1Timote 6:4 - BII BILA

⁴ mɛɛ yongaa pɛ ndu lende nin ni, o sínà ɲɛ-ɲɛ le. Yeemɛi o nɔ lende le sɛɛngianndan a le diomndan hiŋanndo o sɔɔn pum coo ni. Nduyɛ o kon nin paŋalianndan, sɛɛngianndan, yeowlan, sɔɔn vɔɔnndon tuuvo

1Timote 6:4 Referans Kwoze

2Timote 2:23

Vòw sondoo o sɛɛngiannda fondola idiɔmndan nin te, kani lan la hun a sɔngɔlan ni.

2Timote 3:4

Vanaa tosà yalalen-nda a vanaa tosà hɛnan ndaa-a. A vanin vanaa hɔlaa heelaa bɛndu. A kaolanin ɲaale ceendo hiovɔɔ Hala coo.

1Timote 3:6

O va vana laalan sɛnɛi-yo le, yɔŋii yongaa piɔ ndu nin, mò sɔla yaalaa maa mɛɛ ɲina vɔɔndo sɔla yaalaa yɛ.

Yude 1:10

Kɛ nda co lende le, a ɲɛ nda sínà loo o kɔɔ nda soaa diomnda vɔɔnndan ni, sɔɔn nda sínà yɛ pɛɛngu-on, mɛɛ visia yondoa sínà sɔɛi pɛɛngu yɛ koni nda sínà mun ni. Nduyɛ sɔɔn nda sínà mun-ndon n co nda tɛɛmbuuo ni.

2Piɛr 2:12

Kɛ vanaa kan a co dɛnndan tosaa vana ca ko aa visia ni, o co a kɔlkalu le. Maa visia yondo nda co ni, a nda koam, mà bii, mà dii-a. O nda sínà loo nda co yeowlan ni, nda bɛɛ a tambunin maa n'cɔlu.

2Timote 2:14

Va nda dɛnndan ndan yiyalanndo, mà va nda silaa Hala o hɔl vakpa maa a kpakpala sɛɛngianndan o diomndan lapum coo, la nɔ tɔnɔ le lan, kani tɛɛmbuuo koni la tɛɛmbuu vanaa yaŋ ndan nilan-nda ni.

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

1Timote 1:7

A yeema mà cɔm maa vanaa bɛndua sínà tɔŋ Hala-o-a nda co ni, kɛ a co sɔɔn nda pila co dimio-on bila biyɔɔ le, a co vɛlɛ n nda co dimio a tiindanndo-on bila biyɔɔ le.

1Timote 1:4

Dimul nda maa a mal talelan a diola fuɲaa-mamaa nɔ lamɛɛlule lan dimio o polalen. Kon hun a sɛɛngianndan ni, o hivi baala Hala-o laci o laalanndo nin te.

Nsaki 1:19

Puapilɛa nia hɛnan ya-a, la sinà pɛɛngu maa vanaciee oo vanaciee bɛnda mò keleŋa tueyɔɔ, kɛ o keleŋa isɔɔ le, o yala kɔl tuulu le.

Tite 3:9

Kɛ vow sondoo o sɔɔn idiɔmndon nin te, diola fuɲaa-mamaa dimio o polalen, sɔngɔlan a sɛɛngianndan o tɔŋndo coo. Kani n yɔngù vana tɔnɔ oo tɔnɔ le, n nɛŋì vana ɲɛ-ɲɛ le.

Dɛnnda kiilaa 15:2

Pol, Barnabas a vanaa kan cɛlan o dɛnɛ kon coo le, má sɛɛgian taw. O kon má tuu maa Pol, Barnabas a vanaa pum a kɔ Yerusalɛm, mà kɔ komal kiilaa a kaasoŋaa kɔlkalua kunda vanaa laalannda le sɔɛi kalɛi.

Dɛnnda cɔɔmuanndan 3:17

Kani a co dimio aa: Vana bolofaa ya co ni, i pɛ a bolofaa taw, i hew lɛ ba a ɲɛ-ɲɛ le. A co sínà maa a cuu dikpilan te? Kuɛi, bala fondolan, sumaa a fɛ́lio tol nɔm coo.

2Tesalonikea 2:4

Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.

