1Timote 6:9 - BII BILA

⁹ Kɛ nduyɛ, vanaa co bolofaa yeemaa-a a co delɔɔ o dɛɛniaa nin, mà va hawvo o yaŋɔɔlen, a co delɔɔ o tuula vɔɔnda idiɔmndan taw nin, la yaa vannda o ɲánndávàà mì ɲɔɔn kpow n cuu nda o laba lan.

1Timote 6:9 Referans Kwoze

Talelan 15:27

Vanndo nɔ hɔlte ɲɛ-sɔlaa lakafaa, o tuisi dɛnɛ palaa yungu ndɔɔ coo. Kɛ vana ɲɛ-sɔlaa luɛyɔɔninndo nɛinun pɛ, ndu viow yoomu.

1Timote 3:7

Mɛɛ mì vanaa ceenda tɛnda seile ndɔle kɛndɛlen, yɔŋii o tambu tɔ́ɔ́ mo haw o yaŋɔɔle ɲina vɔɔndo.

Dɛnnda kiilaa 8:20

Kɛ mí Piɛr mulul ndu aa: «Màá volin nɔmndon tambu a nɔm pila latulu, kani a laalan maa a volion vana piandu ke Hala-o ni!

Matie 13:22

Kulun deli o yɔɔn nin-ndon, mun co tɔɔmasele vana tuei sɔɛi Hala-e, kɛ mí buulannda ceenndan a yeemɛi bolofaa hialu fondaa ndu o kɔl kpede-o ni. O kon sɔɛi Hala-i co ndu o kɔl-le kum te.

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

Efɛsea 4:22

Lelan, mɛɛ mì la mal niinu niaa paandoo, mì la kɛɛ vanacieeyɛi niɛi paanduei. I yiyannda ndɔlan la hui vana, mì la luei vana o tambei nin-nde.

Marke 4:19

kɛ mì buulannda ceenndan, hɔlte bolofaa a yeemɛi bɛnduei ɲɛvi nda ndi o kɔl, i nɔla komɔɔ le-a ni.

Matie 26:15

mó dimul nda aa: «Te i mal pɛ ndu niaa o ba, yɛɛ nɛ niaa ke yɛnin ya?» Má cua volin latámán beleyaa, má yɔngu ndu.

Matie 19:22

Kɛ langbanɔɔ tueyɔɔ sɔɛi ken, mó kɔannun a suumaa, kani bolofaa pila ndóò nɔ ni.

Talelan 22:16

Vana hiw pɛ vana bala fondoo yɔɔkpiaa, a siinguu ndu vana bolofaa. Vana ke pɛ vana bolofaa, nɔm pila lo fondo.

Talelan 21:6

Bolofaa vana sɔlà a còòlan-ndo, maa kumnde o co le vanaa co piɔ́mndo nuwviaa-a ni. O viw vana o ba le.

Talelan 20:21

Bolofaa vana yalà sɔla o lepilɔɔ-o nɔ duaa o mɛɛlulan te.

2Timote 2:26

o kon mà muungu o nda pila nin, mà hɛlun yaŋɔɔla nda va nin-ndan, la ɲina vɔɔndo toosiaa haliko mi ndáà tosa yiyan ndɔɔ lan.

1Timote 1:9

N sínà vɛlɛ maa o co le vanaa co dɛnɛ sandaa tosaa-a le tɔŋndo co le, kɛ le vanaa yɔŋ vɔɔnda a vanaa nila kalua, le vanaa sínà Hala le-a a le vanaa lahakia, le vanaa ke Hala a ɲɛm dendu Hala o hɔl-lon lebɛɛ le-a, le vanaa diw fuɲaa ndaa, te kon te kalaa nda-a, le vanaa diuvaa n'vannda,

Luke 21:35

Kani paalen le toalnin vanaa co o ceendo kpow coo-a coo mɛɛ visio haw o yaŋɔɔlen nuaa yɛ.

