2Korɛntea 11:10 - BII BILA

¹⁰ Le toɲa Krista co ya ho nin-ndo, o tàndá Akaii-yo nin kpow, vana-vana nɔla mò kuuna ya kuundianndo le sɔɛi ken te.

2Korɛntea 11:10 Referans Kwoze

Rɔmnda 9:1

Toɲaa ya co dimi o Krista nin ni, o co lacòò le ya co dimio le, kɔl nuu bɛɛ co lesei o Hala Kɔl-Diandaa nin maa:

Rɔmnda 1:9

Hala ya co baalaa tosallo a kɔl nuu o Yoongu kɛndɛ Po ndɔɔ yondaa nin-ndo co ya lesei, maa telen oo telen ya va pɛ piɛilen, i co yiyanndo niaa coo

Dɛnnda kiilaa 18:12

Tuma Kaliɔn va masa-ibunga Rɔmnda Akaii ciee-o, mí Yuifia cɛlan, má simul Pol. Má kɔa a ndu nɛɛ kialaa n'yamaa.

2Korɛntea 1:23

Hala co ya lesei, te i dimi pɛ còòlan, mɛɛ i sɔla piɔ́mndo! Le niaa solio o sangaa nin ya kɛɛ muungu Korɛnte ni.

1Timote 2:7

Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

1Tesalonikea 2:10

La co lesei, Hala bɛɛ co lesei maa n kela kela diandaa, kela sandaa a kela yaalan too niaa vanaa laalannda kpow tɛɛn.

1Tesalonikea 2:5

La sínà maa kabi n dimi sɔɔn sondo yeelɛi le, n vin vɛlɛ yeemɛi ɲɛ-sɔlaa o sɔɔn naan nin te, Hala co lesei.

Kalatea 1:20

I ya co niaa hee dimullo-e, toɲaa i co ni, Hala o hɔl, o co lacòò le ya co niaa dimullo le.

2Korɛntea 12:19

O co nin lɔ́ɔ́ levil, la co yiyanndo maa le naa pila naa n co kindinndo ni. O Krista nin naa n co sɔɛi Hala o hɔl ni. Caaŋaa naa naa n kaolaa-a, le mɛɛ niaa hiaw laci o laalanndo nin yɛ naa n co kon kpow tosaa ni.

2Korɛntea 11:31

Hala, o co Fuɲaa Maalii naa Yeesu-o, o co vana duaa le fɛɛn a fɛɛn-ndo sínà maa i co lacòòva dimi le.

2Korɛntea 11:12

O ya co tosaa-o, i hiawnin laci a ndu tosaa haliko mi tɛɛmbuu yonga vanaa co yiyanndo maa a co baalaa tosaa maa naa-a.

2Korɛntea 10:15

Lelan n kilu yonga mì n hiow ba a baala caanda tosa-o le. Kɛ n nɔ tiindanndo maa laalan niaa cɔɔlunnin, o kon mì fonda vali naa n tosa niaa tɛɛn-ndo hiow laci, nduyɛ, n hiwnin pɛɛngula hendulun naa lan coo le.

2Korɛntea 9:2

Kani i sínà mɛɛ niaa nɔ yeemɛi le yɔngoo yɛ. I co yongaa sɔɛi a niaa o kɔɔ vanaa laalannda o hɔl Maseduan. I cii nda dimul maa cɔn nin lapɔm, niaa vanaa laalannda Akaii, la co a bɛɛndiannda le malaa yɔngoo. Nduyɛ, le yɔngɔn niaa kon, mí vanaa bɔɔ-bɔɔ nda tɛɛn a sɔla yeemɛi le malaa yɔngoo.

2Korɛntea 1:1

Ya Pol, kiilanɔ Yeesu Krista-o mɛɛ hɛnan Hala-o co yɛ, naa Timote puapilɛ naa. Naa n co sɛbɔɔ ho sɛva le vanaa Hala-a co Korɛnte-a a le vanaa diandaa kpow ni, á co o lɛŋnde Akaii len nin ba-ba fee-a.

1Korɛntea 16:15

Puapilɛa nia, la sínà maa yungu Stefanas-o yɔŋnun vanaa laalaŋa tasea Akaii ni, má va vanaa diandaa baalaa tosallo. Lelan i co niaa yoomuan luei,

Rɔmnda 16:5

La yil-la vɛlɛ vanaa laalaŋaa co cuungianndo biyɔɔ o la nda lo cɛinin-nda. Mì la yil-la Epainɛte ya kaola taw-vo, nda yɔŋnun vanaa tasea le Krista o lɛŋnde Asii len nin ni.

Dɛnnda kiilaa 18:27

Apolɔs ndóò yeema le kɔlan Akaii. Mí puapilɛa luei ndu yoomuan le kɔla lan. Má sɛval kaandeŋaa va lon-nda sɛbɔɔ haliko mi ndáà caa ndu biyɔɔ. Mɛɛ o tiiya, mó mala vanaa laalannda o kɛndɛi Hala-e bɛngu.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.