2Korɛntea 12:20 - BII BILA

²⁰ Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.

2Korɛntea 12:20 Referans Kwoze

1Piɛr 2:1

Lelan, la kɛɛ dɛnɛ-dɛnɛ co kɔlvesɛiyo a o kɛ́-kɛ̀ co kafalan, muulɔnndo, yeemɛi bɛnduei a caanda diolan tɛɛmbuuo.

Kalatea 5:15

Kɛ te la co pɛ kisikisianndo mì la va misimisianndo vellaa-velle, mɛɛ la caa dɛ, yɔŋii niaa tɛɛmbuan vellaa-velle.

1Korɛntea 1:11

Kani puapilɛa nia, yungu Kloe-o dimul-la maa sɛɛngianndan la co niaa tɛɛn.

Rɔmnda 1:29

A co a piaa a dɛnnda sendu le lan kpow: laasianndo, yeemɛi bɛnduei, kɔlvesɛiyo, paŋalaa, yeemɛi diuvaa n'vannde, cɔlɔbalan, vannda huiyo a kɔlkalu vɔɔndo. A co vannda diolan tɛɛmbuuo,

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

Talelan 16:28

Vana kɔl vɔɔndo mɛli sɔngɔlan ni, vana sɔɔn pɔmbɔɔ pesi canyan ni.

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

Kalatea 5:26

N vannun vanaa yonga le naa pila tiiŋuanndo te kon te tɔ́ɔ́yanndan biinanndo vellaa-velle le.

2Korɛntea 12:21

I co buulanndo, lɔ́ɔ́ ya kɔanin vɛlɛ niaa yilɔɔ-o, mì Hala tosa mì siɛmbulan la bii ya vɛlɛ le niaa, yɔŋii ya caŋ le vanaa kan, a tosa hakilan o tasendɔ taw, mà va hiovɔɔ laci-a. A kɛɛ kan le dɛnnda nɔɔlɛilan, suundaa a yeemɛi vɔɔnde malɔɔ-a.

Condii lisai 41:7

Vanndo hin pɛ le ya cɔu, le sɔɔn fondon dimio ni. O hin pɛ, o pimin sɔɔn vɔɔnndon o kɔl, o fula dɔ́ɔ́ pɛ, o kɔ cɔn mun keeliaa cieo coo.

2Korɛntea 13:2

Lɔ́ɔ́ ya kɔɛ kɔla diinndɔlan-ndo, mí sila vanaa tosa dɛnnda lahakilan-nda a vanaa celen o sɔɔn mun coo. Hau vɛlɛ bɛɛ, i co bɛɛ niaa tɛɛn te, kɛ i co mun pɔɔ sondo mingi. Nduyɛ lɔ́ɔ́ ya muungunin o niaa lo lon-ndo, i hɛlinin vana-vana le.

2Korɛntea 10:6

Nduyɛ, telen niaa biinin sɔɛi nɛi-yo, naa bɛɛ n bɛɛndiannin le vanaa tui naa diom te-a dɛnɛ palaa tuisio coo.

2Korɛntea 10:2

I co niaa tɛɛlɔn, te i kɔɛ pɛ o niaa lo, la tosa mì soo a hɔlta kalalan o niaa lo le. Kani i yeema mì soo a hɔlta kalalan o vannda pum ndo, a co yiyanndo maa a yeeman ivanacieeyan o lakɔl naa n co kelaa ni-a.

2Korɛntea 1:23

Hala co ya lesei, te i dimi pɛ còòlan, mɛɛ i sɔla piɔ́mndo! Le niaa solio o sangaa nin ya kɛɛ muungu Korɛnte ni.

1Korɛntea 14:33

Kani Hala co Hala laasi-laasi le, kɛ Hala kɔlɲuloo o co ni. Mɛɛ sɔɔn co kɔlan o kunda vanaa laalannda kpow tɛɛn yɛ co ni maa,

Rɔmnda 1:30

congulan, Hala simullo, caanda yeowlan, yongaa, sangalanndo, yɔŋ vɔɔn bɛndu-bɛndoo a nila kalulan a vanaa velu nda-a.

Rɔmnda 2:8

Kɛ o tuisinin kɔltuw ndɔɔ a hiilɛi ndɔɛi vanaa sɛɛngiaa ndu, má kɛɛ toɲaa, má muungu bollen vowvo o dɛnɛ vɔɔndo nin-nda coo.

1Korɛntea 5:2

Nduyɛ la co yongaa sɔɛi. Óò bɛnda mì mɔnɛi ndíì bii niaa taw, mí niáà soli vana tosa dɛnɛ kon-ndo niaa tɛɛn.

2Korɛntea 2:1

Lelan, i cii tùú, i co muungu o niaa lo le, yɔŋii ya tɛɛmbuu niaa vɛlɛ kɔltan.

Nsaki 4:11

Puapilɛa niaa, la congan vellaa-velle le. Vana congu pɛ puapilɔɔ, te kon te vana yaala pɛ puapilɔɔ, mɛɛ ndu congu tɔŋndo mo yaala tɔŋ kalaa. Nduyɛ, taa kelu pɛ tɔŋndo iyama, mɛɛ a co vana biyaa tɔŋ te, yaamɔɔ tɔŋndo n co ni.