2Korɛntea 1:21 - BII BILA

²¹ Kani Hala pila simi naa yili o yoomoo nin Krista o ba bɛngu ni. Ndu hɛli naa ni.

2Korɛntea 1:21 Referans Kwoze

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

1Nsaŋ 2:20

Niaa niaa, la cii Kɔl-Diandaa sɔla fulaa Krista o ba, niaa kpow la sínà toɲaa.

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

Rɔmnda 8:9

Kɛ niaa niaa, la co lɛ o n'falu nin te, kɛ o kɔllo nin niaa co ni, te o va pɛ maa Kɔl Hala-o co niaa nin. Te vanndo nɔ Kɔl Krista-o nin te, mɛɛ ndu co o ndɔ le.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

2Tesalonikea 3:3

Kɛ vana lo o lediom coo-o Mɛlɛka co ni, o lueinin niaa yoomuan, mò ciindiaa niaa vana kɔlvesɛiyo o ba.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

2Tesalonikea 2:8

O kon vana kɔlvesɛi kon cɔmnun niko, o Maalii Yeesu tɛɛmbuunin a hoeyii fulanin ndu Maalii o sondo-e-o, mò tɛɛmbuu biilu hunɔɔ ndɔɔ-o pɛɛn.

2Korɛntea 5:5

Nduyɛ vana bɛɛndiaa naa le dɛnɛ kon-ndo, ndu co Hala ni. O yɔngu naa Kɔl-Diandaa maa ilandu le ɲɛm kɛndɛn naa hun sɔlanin-ndon.

Nsaŋ 3:34

kani sɔɔn Hala-on vana Hala vem-ndo dimi ni, kani taw-taw Hala yɔngu Kɔl-Diandaa ni.

Esai 62:7

La mal ndu (Mɛlɛka) mòo pɛngi le, háá fɔ mò mingi Yerusalɛm toosiaa, mò siinguu ndu ɲɛ vana lisa-o o lɛŋnden coo.

Esai 59:21

Mɛlɛka dimi vɛlɛ aa: «Ya yɛ, tofa vɔ kpema ya yii a nda-o. Kɔl nuu co niaa coo-o a sɔɔn niin ya vow niaa o sondo-on faŋannin niaa o sondo le. N feŋannin niaa pila a cuavaa niaa o lasondo le, cuavaa niaa imamaa bɛɛ, n feŋannin nda o lasondo le. Kandɔɔ sisa háá le fɛɛn a fɛɛn.» Mɛlɛka dimi lende ni.

Esai 49:8

Nuaa Mɛlɛka dimi ni aa: «I mululnin niaa o telen kɛndɔɔ, o paale cindaalen coo. I malanin niaa, I mandanin niaa mì kɛsi niaa le kpemaa yiiyo a vannda, le lɛŋnden mingio simio a le kɛ́la laasian-ndan mingio piɔwvo.

Condii lisai 89:4

Kani nuaa n dimi aa: ‹I yii kpemaa naa vana ya hɛli-o, mí cua ciɛ́ɔn naa David, vana baala nuu maa:

Condii lisai 45:7

Masale nɔmnden le vanin le lɔ́ɔ́-lɔ́ɔ̀ a le fɛɛn a fɛɛn. Tinda nɔm lemasaa tinda dɛnɛ sandaa o co ni.

Dɛnnda cɔɔmuanndan 3:18

Lelan i co nɔm sila mà pendu ya sianin nda dindi o yin-ndon o ba, haliko ma sɔla bolofaa a volɔɔla humbulan, haliko ma cuɛinun, o kon a ve lɛnin a fɛ́lio mì siɛmbula bii nɔm te. Piondu koovan le malnɔnndo o lahɔl, haliko ma ce.

Dɛnnda cɔɔmuanndan 1:6

o siinguu naa kunda lemasaa a vanaa-solia-lasálàá le Hala Fuɲa ndɔ-o pɛɛn. Màá biiloo a kpaayaa va le ndu le fɛɛn a fɛɛn! Amiina.

2Tesalonikea 2:17

mò pei niaa yoomuan o lakɔl, mò hiw niaa laci o dɛnnda kɛndɛlan a o sɔɔn kɛndɔn kpow nin!

1Tesalonikea 3:13

Màá o luei kɔlta niaalan yoomuan mì la siŋnun vanaa diandaa a vanaa nɔ isɔw le-a Hala fuɲaa o hɔl telen Maalii Yeesu hunnin a vanaa ndɔa diandaa kpow-vo!

Kolɔsea 2:7

La sim mì la luei puundon o ndu nin, mì la tangul yoomu niaa o ndu coo maa mɛɛ niaa sɔla pɛɛkoo yɛ, mì la va vanaa sinaa ikɛndɛa taw.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Condii lisai 87:5

Kɛ Siɔn ndu, a diminin a ndu o kɔɔ aa: ‹Lon vannda kpow a velun ni, Ó-Hiow-Ɲɔɔn-Kpow-vo pila kila ndu ni.›

Habakuk 2:12

Dangaa co le niaa! La co delɔɔ coo le kobilan kilaa, mì la va vannda diwvo le lan tangullo.

1Korɛntea 1:8

Mɛlɛka hiawnin laci a niaa kpaayaa keo háá o mɛɛlulan, haliko mi la va vanaa yaalan te-a paale Maalii naa Yeesu hunnin-nden te.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

Tɔŋ lasálàá 7:35

Ɲɛm mún co le Aarɔn nda poaa ndɔa o sálàla ŋɔa o yin le ya Mɛlɛka lan ni. Dɛnɛ kon kandun kabi paale nda pɔla nda le siŋnɔnndo vanaa-solia-lasálàá Mɛlɛka-a len.