2Korɛntea 11:23 - BII BILA

²³ Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

2Korɛntea 11:23 Referans Kwoze

2Korɛntea 6:9

A co yiyanndo maa vannda sínà naa le, kɛ nduyɛ a sínà naa válán, a co naa cɔw maa vanaa vílɛ́i, kɛ nduyɛ n co yoomu ɲɛkɛndɛi. A co naa sangaa tuisio coo, kɛ nduyɛ a co naa diw le.

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

Kolɔsea 1:29

Lelan ya co baalaa ni, mì co kindinndo a kpaaya fula Krista niŋ, mò va ya vallo niŋ-ndo.

Kolɔsea 1:24

Sunsun, i naŋ kɔl le sangala ya sɔla le niaa lan. Kani i co sangala tɔ̀la Krista mɛi le sɔlaa lan sɔlaa o dialun nun nin o fonda dialun ndɔn, vanaa laalannda pɛɛn.

Dɛnnda kiilaa 9:16

Ya pila cɔmnin ndu sanga kɛ́-kɛ̀ o co hunɔɔ sɔla o diola nilan.»

Filemɔn 1:9

o co fisa mì dimul nɔm le kaola co naa tɛɛn vellaa-velle-o. Kani ya Pol, i yuuva, handɔɔ o kon coo, i co sunsun o kaasoo le Yeesu Krista,

2Timote 2:9

Le Yoongu Kɛndɛ kon ya co sangaa sɔlaa nuaa ni, mì va vɛlɛ o yɔlɔn maa vana tɛɛmbuu dɛnɛ pum-ndo. Kɛ sɔɛi Hala-e co i yiyaa le.

1Korɛntea 3:5

Nɛ̀ɛ́ co yɛ niko Apolɔs? Nɛ̀ɛ́ co yɛ Pol? Vanaa baala Hala-a daama naa n co ni, a niaa laalan o ba-a, maa mɛɛ Hala ke vana-vana vallo le tosaa yɛ.

Hebreea 10:34

Mí mɔnɛi bii niaa niaa vanaa kaasoa latulu, mí la cɛl a ɲaaloo le niaa ɲɛm nian poondiaa o laba, kani la sínà maa la nɔ ɲɛm hiow naŋɔɔ-on, n co le fɛɛn a fɛɛn-ndon.

2Timote 1:16

Màá Mɛlɛka tuinun yungu Onesifɔr-o iɲíí, kani o co ya ɲɔɔloo cuɛi-cuɛi, siɛmbula co ndu vɛlɛ biyɔɔ le co ya co o yɔlɔn-ndo le.

2Timote 1:8

Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.

1Timote 4:6

Taa yɔngu pɛ puapilɛa silalan ndan, mɛɛ a vanin vana baala kɛndɛ Yeesu Krista-o. A dɔawnunnin balo a sɔɔn laalanndon a á pɛɛku toɲaa, o n del kɔɔli ma lo lecoo-o.

1Tesalonikea 3:2

O kon mí n vim niaa Timote puapilɛ naa, o co baala Hala-o tosaa naa ndaa le vannda Yoongu kɛndɛ Krista-o tiiyallo-o. Mó cɔɔlu niaa kpaayaa luei, mó luei vɛlɛ niaa yoomuan o laalan niaa nin,

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

Filipea 1:13

Kani simlacia kɛ́-kɛ̀ co o cɛi lemasaa nin a à tɔ̀a kpede a sínà nin maa le baala Krista ya co tosaa-o ya co o kaasoo nuaa ni.

Efɛsea 6:20

I co bɛɛ o kaasoo nuaa, kɛ ya co hɔlte Krista len le Yoongu kɛndɔɔ yondaa ni. Lelan, la piɛi haliko mi soo a kɔlkɛsiaa.

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

Efɛsea 3:1

Lelan, ya pol, ya co hoo o kaasoo le vali Yeesu Krista ya co tosaa le niaa vanaa-mangalaa-isɔɔa-o, i co Hala piɛiyo le niaa.

2Korɛntea 11:5

Nduyɛ, o yiyan nuu nin, kiilaa niaa co kan cɔu maa a hiow vannda-a, a hiw ya hali ɲɛ-pɔmbɔ le.

