2Korɛntea 11:20 - BII BILA

²⁰ Vannda co niaa cɔu maa n'cɛ, a co tɔnɔ niaa dioo, a co niaa ɲɔɔn poondia o laba, a co niaa kuundianndo coo, mà va niaa hɔlla lɔɔ, mì co kon cɛlɔɔ.

2Korɛntea 11:20 Referans Kwoze

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

Kalatea 5:1

Le hɔ́ɔ́yɛi Krista mingi naa hɔ́ɔ́a ni. Lelan la sim yili, la luei lɛ bollen o cɛlen nin te.

Kalatea 4:9

Kɛ sunsun, la sínà Hala, o co yɛ niaa le sínà Hala le, ndu sínà niaa ni. Le yɛɛ niaa co yɛ vɛlɛ sɔɔn fondon nɔ mun tɔnɔ lon hɔlla mulullo? La yeema mì la muungu vɛlɛ mun o ba bɛngu?

Kalatea 4:3

Lende koni, telen naa bɛɛ n va cuaambɔa-o, n va a biyaa o cɛle dɛnnda ceendo bɛngu.

2Korɛntea 1:24

N co niaa baŋɔɔ mì la laalan te, kani la co a simaa yili o laalanndo coo, kɛ n yeema mì n mala niaa o dɛnɛ kɛndɛ niaa nin.

Luke 6:29

Te vanndo lɔɔ nɔm pɛ kpaŋnde, a mulul ndu vɛlɛ ipilɛi. Te vanndo cua pɛ doma nɔm bɛndoo, kuuna ndu o lebɛngoo cuaa le.

Cɛɛŋɔnnda Yeremi lan 3:30

O bɛnda mò tɛilu vana co ndu lɔɔ-o kpannde, mò pim siɛmbula nda co ndu tuisio lan.

Esai 50:6

Mí mal kɔɔ nuu vanaa va ya lɔɔ-a o ba, mí mal kuula nilan vanaa va ya siaiye suingio-a o ba. I vin vanaa va ya bɛ̀ɛ̀lan tɛɛmbuuo-a, a vanaa va ya lɔluan tufɔɔ o hɔl-la hɔlaa niaa le.

1Tesalonikea 2:5

La sínà maa kabi n dimi sɔɔn sondo yeelɛi le, n vin vɛlɛ yeemɛi ɲɛ-sɔlaa o sɔɔn naan nin te, Hala co lesei.

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

Kalatea 6:12

Vanaa kɛ́-kɛ̀ co niaa kɔɔli le toomaa diyɔɔ kangalan, haliko mi vannda ce nda vanaa kɛndɛ sii nda co kon yeema ni. A yeema ma tol nda leyɛ le yɔm singafilaa Krista-o le, ken kínɛí nda co nuwviaa ni.

Kalatea 5:10

Le ya, i laalan niaa o diola Maalii lan, yiyan celen delnin niaa le. Kɛ vanaa co niaa haa hɔlla hiŋndo-a sɔlanin yaalaa, mɛ̀ɛ́-mɛ̀ɛ́ nda va.

Kalatea 4:25

Akar, ndu co pembei Sinai co Arabii-e ni, pembii pilɛi ken koni co vɛlɛ Yerusalɛm vaalio ho ni, kani o cɛlen nin o co a cuavaa ndɔa ni.

1Korɛntea 4:11

Háá telenndo ho, yiaan ma co naa nɛiyo, kolɔɔ bii naa, n nɔ volɔɔla cuɛinan te, a co naa lɔɔ, a co kɔlan a naa nɛɛ-nɛɛ ka.

Marke 12:40

Nda poondiàà ɲɔɔn vanlaandua piaandaa ndaa vi-a o ba ni, mà bɛndi piɛilen haliko mi vannda ce maa a naŋ. Yamɛi ndɛi kiandunin dɛ!»

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

2Korɛntea 11:3

Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

2Korɛntea 12:16

O va bɛɛ maa i siŋnun volɔɔ le niaa le. Kɛ hali a kon, la co cɔu maa i nɔ kɔlkalu vɔɔndo, maa a kɔlkalu vɔɔn kon ya bii niaa ni.