1Timote 6:17 - BII BILA

¹⁷ Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

1Timote 6:17 Referans Kwoze

Dɛnnda kiilaa 14:17

Kɛ nduyɛ, Hala co niaa dɛnnda kɛndɛlan tosallo lɔ́ɔ́-lɔ́ɔ̀: kani o co niaa piɔɔ tuisullo fulaa o halataala o telen bɛnda-o, o co niaa vɛlɛ baloo yɔngoo mì kɔlta niaalan la va piɔu a ɲaaloo.»

Talelan 11:28

Vana tiindan pɛ bolofaa ndɔɔ, ndu del, kɛ vanaa sandaa naŋnin maa yɔm puiyaa.

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

Matie 19:23

Mí Yeesu dimul kaandeŋaa ndɔa aa: «Mì dimul niaa toɲaa, o kendu le vana bolofaa luɛyɔɔ o masale halataala len nin dɛ!

Talelan 27:24

kani bolofaa co ɲɛ lɔ́ɔ́-lɔ́ɔ̀ le, pondale lemasalen bɛɛ le co ɲɛ fɛɛn-fɛɛn te.

Tite 2:12

Kɛndɛi kalɛi co naa pɛɛkoo le laalan lepɛŋndo a yeemɛi vɔɔnde o ceendo ho coo malɔɔ, mì n kela kela kɛndɔɔ, kela sandaa, mì n kela a laalanndo o palɛi he sisa nin.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Luke 19:2

Langbanɔɔ pum va lon, diolan Saasee. Ndu va bolle vanaa biyaa mulua ni, vana bolofaa o va vɛlɛ ni.

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Tɔŋ miingua 8:17

Lelan, la caa, yɔŋii niaa hun dimi aa: ‹A yoomuma naan a á kpaayaa naa naa n sɔla bolofaa ho kpow ni›.

Rɔmnda 11:20

Toɲaa ken ndi co ni. Le laalan nda lepɛŋndo n sɔla kilio ni, mì nɔm va o holaa le laalanndo. Lelan kuundian te, kɛ siòònde va nɔm,

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Talelan 23:5

Ɲɛ-sɔlaa, vana del ndu dɔ́ɔ́ pɛ hɔlten o lonnun pɛ́, o vil bɔɔlan, o kɔɛnnun coocoo polon maa kovɛ.

Condii lisai 104:28

Taa ke nda pɛ ndu, a de. Taa kumbi pɛ ba nɔmndo, a sɔla ɲɛm kɛndɛn nda nɔ le sɔlaa-on kpow.

Condii lisai 62:10

Ɲaa yoomaa daama vanndacieea co ni, sɔɔn lacòòvan kínɛí n co nda o lasondo ni. Te vana heelu nda pɛ o kiloo coo, nda kpow, lusul ndaa tiiya maa lusul ihoeiyo le.

Condii lisai 52:7

Lelan nɔm bɛɛ, Hala co nɔm tɛɛmbuu le fɛɛn a fɛɛn. O koondannin nɔm, mò soli nɔm o cɛi-kola-toandaa nɔmndo nin, mò faŋa nɔm o ceendo vanaa yoomaa ho coo.

2Dɛnnda lemasalan 26:16

Kɛ mɛɛ Osias sɔla kon kpaayaa lende, mí yongaa luɛi ndu o kɔl, mó mulul Mɛlɛka Hala ndɔɔ kɔɔ. Paale pilɛ, mó luɛi o Cɛi-Mɛlɛka-o nin le sálàla cuɛima cun kɛndɛlan lomɔɔ o fonda-loamaa-lasálàá coo.

Tɔŋ miingua 33:15

a kulun sɔvɛn fula o pembun bɛndun masindɔn coo-on, a kɔmnde fula o pembun pɔmbɔn paandu-paandon coo len,

O Kandɔɔ 13:2

Vana bolofaa bɛndoo pila Abram va ni, ndóò nɔ cɔlua, volion a sianion taw.

2Timote 4:10

kani Dimas kaola ceendo ho mó faŋan ya kɔɔli, o kɔɛ Tesalonike, Kresensa kɔɛ Kalasii, Tite kɔɛ Dalmatii.

1Timote 6:13

I co nɔm ɲuna Hala o hɔl, o yɔngu ɲaa yoomaa kpow yoomoo-o, a Yeesu Krista o hɔl, ó soli seile kɛndɛlen Pɔnse Pilate o hɔl-lo,

1Timote 1:3

Lɔ́ɔ́ ya va kɔlan Maseduan-ndo, mí sila nɔm le lou Efɛs, haliko ma kpaa vanaa pum, mà pɛngi pɛɛkula lacòòvalan yɔngoo.

