2Korɛntea 11:13 - BII BILA

¹³ Vanaa vaa lende-a a co kiilaa lacòòvaa ni, vanaa baalaa fondoa co vannda huiyo-a, a co handɔnndo o hɔl maa kiilaa Krista-a nda co ni.

2Korɛntea 11:13 Referans Kwoze

Dɛnnda cɔɔmuanndan 2:2

‹I sínà dɛnnda nɔmndan, baala nɔmndo a biuvɔn nɔmndo. I sínà maa a cɛl vanaa vɔɔnda le. A soli vanaa co nda pila veelɔnndo aa kilaa kɛ nduyɛ a co n'kiila le kɔlɔ, mà ca maa vanaa lacòòvaa nda co ni.

Filipea 3:2

La mandan a tunaa kan, la mandan a vanaa baalaa vɔɔnda, la mandan a faleŋaa fondoa kan.

Kalatea 1:7

O co dɔ́ɔ́ mì Yoongu kɛndɛ celen va le, kɛ vanaa pum a co niaa hɔlla hiŋndo nuaa ni, a yeema le Yoongu Kɛndɛ Krista-o mingio o hɔlaa vɔɔnda-aa.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

Dɛnnda kiilaa 20:30

Niaa tɛɛn bɛɛ, vannda vanin còòlan dimio haliko mi vanaa laalannda del nda kɔɔli.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Kolɔsea 2:8

La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.

Kolɔsea 2:4

I co hee niaa dimullo, yɔŋii vana hiŋ niaa hɔlla a sondo yeelɛi fondoo.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

2Korɛntea 11:15

Lelan, buɛyaa Setana-a va pɛ handɔnndo o hɔl maa buɛyaa dɛnɛ sandaa nda co ni, ken i dow vana kɔndɔfili le. Kani mɛɛlula ndalan la vanin mɛɛ dɛnnda ndalan la co yɛ.

Dɛnnda cɔɔmuanndan 2:20

Kɛ sɔɛi ya hini kɔl a nɔm tei co hee ni: a co Yesabɛl, cua co veelɔnndo aa vana-tɛɛngaa-diom Hala-o-o malɔɔ vannda pɛɛkoo, mò va vanaa nia baalaa faŋaa o nɛi, haliko ma luɛi laasianndo, mà luɛi vɛlɛ visin nda solul piɔmnda sálàá-on dioo.

Dɛnnda cɔɔmuanndan 2:9

I sina dɛnɛ palaa nɔmndo a pɛŋnde nɔmnden, kɛ o kpeekpeiyo nin, vana bolofaa n co ni! I sina mɛɛ vanaa co N'Yuifi le-a kɛ ma va veelɔnndo aa Yuifia-a a co nɔm congulan yɛ, kunda Setana-o vanaa kan co ni.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

1Nsaŋ 2:18

Niaa cuaambɔa hɛnan ya-a, telen mɛɛlaa naa n co nuaa ni, maa mɛɛ niaa tuei maa yaamɔɔ Krista-o co hunɔɔ yɛ, la sínà maa yaamɔaa Krista-a co nin sɛ́lɛ́, ken cɔm naa ni maa telen mɛɛlaa tiiya.

Kalatea 6:12

Vanaa kɛ́-kɛ̀ co niaa kɔɔli le toomaa diyɔɔ kangalan, haliko mi vannda ce nda vanaa kɛndɛ sii nda co kon yeema ni. A yeema ma tol nda leyɛ le yɔm singafilaa Krista-o le, ken kínɛí nda co nuwviaa ni.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

Dɛnnda kiilaa 15:24

N tuei maa vanaa pum cɛn naa tɛɛn nanu, má kɔ luei niaa kɔndɔfillo a buulanndo o lakɔl a sɔɔn ndan. Nduyɛ, n vim vana-vana le.

Kalatea 4:17

Vanaa pum a co dialun fulan a niaa, kɛ a nɔ yiyannda kɛndɛ a niaa le. A yeema mà faŋa niaa naa kɔɔli, haliko mi la mulin nda o ibuŋ a yiyannda niaalan kpede.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Dɛnnda kiilaa 15:1

Mí vanaa pum fula Yuda a Antiɔs, má va puapilɛa pɛɛkoo aa: «Te la dii toomaa mɛɛ tɔŋ Moise-o dimi yɛ le, la tiwba mi la sɔla cindaa le.»

Matie 25:24

O mɛɛlulan, mí vana sɔla sianin n'kpungban kɛmɛ-o sɔɔnguu, mó dimi aa: ‹Vana bɛndoo! Yáà sina maa vana n co-o, dɛnɛ nɔmndo kendu bɔɔ. Nɛɛ n seŋ te-a lon n koaw ni, nɛɛ n tol te-a lon n kiandu ni.

Yeremi 23:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La yaŋnun sɔɔn vanaa-tɛɛngaa-diom Hala-a kalaa le, huiyo fúú nda co niaa ni. Sɔɔn nda co niaa dimullo-on, nda pila co mun yiyanndo ni. O co ya Mɛlɛka o ba le n fula le.

Yeremi 27:14

La yaŋ vanaa-tɛɛngaa-diom Hala-a co niaa dimullo maa la tosalnin masaa Babilɔn baala le-a lani le. Còòlan fúú nda co niaa dimullo ni, lelan la yaŋnun nda le.

Filipea 3:18

Vanaa bɔɔ-bɔɔ a co kelaa maa n'yaamɔɔ le yɔm singafilaa Krista-o. I dimúl nin niaa ndi lɔ́ɔ́ levil, mì va vɛlɛ niaa ndi hau dimullo a caŋndo: