2Korɛntea 11:28 - BII BILA

²⁸ Sɔɔn celen co, n yɔŋnun ya-on. Mún mún, i cɔm mún te. I co buulanndo lepalaa-lepala le kundala vanaa laalannda kpow.

2Korɛntea 11:28 Referans Kwoze

1Korɛntea 7:17

Kɛ nduyɛ, o bɛnda mì vana-vana va kelaa mɛɛ Mɛlɛka ke ndu, mó sɔla veeloo Hala o ba yɛ. Ɲɛ ya co vanaa laalannda kpow pɛɛkoo-o co kon ni.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Kolɔsea 2:1

I yeema mì la sínà cɔlɔba bɛndu ya co le niaa, le Laodisea a le vanaa sínà vɔ ya bɛɛ le-a-o,

Rɔmnda 16:4

A pisi yoomula ndalan le ya-a. O co ko ya le co nda nuavalio yilɔɔ le, kɛ vanaa laalaŋaa co n'yuif le-a kpow bɛɛ.

Rɔmnda 11:13

I co niaa dimul, niaa co N'Yuifi le-a, maa kiilaa le vanaa co N'Yuifi le-a ya co ni. Lelan, i naŋ kɔl le baala kennun ya kon-ndo.

Dɛnnda kiilaa 18:23

Mó lo lon le telen pum. O kon kɔɔli, mó muungu, mó kei o fondala yɛ́-yɛ́la va Kalasii a Frisii lan, mó luei kaandennda kpow yoomuan.

Rɔmnda 1:14

Kuee pilaa co ya, kuee vanaa sinaa dɛnɛa a o vanaa sina dɛnɛ le-a, kuee vanaa kɔlkalua a o vanaa nɔ kɔlkalu le-a.

Dɛnnda kiilaa 20:2

Mó kei o lɛŋnde len nin, mó luei nda yoomuan a pɛɛkulan taw-taw. O kon kɔɔli, mó kɔa Krɛs,

Dɛnnda kiilaa 15:36

Telen pum o kon kɔɔli, mí Pol dimul Barnabas aa: «N muungu mì n kɔ yil puapilɛa naa o kobila naa n kei sɔɛi Maalii-e dimi lan nin kpow, mì n sina mɛɛ nda koma va yɛ.»

Dɛnnda kiilaa 9:31

O kon mí vanaa Krista-aa va Yuda, Kalile a Samari-a kpow sɔla kɔlɲuloo. Mí Hala Kɔl-Diandaa tosa má sɔla yoomuan, má hindu, a va kelaa o nɛila Mɛlɛka lan coo.