1Tesalonikea 1:9

Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

Efɛsea 5:5

Kani mɛɛ mì la sínà hee ɲɛkɛndɛi: vana-vana co vana suundaa, vana nɔɔla Mɛlɛka o hɔl-lo, te kon te vana nɔ yeemɛi vɔɔnde-o (kani yeemɛi vɔɔnde nɔu, piɔmnda sooloo co kon ni), nda sɔlanin Masale Krista len a Masale Hala len maa kɛ́ le.

Dɛnnda kiilaa 17:25

O nɔ mako mì vana yɔngu ndu ɲɛ-ɲɛ le, kani ndu ke vana yoomoo, kɔllo a ɲɛm tɔ̀un kpow ni.

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

Marke 10:24

Mí kɔndɔfillo bii kaandennda a sɔɔn mun. Kɛ mí Yeesu miinguu ndi dimi aa: «Cuavaa nia, o kendu le luɛyɔɔ o masale Hala len nin dɛ!

Matie 27:57

Paalen delɔɔ, mí langbanɔ bolofaa pum hun fulaa Arimatee, diolan Yosɛf, kaandennɔ Yeesu-o ndu bɛɛ va ni,

Matie 6:32

Kani vanaa sina Hala le-a co fafaláà ɲɛm mun nuwviaa ni. Kani Fuɲa niaa co o halataala-o sina maa la nɔ makoo a ɲɛm mun.

Daniɛl 4:30

O foofo kon, mí sɔɛi ken i peelun dɔ́ɔ́ Nebukanɛsar coo. Mó toawnun mó faŋan vanndacieea tɛɛn, mó dia billo maa naw, mó liva yɔ́-yɔ́ o kɛmndan nin, háá mi yiiŋii ndɔɛi yimbu maa bɔɔla kovɛ. Mí yɛmbɛn ndɔn bandu maa yɛmbɛn yow.

Esekiɛl 16:56

A va Sodɔm pɔmbɔ nɔm diolan tɛɛmbuuo, má va ndu congulan telen n va yongaa tosaa-o,

Condii lisai 62:8

Cinda nuu a bɛɛle nilen le co Hala o ba. Ndu co pow kpovaa a nɛɛ nia viannannda ni.

Tite 3:6

Kani Hala sɛŋi naa Kɔl-Diandaa kon coo o diola Yeesu Krista Vana Ciindiaa naa,

1Timote 5:21

I co nɔm ɲuna Hala o hɔl, Yeesu Krista a mɛlɛkaa sɔla hɛlio-a kpow o hɔl, mà bii silalan ndan, hiyan vana-vana le, tosa ɲɛ-ɲɛ a lakafa le.

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

Vana Kɔlkaloo 2:24

Ɲɛ co dɛnɛ kɛndɔɔ o ceen vanacieo nin daama-o co dioo, kolɔɔ a ɲaaloo dɔwnɔnndo o baala ndɔɔ nin ni. Kɛ kon vɛlɛ bɛɛ, mí ca maa Mɛlɛka o ba o fula ni.

Yeremi 49:4

Niaa vanaa nila kalua Raba, le yɛɛ niaa co yɛ lisanndo a bólta niaalan, bólta niaala tɔlɔɔlan la naŋ nin taw lan? La va bolofaa niaa tiindanndo, mí la va dimio aa: ‹Nɛ̀ɛ́ tɔɔndan yɛnin mò hun del-la coo?›

Matie 12:32

Te vanndo dimi pɛ diomnde vɔɔnnden a Po vanacieo, o malnun haki le ken, kɛ vana-vana solin pɛ diomnde vɔɔnnden o sondo a Hala Kɔl-Diandaa, ò sɔla hakio malɔɔ o lɛŋnden coo nanu le, ò sɔlanin vɛlɛ hakio malɔɔ o ceen co laci-o nin te.»

Luke 3:11

Mó mulul nda aa: «Te vanndo nɔ pɛ domalan latiɔn, mɛɛ o ke vana nɔ loo o pilɛ, mì vana nɔ ɲɛdiaa-o bɛɛ piɔw ndu nda vana nɔ loo.»

1Timote 6:9

Kɛ nduyɛ, vanaa co bolofaa yeemaa-a a co delɔɔ o dɛɛniaa nin, mà va hawvo o yaŋɔɔlen, a co delɔɔ o tuula vɔɔnda idiɔmndan taw nin, la yaa vannda o ɲánndávàà mì ɲɔɔn kpow n cuu nda o laba lan.

2Piɛr 1:11

O kon la sɔlanin dio le luɛyɔɔ o masale fɛɛn-fɛɛnnde Maalii naa a vana naa ciindiaa Yeesu Krista len nin.

Matie 25:16

Fɔ́ɔ́fɔ̀, mí vana sɔla sianin n'kpungban kɛmɛ leŋuɛɛnu-o kɔa, mó kɔ tosa yulalen a mun, mó sɔla tɔnɔɔ sianin n'kpungban kɛmɛ leŋuɛɛnu lecoo.