2Korɛntea 12:19 - BII BILA

¹⁹ O co nin lɔ́ɔ́ levil, la co yiyanndo maa le naa pila naa n co kindinndo ni. O Krista nin naa n co sɔɛi Hala o hɔl ni. Caaŋaa naa naa n kaolaa-a, le mɛɛ niaa hiaw laci o laalanndo nin yɛ naa n co kon kpow tosaa ni.

2Korɛntea 12:19 Referans Kwoze

Rɔmnda 9:1

Toɲaa ya co dimi o Krista nin ni, o co lacòò le ya co dimio le, kɔl nuu bɛɛ co lesei o Hala Kɔl-Diandaa nin maa:

2Korɛntea 10:8

Kani hali i lisan bɛɛ ɲɛ-pɔmbɔ le kpaaya Mɛlɛka yɔngu naa le niaa yoomuan lueiyo-o, o co le niaa tɛɛmbuu le, siɛmbula biinin ya le ken te.

1Korɛntea 14:26

Puapilɛa nia, vɛ̀ɛ̀ vana tosa yɛ niko? Te la cuungian pɛ, mì vana pum nɔ le condei solio, mì o pum nɔ pɛɛkoo le yɔngoo, mì o pum nɔ dɛnɛ cɔɔmun ndu-o, mì o pum nɔ yoongoo le dimio o sɔɛi mangalɛi celen nin, te kon te mì o pum ndu nɔ sɔɛi pum le tɛɛsiaa, kon kpow bɛnda mò tosan le vanaa laalannda yoomuan lueiyo.

1Korɛntea 10:14

Lelan, puapilɛa nia hɛnan ya taw-va, la sooluu piɔmnda le.

Filipea 4:1

Lelan puapilɛa nia hɛnan ya-a, yeemɛi co ya le niaa cɔw vɛlɛ. Niaa co ɲaale nuu a bɛɛle nilen ni. Lelan, caaŋaa nia hɛnan ya taw-va, la lo lende yili o Maalii nin.

2Korɛntea 13:10

I co niaa sɛbɔɔ ho sɛval a hɔlta kalalan, haliko lɔ́ɔ́ ya kɔanin o niaa lo-o, i soaa o niaa lo a hɔlta kala le kpaaya Mɛlɛka ke ya-o le. Kani kpaaya kon, le kunda niaa hivio laci o co ni, kɛ o co le ndu tɛɛmbuu le.

2Korɛntea 12:15

Lelan, ɲaaloo co ya o kɔl taw, mì pisi ɲɛ-ɲɛ ya nɔ le niaa, hali ya pila i pisin bɛɛ le yoomula niaalan. Te i kaola niaa pɛ kaola vaa lende, vɛ̀ɛ̀ mì niaa kaola ya ɲɛ-pɔmbɔ?

2Korɛntea 11:31

Hala, o co Fuɲaa Maalii naa Yeesu-o, o co vana duaa le fɛɛn a fɛɛn-ndo sínà maa i co lacòòva dimi le.

2Korɛntea 11:10

Le toɲa Krista co ya ho nin-ndo, o tàndá Akaii-yo nin kpow, vana-vana nɔla mò kuuna ya kuundianndo le sɔɛi ken te.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

2Korɛntea 3:1

Bàà le sɔɛi nɛi naa pilɛi vannda cɔmndo haliko ma caa naa biyɔɔ naa n co kindinndo ni? Te kon te vɛ̀ɛ̀ makoo naa n nɔ maa vanaa pum le niaa sɛbɛlan yoo a naa pila o kɔɔ mà caa naa biyɔɔ, te kon te le niaa sɛbɛla vaa lende ɲunaa naa n co kindinndo ni?

1Korɛntea 10:33

La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Rɔmnda 14:19

Lelan, n nuwvian dɛnɛ luei kɔlɲuloo-o a dɛnɛ hivi naa laci vellaa-velle o laalanndo nin-ndo.

Rɔmnda 15:2

Vana-vana bɛnda mò kindin le caan ndɔ hɛnanndo o nɛi kɛndɔɔ coo, haliko mi vana kon hiow laci o laalanndo nin.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

1Tesalonikea 5:11

Lelan, la lueinan yoomuan mì la va kɔltan kennanndo vellaa-velle mɛɛ niaa co tosaa sunsun yɛ.

Hebreea 6:9

Kɛ nduyɛ puapilɛa nia, n co bɛɛ dimio lende, kɛ n laalan maa la co o nɛi kɛndɔɔ coo, nɛi cindaa pɛɛn.