2Korɛntea 12:1 - BII BILA

¹ Mɛɛ mì ya pila i kuundian, hali mì sɔla tɔnɔ o kuundian kon nin te. Sunsun, i co hunɔɔ isɔɔ a vunduma ya ce-an a á cɔmnɔn Mɛlɛka cɔmnun ya-o o kɔɔ.

2Korɛntea 12:1 Referans Kwoze

Kalatea 1:12

kani i sɔla ndu vanaciee o ba le, i tui ndu vanaciee o sondo le, kɛ Yeesu Krista cɔm ya ndu ni.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

2Korɛntea 12:7

Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.

2Korɛntea 12:11

Maa vana kindu kɔl too ya va sɔɛi ni, kɛ niaa yɔŋ ken ni. Nduyɛ, oo bɛnda mì niáà soo le ya. Kani o va bɛɛ aa i co ɲɛ-ɲɛ le, i hiw kiilaa niaa latɔ́ɔ́-tɔ́ɔ́a dɔɔnanndo le.

2Korɛntea 8:10

Yiyan nuu co hoo le niaa o sɔɛi he nin ni: o bɛnda bɔɔ mi la hiow laci. Niaa yɔŋnun vanaa tasea tapɔm le cuungiaa ho yɔngoo ni. Ɛ̀ɛ̀ nduyɛ, mí la tosa kon a kɔlta niaalan kpede.

1Korɛntea 10:23

La co dimio aa: «Dɛnndan kpow la bɛnda le tosaa.» I co toɲa, kɛ o co dɛnndan kpow le la naŋ te. «Dɛnndan kpow la bɛnda le tosaa», kɛ o co dɛnndan kpow le la hivi vana laci o laalanndo nin te.

Dɛnnda kiilaa 23:11

Diimandɔɔ icɔllo, mí Maalii cɔmnun Pol, mó dimul ndu aa: «Lueí yoomuan. A cii seile nilen tɛnda Yerusalɛm nanu, mɛɛ mà kɔ tɛnda vɛlɛ len Rɔm.»

Dɛnnda kiilaa 18:9

Icɔllo pum, mí Mɛlɛka dimul Pol o vundulen nin aa: «Siòòŋii bii nɔm te. Hiow laci a sɔɛi, mɛi le.

Nsaŋ 16:7

Kɛ nduyɛ, toɲaa ya co niaa dimullo ni: o co fisa le niaa mì kɔɛ, kani te i koe le, vana ɲɔɔlaa hinnin o niaa lo le, kɛ te i kɔɛ pɛ, i kɔ yɔŋ niaa ndu.

Esekiɛl 11:24

Mí kɔl Mɛlɛka-o cua ya, mó yaa ya o vanaa co o biyɔɔ nin-nda lo. Mí vundule ya va len cɔu len le faŋan ya, mí le lo ya o hɔl.

Kundalan 12:6

Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.

1Korɛntea 6:12

La co dimio aa: «I nɔ dí mì tosa dɛnndan kpow.» I co toɲa, kɛ o co dɛnndan kpow le la mala vana le. I dimul-lɔ niaa: «I nɔ dí mì tosa dɛnndan kpow, kɛ i cɛl mì yeemɛi kɛ́-kɛ̀ i siinguu ya cɛ le.»

Nsaŋ 18:14

Kaif kon yɛ, ndóò dimul simlacia Yuifia ni aa: «O co fisa mì vana pilɛ vi le lɛŋnden kpow.»

Efɛsea 3:3

Mɛlɛka yɔŋnun vana ikɛndɛ le ya, mó cɔɔmun ya le ya sɔɛi viannan o tuu-ve cɔmndo. I sɛva nin sɔɛi ken ɲɛ-pɔmbɔ o sɛbɔɔ ho nin.

1Korɛntea 14:6

Puapilɛa nia, te i kɔɛ pɛ o niaa lo, mì kɔ soo o sɔɔn mangalan celen nin, yɛɛ kon nɛŋul-lɛnin niaa? Kon nɛŋul niaa ɲɛ-ɲɛ le, mɛɛ mì tɛɛngul niaa sɔɛi cɔmnun-nde, te kon te dɛnɛ sinaa, te kon te mì tɛɛngul niaa diom Hala-o, te kon te vɛlɛ mì pɛɛku niaa?

2Korɛntea 12:5

Le vana vaa lende, i nɔla mì kuundian, kɛ le ya pila yɛ, a yoomuma nima lepɛŋndan o kɔɔ ya kuundiannin ni.

2Korɛntea 12:9

Kɛ mó dimul-la aa: «Kɛndɛi nii tiw nɔm. Kani o yoomuma lepɛŋndan nin kpaaya nuu cɔmnùn ni.» Lelan, o co fisa mì kuundian o yoomuma nima lepɛŋndan nin, haliko mi kpaaya Krista-o va ya coo.

1Tesalonikea 4:15

Nduyɛ, ɲɛ naa n co niaa dimul fulaa o sɔɛi Maalii-e nin-ndo co hoo ni. Naa vanaa vanin yoomu lɔ́ɔ́ Maalii hunin-ndo-a, n hiwnin vanaa vi-a laci le.