1Timote 6:13 - BII BILA

¹³ I co nɔm ɲuna Hala o hɔl, o yɔngu ɲaa yoomaa kpow yoomoo-o, a Yeesu Krista o hɔl, ó soli seile kɛndɛlen Pɔnse Pilate o hɔl-lo,

1Timote 6:13 Referans Kwoze

Matie 27:11

Má kɔa a Yeesu o Pilate, masa ibungaa lo, mó ɲuna ndu aa: «Vɛ̀ɛ̀ nɔm co masa Yuifia ni?» Mí Yeesu mulul ndu aa: «Nɔm pila cii dimi.»

1Timote 5:21

I co nɔm ɲuna Hala o hɔl, Yeesu Krista a mɛlɛkaa sɔla hɛlio-a kpow o hɔl, mà bii silalan ndan, hiyan vana-vana le, tosa ɲɛ-ɲɛ a lakafa le.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Nsaŋ 5:21

Kani mɛɛ Fuɲaa tindi vanvílɛ́iya má muungu yoomu yɛ, lende koni Poo bɛɛ yɔngù vanà o yeema-o yoomoo ni.

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

1Timote 6:12

Cɔlɔba cɔlɔba toɲaa a laalanndo. Kafalan cinda lɔ́ɔ́-lɔ́ɔ̀, kani le ndu n sɔla veeloo telen n cɔm laalan nɔmndo seiya taw o hɔl-lo ni.

1Timote 2:5

Kani Hala ndu pilɛ kpé co ni, vana toosiaa isɔɔ ndu pilɛ kpé co vɛlɛ Hala a vanndacieea tɛɛn ni, Yeesu Krista pɛɛn.

Dɛnnda kiilaa 17:25

O nɔ mako mì vana yɔngu ndu ɲɛ-ɲɛ le, kani ndu ke vana yoomoo, kɔllo a ɲɛm tɔ̀un kpow ni.

Nsaŋ 19:11

Mí Yeesu muli aa: «A nɔ kpaaya kɛ́-kɛ̀ ya coo le, te o co mò kennun nɔm fulaa o halataala le. Lelan, vana mal-la nɔm o ba-o hiow tɛɛmbuu a nɔm.»

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 5:26

Kani mɛɛ Fuɲa nuu nɔ yoomoo niŋ yɛ, lende koni o cɛl ni mí Poo bɛɛ nɔ yoomoo.

1Samiɛl 2:6

Mɛlɛka yɔngù piɔ́mndo ni, ndu koni yɔngù yoomoo ni. Ndu tuisi vana ciee-piɔ́m ni, ndu koni soli vɛlɛ vana ciee-piɔ́m ni.

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Matie 27:2

Má yii ndu, má kɔa a ndu, má kɔ mal ndu Pilate masa ibungaa o ba.

2Korɛntea 9:13

Le mɛɛ niaa co baala kɛndɔɔ ho tosaa yɛ, vannda biilunin Hala le sɔɔn niaa bii mì la va cɔmndo maa la co kelaa o Yoongu kɛndɛ Krista-o coo-o. A melnin vɛlɛ ndu balika le bala niaa co mɔɔsiaa nɛɛ pilɛ, mì la va ɲɔɔn pɔvianndo-on, a le tùú niaa co vanaa celen kew-vo.

Kalatea 3:26

Kani mɛɛ niaa co kpede, cuavaa Hala-a niaa co le laalan niaa laalan Yeesu Krista-o ni.

1Timote 1:12

I mel Maalii naa Yeesu Krista balika, ó luei ya yoomuan le baala ndɔɔ tosaa-o. I mel ndu balika le laalan o laalan ya, mó hɛli ya le baala ndɔɔ tosaa-o.

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.