2Korɛntea 1:23 - BII BILA

²³ Hala co ya lesei, te i dimi pɛ còòlan, mɛɛ i sɔla piɔ́mndo! Le niaa solio o sangaa nin ya kɛɛ muungu Korɛnte ni.

2Korɛntea 1:23 Referans Kwoze

Kalatea 1:20

I ya co niaa hee dimullo-e, toɲaa i co ni, Hala o hɔl, o co lacòò le ya co niaa dimullo le.

1Korɛntea 4:21

Ɔ́ɔ̀ o hɛnan niaa-o? Vɛ̀ɛ̀ i kɔ o niaa lo a siondoolen baa i kɔ bɛɛn-bɛɛn a kaolaa o piaa ya o kɔl?

2Korɛntea 13:10

I co niaa sɛbɔɔ ho sɛval a hɔlta kalalan, haliko lɔ́ɔ́ ya kɔanin o niaa lo-o, i soaa o niaa lo a hɔlta kala le kpaaya Mɛlɛka ke ya-o le. Kani kpaaya kon, le kunda niaa hivio laci o co ni, kɛ o co le ndu tɛɛmbuu le.

2Korɛntea 13:2

Lɔ́ɔ́ ya kɔɛ kɔla diinndɔlan-ndo, mí sila vanaa tosa dɛnnda lahakilan-nda a vanaa celen o sɔɔn mun coo. Hau vɛlɛ bɛɛ, i co bɛɛ niaa tɛɛn te, kɛ i co mun pɔɔ sondo mingi. Nduyɛ lɔ́ɔ́ ya muungunin o niaa lo lon-ndo, i hɛlinin vana-vana le.

Rɔmnda 1:9

Hala ya co baalaa tosallo a kɔl nuu o Yoongu kɛndɛ Po ndɔɔ yondaa nin-ndo co ya lesei, maa telen oo telen ya va pɛ piɛilen, i co yiyanndo niaa coo

Filipea 1:8

Nduyɛ Hala co ya lesei maa i kaola niaa taw o Yeesu Krista nin.

2Korɛntea 12:20

Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.

1Timote 1:20

Vanaa kan a pum a co haa ni: Himene a Alɛksandre, a ya mal Setana o ba-a, haliko a pɛɛku lɛ vannda le sɔɔn tana dimio a Hala o kɔɔ le.

1Tesalonikea 2:5

La sínà maa kabi n dimi sɔɔn sondo yeelɛi le, n vin vɛlɛ yeemɛi ɲɛ-sɔlaa o sɔɔn naan nin te, Hala co lesei.

2Korɛntea 11:31

Hala, o co Fuɲaa Maalii naa Yeesu-o, o co vana duaa le fɛɛn a fɛɛn-ndo sínà maa i co lacòòva dimi le.

2Korɛntea 11:11

Le yɛɛ ya co yɛ ken dimio? Bàà mò va maa i kaola niaa le? Hala sínà maa i kaola niaa.

2Korɛntea 10:2

I co niaa tɛɛlɔn, te i kɔɛ pɛ o niaa lo, la tosa mì soo a hɔlta kalalan o niaa lo le. Kani i yeema mì soo a hɔlta kalalan o vannda pum ndo, a co yiyanndo maa a yeeman ivanacieeyan o lakɔl naa n co kelaa ni-a.

2Korɛntea 1:18

Hala co ya lesei, sɔɔn naa n dimul niaa-on n co sɔɔn ya cɛl mì kɛɛ le.

1Korɛntea 5:5

O bɛnda mì la mal vana vaa lende Setana o ba, haliko mi dialun ndɔn tambu, mì kɔl ndɔɔ sɔla cindaa o paale Maalii Yeesu len.

Rɔmnda 9:1

Toɲaa ya co dimi o Krista nin ni, o co lacòò le ya co dimio le, kɔl nuu bɛɛ co lesei o Hala Kɔl-Diandaa nin maa:

Dɛnnda kiilaa 18:1

O kon kɔɔli, mí Pol faŋan Atɛn, mó kɔa Korɛnte.

Dɛnnda kiilaa 18:8

Mí Krispis simlacinɔ cɛi lekaando nda yungu ndɔɔ kpow a laalan Maalii. Mí Korɛntea bɔɔ-bɔɔ a va Pol nilan yaŋɔɔ-a bɛɛ a laalan, má sɔla yinɔɔ.

2Korɛntea 1:1

Ya Pol, kiilanɔ Yeesu Krista-o mɛɛ hɛnan Hala-o co yɛ, naa Timote puapilɛ naa. Naa n co sɛbɔɔ ho sɛva le vanaa Hala-a co Korɛnte-a a le vanaa diandaa kpow ni, á co o lɛŋnde Akaii len nin ba-ba fee-a.

2Korɛntea 6:6

N co cɔmndo maa vanaa baalaa Hala-a naa n co ni: a diondɔɔ naa n dendu-o, dɛnɛ sinaa naa, biuvɔnndo naa, vili naa kɛndɔɔ, Kɔl-Diandaa co naa vallo nin-ndo, a o kaola kpeekpei naa n nɔ-o nin,

2Korɛntea 11:10

Le toɲa Krista co ya ho nin-ndo, o tàndá Akaii-yo nin kpow, vana-vana nɔla mò kuuna ya kuundianndo le sɔɛi ken te.