Kolɔsea 2:18

Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.

Filipea 2:14

La tosa dɛnndan kpow, o va a sɔɔn pɔmbɔ le, o va vɛlɛ a lasɛɛngian te,

Filipea 2:3

La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

Filipea 1:15

I co toɲa maa vanaa pum a co vannda sɔɛi Krista-e tiiyallo le yeemɛi co nda o kɔl-le, te kon te a paŋalaa. Kɛ a pum yɛ nda, a yiyan kɛndɔɔ nda co kon tosaa ni.

Kalatea 6:3

Te vanndo cennun pɛ ɲɛ, mò ve yɛ niko ɲɛ-ɲɛ le, mɛɛ ndu pila co palanndo ni.

Kalatea 5:26

N vannun vanaa yonga le naa pila tiiŋuanndo te kon te tɔ́ɔ́yanndan biinanndo vellaa-velle le.

Kalatea 5:15

Kɛ te la co pɛ kisikisianndo mì la va misimisianndo vellaa-velle, mɛɛ la caa dɛ, yɔŋii niaa tɛɛmbuan vellaa-velle.

2Korɛntea 11:20

Vannda co niaa cɔu maa n'cɛ, a co tɔnɔ niaa dioo, a co niaa ɲɔɔn poondia o laba, a co niaa kuundianndo coo, mà va niaa hɔlla lɔɔ, mì co kon cɛlɔɔ.

1Korɛntea 11:18

Sɔɛi tasei co hee ni, i tuei maa la bɔɔŋian pɛ, la piɔvian kundalan yɛ́-yɛ́. Nduyɛ, i laalan kon ɲɛ-pɔmbɔ.

1Korɛntea 11:16

Te vana pum yeema yɛ pɛ mò sɛɛngiaa, mɛɛ mò sínà maa naamu vaa lende co naa tɛɛn te, vanaa laalan Hala kpow-va bɛɛ nɔ naamu vaa lende le.

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

Rɔmnda 14:1

La bii vana nɔ laalan bɔɔ loo, o va a yiyannda ndɔlan sɛɛngiaa le.

Rɔmnda 13:13

N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

Rɔmnda 12:16

La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

Rɔmnda 2:8

Kɛ o tuisinin kɔltuw ndɔɔ a hiilɛi ndɔɛi vanaa sɛɛngiaa ndu, má kɛɛ toɲaa, má muungu bollen vowvo o dɛnɛ vɔɔndo nin-nda coo.

Dɛnnda kiilaa 18:15

Kɛ le mɛɛ o co dɛnɛ lasɛɛngianndo o diomndan lapum coo, o diolan coo a o tɔŋ niaa pilaa coo yɛ, la toosiaa sɔɔn mun niaa pilaa tɛɛn, i kilu sɔɔn vaa nuaa iyama le.»

Dɛnnda kiilaa 8:9

Langbanɔ pilɛ va nin ndon diolan Simɔn, vana mangalaa o va ni. Samaria va kɔndɔfillo dɔwnɔnndo a ndu taw, kani ndu pila ndóò cii nin siingɔn vana tɔ́ɔ́ bɛndoo.

Esai 58:4

La co sumndo biyɔɔ a sɛɛngianndan a á cɔlɔbalan tosaa, a vannda lɔɔ a bɔtáà kpoku. La co sumndo biyɔɔ mì la va tosaa mɛɛ vanndo tosa o paale sumnden coo, haliko mi piɛile ndɔlen le tueinun coocoo yɛ le.

Talelan 26:12

A ce nin vana cennun ndu pila vana kɔlkaloo-o? O co fisa ma tiindan diɔm sondo vesɛiyo a vana vaa lende kɔllo kɛsio coo.

Talelan 25:14

Vana dimì le vanndo ɲɔɔ keo kɛ o yɔngu ndu loo co ko maa piɔɔ hel mò yɔngu hoeiye kɛ o se loo.

Talelan 13:7

Vanndo pum mò cɔm maa o nɔ bolofaa, nduyɛ ɲɛ-ɲɛ ò nɔ le. Vanndo pum yɛ, mò cɔm maa o nɔ ɲɛ-ɲɛ le, kɛ mò nɔ ɲɛ-sɔlaa taw.