2Korɛntea 1:12 - BII BILA

¹² Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

2Korɛntea 1:12 Referans Kwoze

1Korɛntea 2:13

Naa yɛ, o co a kɔlkalu vanndacieea pɛɛku naa-o le naa n co sɔɔn mun dimio le, kɛ a kɔlkalu Hala Kɔl-Diandaa pɛɛku naa-o. Nduyɛ, vanaa nɔ Kɔl-Diandaa-a naa n co sɔɔn toɲan Kɔl-Diandan tɛɛsiallo ni.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

1Tesalonikea 2:10

La co lesei, Hala bɛɛ co lesei maa n kela kela diandaa, kela sandaa a kela yaalan too niaa vanaa laalannda kpow tɛɛn.

1Piɛr 3:21

Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.

Hebreea 13:18

La piɛi Hala le naa. N laalan maa n dendu kɔltan, nduyɛ yeemɛi co naa mì n kela kela kɛndɔɔ o dɛnndan kpow nin.

2Korɛntea 8:8

Sɔɛi ya co hee dimio-e, o co mì baŋ niaa le ndi tosa le, kɛ le cɔmndo mɛɛ vanaa celen a co kindinndo yɛ, le kaola kpeekpei niaa nɔ-o sinaa.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

Dɛnnda kiilaa 23:1

Mí Pol tofa vanaa kialaa n'yamaa lelɛŋnda, mó dimi aa: «Puapilɛa nia, háá paalen nden hau, a kɔlkɛsiaa nuu kpow ya co Hala baalaa tosallo nuaa ni.»

SƐBƐ YƆB-O 13:15

Hala yeema pɛ o dii ya, i nɔ lɛ dɔ́ɔ́ tiindan te. Kɛ fɔ mì kɔɔsa le kela nuu.

1Piɛr 3:16

Kɛ la tosa kon o fɛ́ɛ́-fɛ́ɛ́o nin a o tuisinndo nin. La nɔ yiyannda kɛndɛlan, haliko o va bɛɛ o fondala nda co niaa congòó lan, mì siɛmbulan la bii vanaa co niaa diolan tɛɛmbuuo le kela niaa kɛndɔɔ-a.

1Timote 1:5

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

Filipea 1:10

haliko mi la nɔla dɛnnda sɔvɛlan sinaa, mì la va a diandaa a vanaa yaalan te-a haa o hunɔɔ Krista-o.

Efɛsea 6:14

Lelan, la va a bɛɛndiannda: la yiinun toɲaa o can maa leyaw, mì la vownun dɛnɛ sandaa maa doma cɔw.

Kalatea 6:4

Kɛ vana-vana mɛɛndian kela ndɔɔ ɲɛkɛndɛi. Te ndu pila ce yɛ pɛ maa o nɔ dí mò sangalan, mɛɛ ndu pila sangalan, kɛ o va le tuvanndo a caanda le.

2Korɛntea 11:3

Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

2Korɛntea 1:17

Kɛ nduyɛ, la yiyan te maa vana sɔɔn miun-miunndo ya co le tùú ya tuu kon mi kɛɛ tosa-o ni, te kon te maa i va pɛ tùúlan, o yiyan ivanacieeyaa nin kínɛí ya tùú lende ni, maa i cɛl pɛ, i kɛɛ vɛlɛ.

1Korɛntea 5:8

Lelan n tosan kafoo, o co a lɛvɛn paandu le, o co vɛlɛ a lɛvɛn dɛnɛ haki, te kon te dɛnɛ kɔlvesɛi le, kɛ bulu toosian a lɛvɛn too co dɛnɛ sandaa a toɲaa ni.

1Korɛntea 4:4

Kɔl nuu co válán. Ɛ̀ɛ̀ nduyɛ, o va bɛɛ lende, kon cɔm te maa i tɛɛmbuu ɲɛ-ɲɛ le. Mɛlɛka co vana kialu ya iyama-o ni.

Rɔmnda 9:1

Toɲaa ya co dimi o Krista nin ni, o co lacòò le ya co dimio le, kɔl nuu bɛɛ co lesei o Hala Kɔl-Diandaa nin maa:

Esai 38:3

«Éé Mɛlɛka! Loonun maa i kela nɔm o hɔl sakpo a kɔl nuu kpow, mí tosa ɲɛ co o kɛndɛ nɔm o hɔl-lo!» Esekia lo piɛilen lende, mó caŋ fúkpàà-fùkpàà, mí mɛmɛan ma toal ndu taw-taw.

Yosue 24:14

Mí Yosue dimul nda aa: «O laan, siòòŋii Mɛlɛka-e va niaa, mì la tosal ndu baalaa a kɔlta niaalan kpede, mì la lo o lediom coo a ndu. La mal halaa fuɲaa niaa mamaa va biiloo peo leeloo-a, halaa Esiptea pɛɛn, mì la tosal Mɛlɛka baalaa.

Nsaki 4:6

Kɛ nduyɛ, kɛndɛi Hala co naa tosallo-e co i bɔɔ, kani o dimin vɛlɛ aa: «Hala co vanaa kuundiannda cɔlɔbaa, kɛ o co vanaa tuisin tootoo-a kɛndɛi tosallo.»

Tite 2:7

Nɔm pila cɔm tɔɔmaseloo o dɛnnda kɛndɛlan tosaa nin, mì pɛɛku nɔmndo dendu, mò va pɛɛku kpeekpeiyo.

1Korɛntea 1:17

Kani Krista vim ya le vana yinɔɔ le, kɛ le vannda Yoongu kɛndɔɔ tiiyallo. O co le sɔɛi caa le, yɔŋii piɔ́m Krista sɔla o yɔm singafilaa coo-o siŋnun fúú.

1Korɛntea 12:8

Vana pum, mì Kɔl-Hala-o ke ndu sɔɔn kɔlkalon dimio, o pilɔɔ sɔɔn dɛnɛ sinaan mɛɛ Kɔl-Diandaa pilɛ kon co yɛ.

2Samiɛl 22:22

Kani i co keelaa o nɛila ndu Mɛlɛka lan coo, i tosa dɛnɛ vɔɔn mì kɔɛ Hala nuu levil te.