1Timote 6:11 - BII BILA

¹¹ Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

1Timote 6:11 Referans Kwoze

2Timote 2:22

Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu.

2Timote 3:17

haliko mi vana baala Hala-o va o bɛɛndian, nduyɛ mo va o tiwnan ɲɛkɛndɛi le dɛnɛ kɛndɛ súú-súù ka tosaa.

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

1Korɛntea 10:14

Lelan, puapilɛa nia hɛnan ya taw-va, la sooluu piɔmnda le.

1Piɛr 3:11

O bɛnda mò kpakpala dɛnɛ vɔɔndo, mò tosa o kɛndɔɔ, mò nuwviaa dɛnɛ kɛndɔɔ, mò tol ndu kɔɔli.

1Korɛntea 6:18

La vow balan o suundaa nin te! Yɔŋnda vɔɔnnda celennda vanndo tosa lan la pilan ko dialun ndɔn te, kɛ vana vow pɛ baa o suundaa nin, o tɛɛmbuu dialun ndɔn ndu pilan.

Condii lisai 34:14

mɛɛ o manda diɛɛmule ndɔlen a sɔɔn vɔɔnndon, mò manda cɔcɔn ndɔn a sɔɔn lacòòvan.

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

1Korɛntea 14:1

Lelan, la nuwviaa fɔlɔn kaolaa, mì la nuwviaa vɛlɛ valta Kɔl-Diandaa a yeemɛi, kɛ taama-taama vali tɛɛngaa diom Hala-o.

Rɔmnda 14:19

Lelan, n nuwvian dɛnɛ luei kɔlɲuloo-o a dɛnɛ hivi naa laci vellaa-velle o laalanndo nin-ndo.

Esai 51:1

Niaa co kiltan dɛnɛ sandaa kɔɔli-a, niaa co Mɛlɛka nuwviaa-a, la yaŋ ya nilan! La heelu hɔlla o pow kpova niaa sɛlnun nin-ndo coo, la tofa o soon yingilaa nda soli niaa nin-ndo coo.

Condii lisai 38:20

Yaamɔaa nia nɔ yoomuan, a nɔ kpaayaa. Vanaa nɔ nɛyɔn nuu fondo fúú-a co taw.

2Masaa 5:20

mí Kehasi, buɛi Elise vana-tɛɛngaa-diom Hala-o dimin o kɔl nin aa: «Vana ni bɛndoo cɛl le ɲɛm Naaman Aramiinɔ hin mùn-ndon biyɔɔ le. Kɛ nduyɛ, te Mɛlɛka co yoomu, mɛɛ mì dem ndu, mì kɔ sɔla ndu ɲɛ pum o ba!»

1Timote 6:20

Nɔm Timote vana hɛnan ya-o, manda ke n sɔla-o ɲɛkɛndɛi. Kpakpala sɛɛngiannda fondola yɔngu vana laalan te lan, mà mal sɔɔn fondon vannda veelu aa dɛnɛ sinaa-on.

Yeremi 35:4

Mó kɔa a nda o Cɛi-Hala-o nin, má kɔ luɛi o cɛi kaandeŋaa Hanan-nda nin. Hanan kon yɛ, vana baala Hala-o o va ni, Yikdaliahou va fuɲa ndɔ ni. O cɛi simlacia ikɛi cɛi Hanan kon va ni, o cɛi Maaseya-o lecoo. Maaseya kon va po Salum va vana-solia-lasálà va hɔlten o dio luɛyaa Cɛi-Hala-o ni.

2Dɛnnda lemasalan 8:14

Mí Salomɔn yɔngu kundala vannda ha baalala ndalan, mɛɛ David fuɲa ndɔ ndóò dimi yɛ: vanaa-solia-lasálàá, leviaa va le Mɛlɛka biiloo lepalaa-lepala-a, te kon te le nda malaa o baalalan nin-nda, a kunda kpalilaa cumulaa ladioa, a ndáà kɛsi cumullo o diola pilɛn-pilɛnndan-nda. Lende David vana baala Hala-o ndóò dimi ni.

2Masaa 23:17

Mí Yosia ɲuna aa: «Pow sálà kuɛɛ ya co yɛ hoo cɔu?» Mí vanaa va o kobio nin-nda mulul ndu aa: «Sɛi vana-tɛɛngaa-diom Hala-o ni, o fula lɔ́ɔ́ kon Yuda mó hun dimi sɔɔn nɔm peelu mun o fonda-loamaa-lasálàá ho coo-on-ndo pɛɛn.»

2Masaa 1:13

Mí masaa viam vɛlɛ simlacinɔ yàándɔɔ a kunda ndɔ n'van beleŋuɛɛnoo ndu kɔɔli. Mí simlacinɔ yàándɔ kunda n'van beleŋuɛɛnu kon hel pembei. Ndóò tiiyaa, mó baŋ vulan Elii o labɛngunin, mó tɛɛlun ndu aa: «Vana-tɛɛngaa-diom Hala-o, màá cɔ yoomu nuu a yoomu n'van beleŋuɛɛnua co haa buɛyaa nɔmnda-a ɲɛ sɔvɛ!

