2Korɛntea 11:3 - BII BILA

³ Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

2Korɛntea 11:3 Referans Kwoze

Kolɔsea 2:8

La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.

Kalatea 1:6

Kɔndɔfillo co ya taw le keleŋa niaa keleŋa Hala veelu niaa o kɛndɛi Krista-e bɛngu-o kɔɔlan mulul, mì la yɔngun Yoongu kɛndɛ celen-ndo.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Kolɔsea 2:4

I co hee niaa dimullo, yɔŋii vana hiŋ niaa hɔlla a sondo yeelɛi fondoo.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

1Timote 2:14

O co vɛlɛ Adam te nda hiŋ hɔlla le, vanalanɔɔ nda hiŋ hɔlla ni, mó tɛɛmbuu tɔŋ Hala-o.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

O Kandɔɔ 3:13

Mí Mɛlɛka Hala ɲuna vanalanɔɔ aa: «Dɛnɛ yɛɛ n tosa yɛ hoo?» Mí cuaa muli aa: «Kɛwvo pálá ya nuaa ni mí dia kɔmnde yɔm kon.»

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Kalatea 3:1

Éé niaa Kalatea diɔmnda ha! Nɛɛ mangala yɛ dɔ́ɔ́ niaa kɔltan niŋ nuaa? Nduyɛ niaa o hɔl kpendekele naa n cɔm niaa sɔɛi Yeesu Krista nda baŋ o yɔm singafilaa coo-e ni.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

O Kandɔɔ 3:4

Mí kɛwvo dimul vanalanɔɔ aa: «La sɔ́là piɔ́m te.

1Nsaŋ 2:18

Niaa cuaambɔa hɛnan ya-a, telen mɛɛlaa naa n co nuaa ni, maa mɛɛ niaa tuei maa yaamɔɔ Krista-o co hunɔɔ yɛ, la sínà maa yaamɔaa Krista-a co nin sɛ́lɛ́, ken cɔm naa ni maa telen mɛɛlaa tiiya.

2Piɛr 3:17

Kɛ niaa vanaa hɛnan ya-a, la sina nin sɔɔn mun, la va o lapɔɛɛnɔn nin te, yɔŋii niaa del vanaa sina Hala le-a kɔɔli, mì la sungun o foofo kɛndɛ niaa sim-ndo.

Kalatea 4:11

Siòònde co ya, te o co sanga fondo fúú le ya sanga sangaa ho le niaa le!

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

2Piɛr 3:3

Ɲɛ tasoo, la sínà maa o palɛi mɛɛlɛi, vanaa mam vannda-a kuinin taw, mà mam niaa. A vanin kelaa o yeemɛi ndɛi nda pila-e coo,

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

1Tesalonikea 3:5

Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.

Efɛsea 6:24

Màá vanaa kaola Maalii naa Yeesu Krista kaola kpeekpeiyo-a kpow a sɔla dɛnɛ kɛndɔɔ!

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Tite 1:10

Kani vanaa bɔɔ-bɔɔ co Yuifia laalan-nda tɛɛn, vanaa nila kalua, vanaa sondola yeelɛiya a vanaa huiyaa n'vannda nda co ni.

1Timote 1:3

Lɔ́ɔ́ ya va kɔlan Maseduan-ndo, mí sila nɔm le lou Efɛs, haliko ma kpaa vanaa pum, mà pɛngi pɛɛkula lacòòvalan yɔngoo.

Kolɔsea 2:18

Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.

2Korɛntea 11:29

Te vana pum va pɛ vana nɔ mayoomu loo, ya bɛɛ i cennun vana nɔ mayoomu loo. Te vana pilɛ pɔw pɛ, i sanga taw o kɔl nuu nin.

Rɔmnda 12:8

Vana nɔ vallo le vannda yoomuan lueiyo-o, ndu luei vannda yoomuan. Vana nɔ vallo le kɛndɛi tosaa-o, ndu tosa kɛndɛi. Vana nɔ vllo le vannda simndan lacio, ndu tosa baala kon a dialun fulan, mì vana nɔ vallo le vannda ɲííye tuinɔnndo-o ndu tuinun vannda iɲíí a kɔlkɛndɔɔ.

Dɛnnda cɔɔmuanndan 20:2

Mó bii tambálakáà, kɛwvo sindɛ, o co masa ɲinaa vɔɔnda-o, Setana pɛɛn, mó yii ndu le vɔsilan vàá pilɛ.

Condii lisai 119:53

Ɲɔɔ co ya palaa taw le malɔɔ vanaa yɔŋ vɔɔnda co tɔŋ nɔmndo-o.

O Kandɔɔ 3:1

Kɛwvo ndóò hiow visia yondoa Mɛlɛka Hala cɔw-va kpow kɔlkalu vɔɔndo ni. Mó ɲuna vanalanɔɔ aa: «Bàà nuaa Hala dimul niaa ni aa niaa dia kɔmnde yɔmii co o nakɔɔ ho nin-nde le?»

O Kandɔɔ 3:20

Mí vanapɔnɔɔ ke laa ndɔ diolan aa Hava (kon co dimio ni aa «Yoomoo»), kani ndu yɔŋnun kala-mama vanndacieea kpow ni.

2Korɛntea 11:20

Vannda co niaa cɔu maa n'cɛ, a co tɔnɔ niaa dioo, a co niaa ɲɔɔn poondia o laba, a co niaa kuundianndo coo, mà va niaa hɔlla lɔɔ, mì co kon cɛlɔɔ.

Efɛsea 4:22

Lelan, mɛɛ mì la mal niinu niaa paandoo, mì la kɛɛ vanacieeyɛi niɛi paanduei. I yiyannda ndɔlan la hui vana, mì la luei vana o tambei nin-nde.

Dɛnnda cɔɔmuanndan 12:15

O kon mí tambálakáà susul mɛnndan vanalanɔɔ kɔɔli maa pee bɛndu, haliko mi mɛmma man maa hiow a cua kalaa.