1Timote 6:2 - BII BILA

² Cɛa co vanaa ndaa bɛndua laalan-nda o ba-a bɛnda mà kɛɛ nda bɛɛlen ke le tùú nda co puapilɛa ndaa o laalanndo nin-ndo le. Kɛ o bɛnda mà tosal nda baalaa ɲɛkɛndɛi le tùú nda co vanaa laalaŋaa nda kaola-a o, kani o nda lo tɔnɔ vali nda kon co lakɔ ni. Sɔɔn n nɔ le pɛɛkoo mà sila vannda-on n co mun ni:

1Timote 6:2 Referans Kwoze

Kolɔsea 4:1

Niaa vanaa bɛndua, la bii cɛa niaa o dɛnɛ sandaa a o kpen-kpenndo nin. La sínà pɛɛngu maa niaa bɛɛ la nɔ vana bɛndoo o halataala.

1Timote 4:11

Ɲɛ n bɛnda le vannda pɛɛkoo a nda silaa-o co kon ni.

Yude 1:8

A kon kpede, vanaa kan co vɛlɛ dialun ndan nɔɔliaa o yiyannda ndala fondolan nin, mà va kɛɔ le luɛyɔɔ o ba Maalii-o bɛngu, a co mɛlɛkaa yeolan.

2Piɛr 2:10

taama-taama, vanaa co yeemɛi dɛnɛ nɔɔlɛiye kiltan kɔɔli, a nɔ lebɛɛ a Mɛlɛka le-a. A hiwba nda pila laalanndo, a kendu sondolan, a nɔ isiòòn le mɛlɛkaa co o halataala-a yeowlan te.

1Piɛr 5:1

I co kaasoŋaa co niaa tɛɛn-nda sila. Ya co kaasonɔɔ maa nda-o, ya co sei sangala Krista lan a vana vanin o biilu hun fulanin ceen-ndo nin-ndo-o:

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

Tite 2:15

Dɛnnda n bɛnda ma pɛɛku vannda lan la co laan ni. Luei nda yoomuan mà soo nda a kpaayaa. Cɛ̀l mì vana-vana kelun nɔm yii le.

Tite 2:1

Kɛ nɔm yɛ, pɛɛku vannda kaannde sandaalen.

1Timote 5:1

Sɔaa bɛndu yuuvɛiyo a paa-kala le, kɛ soo ndu o lani mɛɛ n sɔaa fuɲa nɔm o lani yɛ. Cɔ langbanɔ felengoo maa puapilɛ nɔmndo,

2Tesalonikea 1:3

Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

Kolɔsea 1:4

Kani n tuei laalan niaa laalan Yeesu Krista-o a kaola niaa nɔ le vanaa laalannda kpow-vo tɔ́ɔ́.

Kolɔsea 1:2

Le puapilɛa naa, vanaa co yungu Hala-o Kolɔse-a. Màá Hala Fuɲa naa cɔ niaa ɲia, mò ke niaa kɔlɲuloo!

Efɛsea 3:6

Dɛnɛ viannan kon co hoo ni: le Yoongu kɛndɔɔ, mí vanaa co N'Yuifi le-a sɔla kɛ́ pilɔɔ nda Yuifia latulu, má siŋnun ɲɛ pilɔɔ o dialun pilɔn nin, má sɔla kpema o yiilul nda-o latulu o Yeesu Krista nin.

Efɛsea 1:15

Lelan, kabi ya tuei laalan niaa laalan Maalii Yeesu-o a kaola niaa kaola vanaa diandaa kpow-vo tɔ́ɔ́,

Efɛsea 1:1

Ya Pol, ya co kiilanɔ Yeesu Krista-o o hɛnan Hala-o nin-ndo. I co sɛbɔɔ ho sɛva le niaa vanaa diandaa a niaa vanaa laalan Yeesu Krista mì la va Efɛs ciee-a.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Rɔmnda 11:17

Kɛ te lɛwvon pum kilin pɛ, mì nɔm co lɛvii yɔm yondo-ei-yo sɔla holɔɔ o fonda ndɔɔ, haliko ma va tando co fulaa o puundun yɔm nda tɔl-lo-o sɔlaa,

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Matie 23:8

Kɛ niaa niaa, la tosa mì vannda veelu niaa Kɔɔfa lan te, kani Kɔɔfanɔɔ ndu pilɛ kpé niaa nɔ ni. Niaa kpede, puapilɛa niaa co ni.

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»

Kundalan 16:3

Má kɔ balu Moise nda Aarɔn, má dimul nda aa: «N sanga a dɛnɛ niaa few! Israɛlla kpow a diandaa naa n co le Mɛlɛka ni, nduyɛ Mɛlɛka co naa kpede tɛɛn. Le kɔlɔ yɛɛ niaa niaa co yɛ cɔnnɔnndo maa niaa co vanaa bɛndua o kunda Mɛlɛka-o coo ni?»

Dɛnnda kiilaa 1:15

Paale pilɛ, mí vanaa laalannda cuungian, a va le vannda kɛmɛ bidiin. Mí Piɛr can nda tɛɛn, mó dimi aa: