2Korɛntea 13:4 - BII BILA

⁴ I co toɲa, maa lɔ́ɔ́ nda baŋ ndu o yɔm singafilaa coo-o, oo nɔ mayoomu le. Kɛ sisa, o co yoomu o kpaaya Hala-o bɛngu. Lende koni naa bɛɛ n co ni, n nɔ mayoomu le, kɛ n co yoomu o ndu nin o kpaaya Hala-o bɛngu.

2Korɛntea 13:4 Referans Kwoze

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Rɔmnda 6:4

Le yinɔɔ naa n sɔla o piɔ́m ndɔɔ nin-ndo, mí n sɔla kumbɔɔ a ndu latulu, haliko mɛɛ Krista tendul mó fula vanvílɛ́iya tɛɛn a biilu Fuɲa ndɔ-o yɛ, mì naa bɛɛ n kela kela sɛnɛi.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

1Korɛntea 15:43

A va pɛ kɔɔle len kumbɔɔ, a kundu len o mɔnɛi nin a o kpaaya lepɛŋndo nin, kɛ le va pɛ tendullo, le tendul a biiloo a á kpaaya bɛndoo.

1Korɛntea 2:3

Lelan, i va niaa ikɛi a dialun vílɛ́iyon, a siòònde mí va ɲiiya taw.

Filipea 3:10

I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni,

Rɔmnda 14:9

Kani lelan Krista vi ni, mó muungu vɛlɛ yoomu, haliko mo va vana bɛndoo le vanvílɛ́iya a le vanaa co yoomu-a.

Nsaŋ 10:18

Vana-vana hélú ndu ya o ba le, kɛ ya pila yɔngu ni. I nɔ dí ya yɔ́ngù ndu-o, i nɔ vɛlɛ di ya mingin ndu o ba-o. Lende Fuɲa nuu dimul-la ni.»

Rɔmnda 1:4

Mó cɔmnun vanndacieea a kpaaya bɛndoo o Kɔl-Diandaa nin maa Po Hala-o o co ni, le tùú o tendul fulaa vanvílɛ́iya tɛɛn-ndo.

Dɛnnda kiilaa 2:36

Lelan, mɛɛ mì Israɛlla kpow a sínà toɲaa maa Yeesu niaa baŋ kon o yɔm singafilaa coo-o, ndu Hala siinguu Maalii a Krista ni!»

1Piɛr 3:22

Yeesu hel o halataala mó kɔ cal Hala o ba kɛndɔɔ coo-o pɛɛn, o nɔ̀ mɛlɛkaa, masɛi a kpaayalan kpow ndu o ba bɛngu-o.

2Korɛntea 10:10

Kani vannda co dimio aa: «Diomnda co o sɛbɛla Pol-tan nin-ndan la vɔw bɔɔ, la hɛnan vana o tueyɔɔ le, kɛ ndu pila va pɛ naa tɛɛn, vana ci ndu ɲɛ-ɲɛ le, vana luei bɛɛ sɔɛi ndɔɛi yii le.»

Dɛnnda kiilaa 3:16

A laalanndo a o diola Yeesu lan langbanɔ niaa co hoo cɔu, mì la sina ndu-o simul nuaa ni. Le laalan o laalan o diola Yeesu lan-ndo o sɔla siongɔɔ niaa kpow o hɔl nuaa ni.

1Korɛntea 1:25

Kani dɛnɛ Hala vannda co cɔu maa idiɔm-ndo hiow kɔlkalu vanndacieea, kpaaya lepɛŋ ndɔɔ hiow kpaaya vanndacieea.

1Korɛntea 6:14

Hala mingi Maalii yoomu fulaa vanvílɛ́iya tɛɛn-ndo minginin vɛlɛ naa yoomu a kpaaya ndɔɔ.

2Korɛntea 12:10

Lelan i dɔwnun ɲaale le kpaaya lepɛŋndo, le yeowla vannda co ya lan, le ɲɛm nda co ya tuŋɔɔ-on, le yɛle nda co ya tollo-len, a le sangala co ya coo le Krista lan. Kani telen ya nɔ mayoomu loo, telen kon ya sɔlà kpaayaa ni.

2Korɛntea 13:9

Te n nɔ mayoomu le, n naŋ kɔl, kɛ niaa niaa la nɔ yoomuan, nduyɛ o naa n yeema o piɛile naalen nin-ndo co ni, mì la peelun.