin niaa tosallo-o.

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Rɔmnda 1:8

Ɲɛ tasoo, i mel Hala nuu balika o diola Yeesu Krista lan le niaa kpow, kani laalan niaa kela tɔ́ɔ́ o ceendo coo kpow.

1Korɛntea 12:8

Vana pum, mì Kɔl-Hala-o ke ndu sɔɔn kɔlkalon dimio, o pilɔɔ sɔɔn dɛnɛ sinaan mɛɛ Kɔl-Diandaa pilɛ kon co yɛ.

1Korɛntea 15:57

Kɛ biiloo co le Hala, o yɔngu naa nɔlaa o Maalii naa Yeesu Krista nin-ndo.

1Tesalonikea 1:8

Kani sɔɛi Mɛlɛka-e tiw o niaa lo, o co ka Maseduan a Akaii le, mì tɔ́ɔ́ niaa laalan Hala-o kɔa nɛɛ-nɛɛ ka. Hali mì n suu bɛɛ a ken o kɔɔ le.

1Timote 2:8

Lelan, i yeema mì vanpiaandua heelu balan ladiandaa nɛɛ-nɛɛ ka, mà piɛi Hala, o va a kɔltuw le, o va vɛlɛ a lasɛɛngian te.

2Timote 2:2

Ɲɛ n tuei ya dimio seiya taw o hɔl-lo, pɛɛku vanaa n laalan-nda ndu, a tiwnin ba mà pɛɛku vɛlɛ vanaa celen ndu-a.