2Masaa 1:9

Mí masaa Ahasia viam simlacinɔ kunda n'van beleŋuɛɛnu-o a n'van beleŋuɛɛnua ndɔa kan. Mí simlacinɔ kon kɔa o Elii lo nɛɛ o va o pembei bollen-nda, mó dimul ndu aa: «Nɔm vana-tɛɛngaa-diom Hala-o sei, masaa dimi aa nɔm tol!»

1Masaa 20:28

Mí vana-tɛɛngaa-diom Hala-o komal vɛlɛ masa Israɛlla, mó tɛɛngul ndu diom Mɛlɛka dimi-o aa: «Le tùú Aramiia dimi aa Mɛlɛka Hala n'pemboo ya co ni, kɛ i co Hala ladɛngbɛ loo, i malnin vanaa cɔvaa sɛ́lɛ́ bɛndua ndaa ha kpow nɔm o ba. O kon la sinanin maa ya co Mɛlɛka ni.»

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

1Samiɛl 2:27

Mí vana-tɛɛngaa-diom Hala-o pum komal Helii, mó dimul ndu aa: «Nuaa Mɛlɛka dimi ni aa: ‹A sina maa mí yáà cɔmnun fuɲaa nɔmaa mamaa lɔ́ɔ́ nda va o cɛlen nin masaa Esipte o ba-o.

1Masaa 13:26

Mɛɛ vana-tɛɛngaa-diom Hala ndóò mingi ndu kon ciee-o tuei sɔɛi ken, mó dimi aa: «Vana-tɛɛngaa-diom Hala kɛɛ le diom Mɛlɛka-o biyɔɔ-o ni. Mɛlɛka luei ndu yàlàá o ibuŋ, mí yàlàá del ndu coo, mó dii ndu maa mɛɛ ndu Mɛlɛka pila ndóò dimi yɛ.»

1Masaa 13:1

Mí Mɛlɛka viam vana-tɛɛngaa-diom Hala-o pum cɔnɔnndo Yuda, mó kɔa Betɛl. O komal kpafii Yeroboam va isisi o fonda-loamaa-lasálàá, o va ansan lomɔɔ.

1Samiɛl 9:6

Mí buɛi kon mulul ndu aa: «Vana-tɛɛngaa-diom Hala-o pum co o kobio ho nin, o fula tɔ́ɔ́ taw. Ɲɛ-ɲɛ o dimi pɛ, mɛɛ mo tosan lekɛ́ndɛi. N kɔ vɔ hau o ndu lo, bɔɔle mo cɔm naa nɛi naa n bɛnda mì n kɔɛ coo-o.»

Tɔŋ miingua 33:1

Duaa Moise vana baala Hala-o dɔw Israɛlla telen pá mó vu-o yɔŋnun hoo ni:

Tɔŋ miingua 16:20

Dɛnɛ sandaa kínɛí niaa bɛnda le nuwviaa ni, haliko mi la va yoomu, mi lɛŋnde Mɛlɛka Hala niaa co niaa yɔngu len le lo niaa o ba.»

Nehemi 12:36

a puapilɛa ndɔa, Semaya, Asareɛl, Milalai, Kilalai, Maai, Netaneɛl, Yuda, Hanani, nda va ɲɛm-caan David, vana baala Hala-o, ndóò cɔw-von cuaa ni. Ɛsdras, vana sɛvaa latɔŋndo va kunda kon bollen ni.

Nehemi 12:24

Te telen condaa ndóò tiiya pɛ le leviia, Hasabia, Serebia nda Yesua po Kadmiɛl-lo ndáà sim puapilɛa ndaa leviia laci le condon solio le Hala lisaa a le ndu biiloo. Lende nda va silala David vana baala Hala-o ndóò yɔngu nda lan peeloo ni.

1Dɛnnda lemasalan 23:14

Kɛ má handu poaa Moise, vana baala Hala-o-a, o polale Levii len coo.

1Masaa 17:24

Mí cua kon dimul Elii aa: «I laalan nihau lekɛ́ndɛi maa vana-tɛɛngaa-diom Hala-o n co ni, toɲaa kpeekpei sɔɛi Mɛlɛka-i co nɔm fulaa o sondo-e co ni.»

Talelan 15:9

Kela vana kɔlvesɛiyo nɛinún Mɛlɛka, kɛ o kaola vana co dɛnɛ sandaa kiltan kɔɔli-o.

1Timote 1:14

Maalii naa pei ya kɛndɛi ndɔɛi nin ca, mó ke ya laalanndo a kaola naa n sɔla Yeesu Krista o ba-o.

2Timote 2:21

Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.

2Timote 3:10

Kɛ nɔm Timote, a bii pɛɛkula nilan bila, a sínà niinu nuu, a sínà dɛnnda ya tuwnun o kɔltan, laalan nuu, biuvɔn nuu, kaola nuu, a mɛɛ ya sim yili o tiindan nuu coo yɛ,