2Korɛntea 1:9 - BII BILA

⁹ N va yiyanndo maa sɔɛi piɔ́m naa ndíì cuu nin kiolɔn. Kɛ nduyɛ, kon tosan haliko n tiindan naa pila le, kɛ mì n tiindan Hala, o mingì vanaa vi-a yoomu-o.

2Korɛntea 1:9 Referans Kwoze

2Korɛntea 3:5

N tiwva mi dimi le maa naa pila co vallo ho tosaa ni, kɛ Hala o ba o co fulaa ni.

Hebreea 11:19

Kɛ mí Abraham yiyan o kɔl ndɔɔ nin maa Hala nɔ kpaaya o mingi Isaak yoomu-o. Lelan mí Hala mingul ndu po ndɔɔ, mí ken yɔŋnun tuulaa pum.

2Korɛntea 4:7

Kɛ naa nɔ ɲɛ-sɔlaa kɔl kon-nda co macoaa maa kpɛɛnɛn puulu. Haliko mi vana sínà maa Hala o ba kpaaya bɛndu kon fula ni, o co naa o ba le.

SƐBƐ YƆB-O 40:14

A tosa pɛ mun kpede, i lisanin nɔm le sɔɔn mun. Kani yoomuma ba nɔm kɛndɔɔ ma ciindiaanin nɔm.»

Luke 18:9

Mí Yeesu dimi taloo ho a vanaa pum o kɔɔ, a cennun nda pila vanaa sandaa, a ci caaŋaa ndaa ɲɛ-ɲɛ le-a aa:

Talelan 28:26

Vana tiindan pɛ yiyannda ndɔla ndu pila lan, mɛɛ diɔm sondo vesɛiyo co kon ni. Kɛ vana kela pɛ a kɔlkaloo, o hɛli-hɛlin kpundɛla bɔɔ-bɔɔ.

Esekiɛl 33:13

Hali o va bɛɛ mì dimul vana sandaa maa o co va yoomu, te vana sandaa kon tiindan pɛ sandii ndɔɛi ken, mò luɛi dɛnɛ sandaa lepɛŋndo tosaa, vana loonun ndɛnin a dɛnnda ndɔla sandaa lan te few, o vunin le dɛnɛ sandaa lepɛŋ o tosanin-ndo.

Condii lisai 22:29

Kani Mɛlɛka nɔ masalen o ba ni, ndu o ba bɛngu vanaa-mangalaa-isɔɔa kpow a co ni.

Talelan 14:32

Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.

Esai 38:10

I va dimio aa: Kpòkóó mɔnɛi! Telen yáà bɛnda le ceen nuu tɔnɔɔ dioo-o kínɛí ndóò tiiya nuaa ni, kɛ i cɛn kɔlan fɔ́! Má cè ya kɔlan o dio ciee-piɔ́mndo sondoo! Vɔsila nila tɔ̀lan la hɛlun ya.

Rɔmnda 8:36

Maa mɛɛ o sɛvan yɛ aa: «Lepalaa-lepala, a co naa diwvo le sɔɛi nɔmnde. A co naa cɔu maa saa nda co kɔlan le diyɔɔ-a.»

2Korɛntea 1:8

Puapilɛa naa, n yeema mì la va o sínà lepɛŋndo nin te, le sanga naa n sanga Asii-yo. Kani n sɔla sanga bɛndoo háá mí yoomuan ma fula naa, n ve lɛ kɔl maa naa n cinda nin te.

2Korɛntea 1:10

Ndu baŋa naa ni, nduyɛ o baŋanin naa o piɔ́m vaa lende sondoo. A toɲa, n nɔ tiindanndo maa o baŋanin naa vɛlɛ.