2Korɛntea 12:7 - BII BILA

⁷ Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.

2Korɛntea 12:7 Referans Kwoze

Kundalan 33:55

Kɛ te la tuw vanaa-mangalaa-isɔaa co icali niaa laci lon-nda kpow le, a niaa co mɛi lon ma va icali niaa tɛɛn-nda co niaa saangiaa mɛ̀ɛ́-mɛ̀ɛ́ yɔɔn cuku vana hɔlten nuaa yɛ, mɛɛ kevekevon via vanndo kɔɔ nuaa yɛ. Yaamɔaa niaa nda vanin o lɛŋnde niaa vanin icali nin-nden nin ni.

Masaa kialaa n'yamaa 2:3

Lelan bɛɛ ya tosa ni mí la bumba nda, la co lo icali latulu niaa ndaa mì halaa ndaa siŋnun pow boŋaa le niaa.»

Kalatea 4:13

La tɛɛmbuu a ya le. La sinà maa le tùú ya va a naa-o ya tiiyal niaa Yoongu kɛndɔɔ tiiyal tasoo ni.

Daniɛl 5:20

Kɛ mó kuundian háá mí kɔl ndɔɔ pia a yongaa, mó kindi nilan. Lelan, mí Hala faŋa ndu o kpɛŋɛ ndɔ lemasaa coo. Mí biilu ndɔɔ hialun ndu.

1Korɛntea 5:5

O bɛnda mì la mal vana vaa lende Setana o ba, haliko mi dialun ndɔn tambu, mì kɔl ndɔɔ sɔla cindaa o paale Maalii Yeesu len.

O Kandɔɔ 32:31

Mí Yakɔb dimi aa: «I ce Hala hɔlla kpendekele mí va yoomu.» Lelan o ke fonda kon diolan ni aa Penuɛl (kon co dimio ni aa «Hɔlaa Hala-a»).

SƐBƐ YƆB-O 2:7

Mí Setana faŋan Mɛlɛka o hɔl. Mó kɔ cuiŋi Yɔb nàà vɔɔndo pum coo, mí kɔɔlen le luaaluaa ndu kpede, kandɔɔ o bɛngula kɔltan kɔlan biyɔɔ háá ndu o lebol.

1Timote 3:6

O va vana laalan sɛnɛi-yo le, yɔŋii yongaa piɔ ndu nin, mò sɔla yaalaa maa mɛɛ ɲina vɔɔndo sɔla yaalaa yɛ.

2Dɛnnda lemasalan 26:16

Kɛ mɛɛ Osias sɔla kon kpaayaa lende, mí yongaa luɛi ndu o kɔl, mó mulul Mɛlɛka Hala ndɔɔ kɔɔ. Paale pilɛ, mó luɛi o Cɛi-Mɛlɛka-o nin le sálàla cuɛima cun kɛndɛlan lomɔɔ o fonda-loamaa-lasálàá coo.

Tɔŋ miingua 8:14

fɔ mì la mandan, yɔŋii niaa luɛi yongaa mì la pɔɛɛnun Mɛlɛka Hala niaa. Nduyɛ, Hala kon soli niaa Esipte nɛɛ niaa va o cɛlen nin-nda ni.

O Kandɔɔ 32:25

mí ndu pila lo niko ndu pilɛ. O kon, mí vanndo pum koma lɔl cɔlɔbaa a ndu háá telen paale siaalen.

2Korɛntea 11:20

Vannda co niaa cɔu maa n'cɛ, a co tɔnɔ niaa dioo, a co niaa ɲɔɔn poondia o laba, a co niaa kuundianndo coo, mà va niaa hɔlla lɔɔ, mì co kon cɛlɔɔ.

1Korɛntea 4:11

Háá telenndo ho, yiaan ma co naa nɛiyo, kolɔɔ bii naa, n nɔ volɔɔla cuɛinan te, a co naa lɔɔ, a co kɔlan a naa nɛɛ-nɛɛ ka.

Esekiɛl 28:24

O kon, kobi kon ve lɛnin maa yɔɔn siɛɛmbiaa, te kon te maa yɔm n'yɔɔ nɛyaa le cuavaa Israɛlla o vanaa balu ndu mà va ndu pɛɛsaa-a kpow tɛɛn te. O kon, vannda sinanin maa ya co Maalii ni, Mɛlɛka pɛɛn.

2Dɛnnda lemasalan 32:31

Kɛ nduyɛ, telen simlacia Babilɔn a vem kiilaa le ndu ɲunaa a dɛnɛ kɔndɔfili óò tosan o lɛŋnde len nin-ndo o kɔɔ-o, mí Hala mal ndu le ndu tɔɔndanndo, haliko mo sina yiyan va Esekia o kɔl-lo kpow.

Tɔŋ miingua 17:20

Kon tosan pɛ, o kuundiannin mo cennun maa o hiow puapilɛa ndɔa le, o túndùnin tɔŋndo o ba kɛndɛ coo, te kon te o ba mɛl coo le. O kon, ndu pila a cuavaa ndɔa a viow o masalen coo o lɛŋnde Israɛl-ten nin taw.»

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

Luke 13:16

Vuɛɛn fula yɛ hoo niko o polale Abraham-nden coo-o, o Setana ndóò yii o vɔsilan tɔ́ a laŋɔmaa bɛngu-o, bàà ndu ya kɛɛnin singi o paale pɛngiaalen coo ni?»

Matie 26:67

O kon kɔɔli, má tufu ndu lɔluan o hɔl, má kuindikuindi ndu. Mí vannda pum lɔaa ndu kpaŋnde, má dimul ndu aa:

SƐBƐ YƆB-O 2:6

Mí Mɛlɛka dimul Setana aa: «Ava, mɛɛ ndu pila co o kpaaya nɔmndo bɛngu. Kɛ yaa baa o yoomu ndɔɔ le dɛ!»

Osee 2:6

I yeema cuavaa ndɔa le, kani o suundaa nin o velu nda ni.

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

2Korɛntea 10:10

Kani vannda co dimio aa: «Diomnda co o sɛbɛla Pol-tan nin-ndan la vɔw bɔɔ, la hɛnan vana o tueyɔɔ le, kɛ ndu pila va pɛ naa tɛɛn, vana ci ndu ɲɛ-ɲɛ le, vana luei bɛɛ sɔɛi ndɔɛi yii le.»

2Korɛntea 12:1

Mɛɛ mì ya pila i kuundian, hali mì sɔla tɔnɔ o kuundian kon nin te. Sunsun, i co hunɔɔ isɔɔ a vunduma ya ce-an a á cɔmnɔn Mɛlɛka cɔmnun ya-o o kɔɔ.