Sakari 11:5

Vanaa co nda piondɔɔ le diyɔɔ-a co cɔnnɔn maa a tɛɛmbuu isɔɔ le. Vana co nda pisio-o co dimio aa: Biiloo co le Mɛlɛka! Kani i siŋnun vana bolofaa. Vanaa co saa kan mandaa-a nɔ iɲíí a nda le.

Esai 5:8

«Dɛnɛ palaa co le vanaa co cɛilan kpɔɔndiaa-a, le vanaa co ciɛɔn handɔɔ o ciɛɔn coo háá ma cii fondaa hiɔlɔɔ kpow, le calle nda pilɛ o lɛŋnden nden nin-nda!

Talelan 23:4

Saangian kiltan bolofaa kɔɔli le, faŋa yiyan nɔmndo lecoo few.

Condii lisai 11:6

Mɛlɛka co dɛngulta biyaalan, yinnden a fungoo tuisio vanaa kɔlvesɛiya coo maa piɔɔ. Hoeyii tuw-tuwve ndi, ndi o co nda koesio ni, kɛ̀ ndaa vanin kon le lɔ́ɔ́-lɔ́ɔ̀ ni.

Yosue 7:11

Israɛlla tosa hakio, má tɛɛmbuu kpema ya yiilu nda-o. A toɲa, a cii ɲɛm ya kuuna nda-on cua. Mɛɛ nda ciimbuu mun, má vian mun o volɔɔla ndalan nin.

Tɔŋ miingua 7:25

La bɛnda mì la lom piɔmaa nda cuá maa halaa nda-a. Kɛ la del o tɔɔndan nin le volion a sianin kumbu nda-on cuaa le. La cua mun te. Dɛnɛ kon nɔla mò va yaŋɔɔlen le niaa, kani dɛnɛ nɔɔlɛi bɛndoo pila dɛnɛ kon co Mɛlɛka Hala niaa o hɔl ni.

Kundalan 31:8

Má diw vɛlɛ masaa Madiannda nda ŋuɛɛnu: Evi, Rekɛm, Sur, Hur a Reba. Má dii vɛlɛ Balaam po Beɔr-o a mɔɛi cɔwve.

Matie 6:19

«La cúúngiaa bolofaa o ceendo coo le. Kani o ceendo coo, o nɔla mò sɔva, kaangoa nɔla vɛlɛ mà tɛɛmbuu ndu, te kon te mì vuiya yem dioo, mà ciimbuu ndu.

Luke 12:21

Mí Yeesu hiaw vɛlɛ laci a sɔɛi, mó dimi aa: «Lende koni o vanin vɛlɛ le vana landu kɔllo le ɲɛm ceenndon cuungiaa le ndu pila-o ni, o co bolofaa cuungiaa le Hala loo pɛɛn.»

1Timote 6:10

Kani kaola n'volio co dumbule dɛnnda vɔɔnnda súú-súù ka ni. Nduyɛ, mɛɛ yeemɛi ken i bii vanaa pum háá, má mal laalan ndaa, mí sangala bɛndulan la luɛi o kɔlta ndalan nin.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

Tite 2:12

Kɛndɛi kalɛi co naa pɛɛkoo le laalan lepɛŋndo a yeemɛi vɔɔnde o ceendo ho coo malɔɔ, mì n kela kela kɛndɔɔ, kela sandaa, mì n kela a laalanndo o palɛi he sisa nin.

1Masaa 21:6

Mó mulul ndu aa: «Nabɔt Yisrɛeliinɔ ya dimul ni le ya nakɔ ndɔ rɛsɛnndo keo mì pendu ndu a volion, te kon te mì mingul ndu o celen sɔngɔ nakɔ ndɔɔ. Kɛ mó kɛɛ aa o yɔngunin ya nakɔ n'rɛsɛn ndɔ kon te.»