2Korɛntea 10:1 - BII BILA

¹ Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

2Korɛntea 10:1 Referans Kwoze

2Korɛntea 10:10

Kani vannda co dimio aa: «Diomnda co o sɛbɛla Pol-tan nin-ndan la vɔw bɔɔ, la hɛnan vana o tueyɔɔ le, kɛ ndu pila va pɛ naa tɛɛn, vana ci ndu ɲɛ-ɲɛ le, vana luei bɛɛ sɔɛi ndɔɛi yii le.»

Matie 11:29

La siilun volɔɔla nilan, mì la sɔla pɛɛku nuu, kani vana vi kɔllo-o a vana tuisianndo ya co ni, la sɔlanin pɛngio o kɔlta niaalan nin.

Kalatea 5:2

Ya Pol, i co niaa dimul: te la cɛl pɛ le toomaa diyɔɔ, mɛɛ Krista nɛŋinin niaa mako kɛ́-kɛ̀ le.

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

2Korɛntea 11:30

Te i co pɛ kuundian, o yoomuma lepɛŋndan nin ya kuundiannin ni.

1Korɛntea 2:3

Lelan, i va niaa ikɛi a dialun vílɛ́iyon, a siòònde mí va ɲiiya taw.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

1Piɛr 2:11

Niaa vanaa hɛnan ya-a, i co niaa sila, niaa co mialla a vanaa hiavannda o lɛŋnden coo-a, la kpakpala yeeman falun co kɔlta niaalan cɔlɔbaa-on.

Filemɔn 1:9

o co fisa mì dimul nɔm le kaola co naa tɛɛn vellaa-velle-o. Kani ya Pol, i yuuva, handɔɔ o kon coo, i co sunsun o kaasoo le Yeesu Krista,

2Tesalonikea 3:17

Yilɔɔlan ndan, ya Pol co lan sɛvaa a ba ni. Nuaa ya handu pondalen o sɛbɛla nilan nin kpow o mɛɛlulan ni. Nuaa ya sɛva ni.

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

Kalatea 4:13

La tɛɛmbuu a ya le. La sinà maa le tùú ya va a naa-o ya tiiyal niaa Yoongu kɛndɔɔ tiiyal tasoo ni.

2Korɛntea 12:5

Le vana vaa lende, i nɔla mì kuundian, kɛ le ya pila yɛ, a yoomuma nima lepɛŋndan o kɔɔ ya kuundiannin ni.

2Korɛntea 11:21

Siɛmbulan la co ya le hee dimio ni, n yɔŋnun bɔɔ vanaa yoomuma lepɛŋ. Nduyɛ, te vana tɔɔndan pɛ le vana pila kuundianndo, mɛɛ ya bɛɛ i co tɔɔndan. A diɔmii nii ya co hee dimio ni.

2Korɛntea 10:7

Mɛɛ niaa co dɛnndan cɔw yɛ niaa co lan biyɔɔ ni. Te vanndo laalan pɛ maa le Krista o co ni, mɛɛ mò sínà maa naa bɛɛ le Krista naa n co ni.

2Korɛntea 10:2

I co niaa tɛɛlɔn, te i kɔɛ pɛ o niaa lo, la tosa mì soo a hɔlta kalalan o niaa lo le. Kani i yeema mì soo a hɔlta kalalan o vannda pum ndo, a co yiyanndo maa a yeeman ivanacieeyan o lakɔl naa n co kelaa ni-a.

2Korɛntea 7:4

I laalan niaa taw, nduyɛ i nɔla mì kelu yongaa a niaa o kɔɔ. I co ɲɔɔloo sɔlaa o sangalan nin kpow, i co a kɔlkɛndɛ bɛndoo.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

2Korɛntea 5:20

Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

2Korɛntea 3:12

Le tùú naa n tiindan kon-ndo naa n nɔ kɔlkɛsiaa ɲɛkɛndɛi ni.

1Korɛntea 4:10

Diɔmnda naa n co le Krista ni, kɛ niaa niaa, vanaa kɔlkalua pila niaa co o ndu nin ni. N nɔ mayoomu le, kɛ niaa la nɔ yoomuan. N nɔ lebɛɛ le, kɛ niaa la nɔ bɛɛlen.

Rɔmnda 15:15

Nduyɛ, mí sɛval niaa ndi kpéŋ-kpéŋ le niaa yiyalanndo le kɛndɛi Hala tosal-la-e,

Rɔmnda 10:20

Mì Esai ndu tɔɔndan bɛɛ mò dimi le aa: «Vanaa ve ya nuwviaa le-a, nda saalun ya ni, mí cɔmnun vanaa ɲuna ya ɲɛ-ɲɛ le-a.»

Dɛnnda kiilaa 8:32

Fonda o va dimio o Sɛbɛ Hala-o nin-ndo co hoo ni aa: «Mó yɔŋnun maa saa téndé nda co yɔɔ o fonda diyaa-o, maa saa laandu bobonɔ vanaa co ndu yiinde kilio-a o hɔl, kɛ bako bɛɛ o suu le.

Matie 21:5

«La dimul vannda Siɔn aa: ‹La tofa vɔ masa niaa hunɔɔ o niaa lo. O co vana kɛndɛ bɛndu. O co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.›»

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Condii lisai 45:4

Yiinun mɔɛi nɔmii cɔwve o càŋ, nɔm kuubanɔ kpaayaa ho. Mɔɛi ken cɔm biilu nɔmndo a naŋɔɔ nɔmndo ni.

1Korɛntea 4:21

Ɔ́ɔ̀ o hɛnan niaa-o? Vɛ̀ɛ̀ i kɔ o niaa lo a siondoolen baa i kɔ bɛɛn-bɛɛn a kaolaa o piaa ya o kɔl?

Efɛsea 3:1

Lelan, ya pol, ya co hoo o kaasoo le vali Yeesu Krista ya co tosaa le niaa vanaa-mangalaa-isɔɔa-o, i co Hala piɛiyo le niaa.

Filipea 4:5

Màá vannda kpow a sínà vanakɛndɛyɛi niɛi. Maalii co nin le hunɔ̀ɔ̀.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Filemɔn 1:19

Ya Pol, ya pila co nɔm diomndan ndan sɛval-lo nuaa ni: i mingulnin nɔm. Sínà maa hali mì i yiyalan nɔm bɛɛ le, mɛɛ mà yɔngu ya yoomu nɔmndo.