2Korɛntea 10:18 - BII BILA

¹⁸ Kani o co vana lisàn haliko mi vannda a bii ndu biyɔɔ kɛndɔɔ-o le Mɛlɛka cɛl te, fɔ vana ndu Mɛlɛka lisa-o.

2Korɛntea 10:18 Referans Kwoze

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Talelan 21:2

Vanacieo yiyan lɔ́ɔ́-lɔ́ɔ̀ maa kela ndɔɔ naŋ ni, kɛ vana yaasiaa kɔltan-ndo co Mɛlɛka ni.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Rɔmnda 2:29

Kɛ Yuifinɔ kpeekpeiyo, ndu co vana co dɛnndan tosaa a kɔl ndɔɔ-o ni. Tooma kɔllo co tooma kpeekpeiyo ni, o fula Kɔl Hala-o o ba-o, o co ɲɛ co o sɛvaa-o le. O co n'vanndaciee o ba le candɔɔla vana kon la fula le, kɛ Hala o ba.

2Korɛntea 10:12

Kani n tɔɔndan bɛɛ le siimanndo, te kon te le tuwvanndo a vanaa nɔ yiyannda vaa lende-a a pum te. A co kan nda pila cuannɔnndo maa ɲɛ tuvaa-a, nda pilaa tɛɛn nda co tuuŋanndan ni. Diɔmnda nda co ni.

Nsaŋ 12:43

Kani candɔɔla vanndacieea ndáà hiow yeema a Hala nda candɔɔ.

Talelan 27:2

Vanaa celen naŋ mà sangala nɔm ni, kɛ o va nɔm pila le, o co fisa mì vana celen lisa nɔm.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

2Korɛntea 13:7

Sunsun, n co Hala piɛi yɔŋii niaa tosa dɛnɛ vɔɔndo. O co yeemɛi naa le i co ken te, le cɔmndo maa n tiw dɛnɛ ba le, kɛ yeemɛi nɛi i co ni mì n ce niaa dɛnɛ kɛndɔɔ tosaa, vana cɔ bɛɛ maa n bumba.

2Korɛntea 6:4

Kɛ o dɛnndan nin kpow, n co vannda cɔmndo maa vanaa baalaa Hala-a lekɛ́ndɛi naa n co ni: n co sangalan biwnɔnndo taw, sɔɔn imɔnɔn a sɔɔn yɔngu vana buulannda bɛndulan-ndon.

Rɔmnda 14:18

Vana tosal pɛ Krista baalaa o nɛi vaa lende coo, ndu hɛnan Hala, vanndacieea bɛɛ a hini kɔl a dɛnɛ ndɔɔ.

2Timote 2:15

Kindin mà cɔmnun Hala o hɔl maa vana baala fula kɔlɔ loo, o siɛmbula bii loo, mà va sɔɛi toɲɛi dimio.

2Korɛntea 5:12

O co sɔɛi nɛi naa pila le naa n hin niaa vɛlɛ cɔm, haliko mi la bii naa biyɔɔ kɛndɛ le, kɛ le niaa fɛɛlɔɔ yɔngoo haliko mi la kelu yongaa a naa o kɔɔ, o kon la tiwnin ba mi la mulul vanaa tofa haa vanndo hɔlla, kɛ a sínà ɲɛ co ndu o kɔl-lo le-a.

2Korɛntea 3:1

Bàà le sɔɛi nɛi naa pilɛi vannda cɔmndo haliko ma caa naa biyɔɔ naa n co kindinndo ni? Te kon te vɛ̀ɛ̀ makoo naa n nɔ maa vanaa pum le niaa sɛbɛlan yoo a naa pila o kɔɔ mà caa naa biyɔɔ, te kon te le niaa sɛbɛla vaa lende ɲunaa naa n co kindinndo ni?

1Korɛntea 11:19

Kɛ nduyɛ, mɛɛ mì piɔvanndan la va niaa tɛɛn, haliko mi vana sínà vanaa lo o lediom coo lekɛ́ndɛi-ya.

Rɔmnda 16:10

Mì la yil-la Apelɛs, o cɔm lekɛ́ndɛi maa vana Krista-o o co ni-o. Mì la yil yungu Aristobul-lo.

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Talelan 12:8

Vana kɔlkaloo vannda candu ni, kɛ diɔm sondo vesɛiyo ndu, kuisinndo o kuisin vannda ni.