2Korɛntea 10:7

Mɛɛ niaa co dɛnndan cɔw yɛ niaa co lan biyɔɔ ni. Te vanndo laalan pɛ maa le Krista o co ni, mɛɛ mò sínà maa naa bɛɛ le Krista naa n co ni.

2Korɛntea 4:11

A co naa n co hoo yoomu-o kpede, n co o piɔ́mndo hɔl-ndɔ le Yeesu, haliko mi yoomu ndɔɔ cɔmnun o dialun naan n co hunɔɔ vu-on nin.

Rɔmnda 8:36

Maa mɛɛ o sɛvan yɛ aa: «Lepalaa-lepala, a co naa diwvo le sɔɛi nɔmnde. A co naa cɔu maa saa nda co kɔlan le diyɔɔ-a.»

Dɛnnda kiilaa 28:30

Vɔsilan tan tiɔn Pol cii o cɛi o va salaa-o nin ni. Lon vanaa va ndu hunɔɔ yilɔɔ-a va ndu komallo ni.

Dɛnnda kiilaa 28:16

Naa n tiiyaa Rɔm, má dimi le Pol yiyaa landɔ, má soli kpalilnɔɔ le ndu hɔlla landɔɔ coo.

Dɛnnda kiilaa 27:1

Mɛɛ nda dimi le kɔla naalan o dɛ̀ndɔ̀ɔ́ nin Itali, má mal Pol a vanaa kaasoa pum simlacinɔ vanaa cɔvaa kɛmɛa rɔmnda o ba, diolan ndu Yulius.

Dɛnnda kiilaa 25:14

Le mɛɛ nda va palɛi bɔɔ-bɔɔ cii lon yɛ, mí Fɛstis cɔm masaa a dɛnɛ Pol-lo o kɔɔ aa: «Langbanɔ Felisi mɛi o kaasoo-o pum co nanu.

Dɛnnda kiilaa 21:11

Mó hun nɛɛ naa n va-a, mó cua yaule Pol-ten, mó yiwnun balan a pelon, mó dimi aa: «Hala Kɔl-Diandaa dimi maa nuaa Yuifia co vana nɔ yáwlen-nden ndo yii Yerusalɛm ni. O kon kɔɔli, a malnin ndu vanaa sina Hala le-a o ba.»

Dɛnnda kiilaa 20:23

O ya sina daama-o co ni, o kobi oo kobi nin, Hala Kɔl-Diandaa co ya cɔmndo maa kaasoo a sangalan la co ya cumndo.

Dɛnnda kiilaa 14:19

Mí Yuifia pum a can Antiɔs a Ikoniɔm, má muluti sɛ́lɔ́ɔ́. Má vii Pol a powtan, má sasu ndu o kobio kɔɔli, a va yiyanndo maa o vi.

1Korɛntea 4:1

Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

Yeremi 36:5

O kon kɔɔli, mí Yeremi dimul Baruk aa: «I co o biyaa, i nɔla kɔlan o Cɛi-Hala-o nin te.

1Korɛntea 4:9

Kani o yiyan nuu nin, naa Hala kɛsi o fonda mɛɛlaa ni, bau o bɛnda mì n sɔla piɔ́mndo. N siŋnun vanaa lɛŋnden kpede co tofaa-a, mɛlɛkaa a vannda kpow bɛɛ a co naa tofaa.

1Korɛntea 4:11

Háá telenndo ho, yiaan ma co naa nɛiyo, kolɔɔ bii naa, n nɔ volɔɔla cuɛinan te, a co naa lɔɔ, a co kɔlan a naa nɛɛ-nɛɛ ka.

Kalatea 6:17

I ya co niaa mɛɛlu dimul-le co hee ni, vana saangiaa lɛ ya le, kani i nɔ nin tindila ya sanga le Yeesu lan o n'dial.

2Timote 3:11

a sínà mɛɛ vannda co ya yɛlen tollo yɛ. Sangala co ya coo lan kpede, ɔ́ɔ̀ o kɛɛ ya kei coo Antiɔs, Ikoniɔm a Listre-o? A sínà yɛle tolaale kei ya coo len. Kɛ mí Mɛlɛka ciindiaa ya o dɛnnda lan kpow nin.