1Timote 6:10 - BII BILA

¹⁰ Kani kaola n'volio co dumbule dɛnnda vɔɔnnda súú-súù ka ni. Nduyɛ, mɛɛ yeemɛi ken i bii vanaa pum háá, má mal laalan ndaa, mí sangala bɛndulan la luɛi o kɔlta ndalan nin.

1Timote 6:10 Referans Kwoze

Talelan 1:19

Lende dɛnɛ vanaa yeema ɲɛ-sɔlaa delɔɔcoo-a co ni, ɲɛ-sɔlaa vaa lende cii yoomu vanaa nuwviaa ndu-a ni.»

1Timote 6:9

Kɛ nduyɛ, vanaa co bolofaa yeemaa-a a co delɔɔ o dɛɛniaa nin, mà va hawvo o yaŋɔɔlen, a co delɔɔ o tuula vɔɔnda idiɔmndan taw nin, la yaa vannda o ɲánndávàà mì ɲɔɔn kpow n cuu nda o laba lan.

Condii lisai 32:10

Dɛnɛ palaa co le vanaa kɔlvesɛiya-o co o bɔɔ, kɛ Mɛlɛka co vanaa co ndu tiindanndo-a kɛndɛi tosallo.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

Talelan 1:31

Lelan, la dianin kɔmnde fula o kela niaa nin-nden. La pumnin silala niaala niaa pila lan.

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

2Timote 4:10

kani Dimas kaola ceendo ho mó faŋan ya kɔɔli, o kɔɛ Tesalonike, Kresensa kɔɛ Kalasii, Tite kɔɛ Dalmatii.

1Timote 3:3

o yɔngún mɔiyan te, o va vana lacɔlɔba le, kɛ mò va vana cii sɔngɔlan-ndo a vana kɔlɲuloo. O va vana nɔ hɔlte ɲɛ-sɔlaa-o le.

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Tɔŋ miingua 16:19

La tósà kafalan o yaman kiolɔɔ nin te. La hiyan vannda le, la cɛl ɲɛm nda vanin niaa yɔngoo le niaa luɛyɔɔ nin-ndon te. Kani ɲɛm mun suumiaa vanaa kɔlkalua ni mi n laasiaa di vanaa tɛɛmbuu isɔɔ le-a.

Nsaki 5:19

Puapilɛ nia, o niaa tɛɛn, te vanndo pum luɛi pɛ o pɔwlan nin, mò faŋan o toɲaa coo, mì vana celen mingi ndu o toɲaa coo,

1Timote 6:21

Nduyɛ, vanaa pum a va yiyanndo maa a nɔ dɛnɛ sinaa, le hee nda mal laalan nda nɔ-o ni. Mbɔ̀ màá kɛndɛi Hala-e i va niaa coo fɔ́!

Esekiɛl 22:12

Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.

Esekiɛl 16:33

Kani vanlaandua co suunda leyulaa-a kpede, sala ndaa vana yɔngu nda ni. Kɛ nɔm, nɔm pila yɔngu sámáá nɔmnda kpede ɲɔɔn ni, má piandu nda a ɲɛm nɔmndon, haliko ma fula nɛɛ-nɛɛ ka, mà hin o nɔm ndo le suundaa a nɔm.

Esekiɛl 13:19

La co ya bɛ̀ɛ̀lan ciiyo vanaa nia o hɔl le ɔrse baa ca a le bulula bingilan, mì la va yoomula vanaa bɛnda le piɔ́m sɔla le-a ciiyo, mì la va vanaa bɛnda le piɔ́mndo sɔlaa-a mɛiyo yoomu. La co vanaa nia còòlan dimullo, mì nda va còòla lan biyɔɔ.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Tɔŋ miingua 23:18

«Suunda leyulaa bɛnda mò va cuavaa laandua Israɛlla tɛɛn te, o bɛnda vɛlɛ mo va poaa Israɛlla tɛɛn te.

O Kandɔɔ 29:26

Mí Laban mulul ndu aa: «Naa naa o naa lo, cuaambɔɔ cel nɔu bɛ ndɔ tase le.

Dɛnnda cɔɔmuanndan 18:13

kamadolaa, ɲɛm cun kɛndɔn, ansan, mirte, mɔiyan, cuɛiyan, kpeyanndo, maalon, nawva a saa laandua, soa, ɲɛla ɲaanannda soa nan-ndan, cɛa a vanndacieea yoomaa.

2Masaa 5:27

Nàà siaŋa va Naaman-ndo co nɔm biyɔɔ a polale nɔmnden kpede, mò va niaa coo le fɛɛn a fɛɛn.» O kon, mí Kehasi faŋan Elise ikɛi, mí nàà siaŋaa fula ndu, mí kɔɔlen kpow le siŋnun ndu lehumbu fo-fo maa fengbɔ.

O Kandɔɔ 38:16

Mó sɔɔnguu ndu ikɛi o nɛiyo dangalaa, mó dimul ndu aa: «I yeema mì n va naa ŋiɔn.» Kani ndóò sina maa lanɔɔ po ndɔɔ le. Mí cuaa ɲuna ndu aa: «Taa va pɛ a ya, yɛɛ nɛ n co yɛ ya ke?»

O Kandɔɔ 29:14

Mí Laban dimul ndu aa: «Mɛɛ a caa hunɔɔ, vanayɛi nii kpeekpei n co ni.» Mí Yakɔb cii paangei yɛngɛsɛɛ o Laban bom ndɔ lo.

Yosue 7:21

Mɛɛ ya ce doma bɛndu kɛndɛ-kɛndɛ fula o lɛŋnde Sinear len nin-ndo, volin latámán kɛmɛ lediin a sianin n'kpungban kalamulan kɛmɛ leŋɔmpum o ɲɛm naa n sɔla o cɔwvo nin-ndon tɛɛn, mí yeemɛi bii ya a mun, o kon mí cua mun. N co n'vianaa lɛŋ o soondo nin o cɛi-kola-toandaa nuu kɔllo, volion co lebɛngu dí.»

Condii lisai 62:10

Ɲaa yoomaa daama vanndacieea co ni, sɔɔn lacòòvan kínɛí n co nda o lasondo ni. Te vana heelu nda pɛ o kiloo coo, nda kpow, lusul ndaa tiiya maa lusul ihoeiyo le.

Talelan 15:27

Vanndo nɔ hɔlte ɲɛ-sɔlaa lakafaa, o tuisi dɛnɛ palaa yungu ndɔɔ coo. Kɛ vana ɲɛ-sɔlaa luɛyɔɔninndo nɛinun pɛ, ndu viow yoomu.

Vana Kɔlkaloo 2:19

I sina vana súú ndu vanin te, ko vana kɔlkalu ni, ko diɔm sondo vesɛi ni, i sina le. Nduyɛ, ndu koma nɔnin hɔlten o baala nuu coo ni, o ya tosa a kpaaya nuu, mí tosa ndu a kɔlkalu nuu kpow o paalen bɛngu-o pɛɛn. Kon vɛlɛ bɛɛ, sanga fondoo fúú.

Matie 6:19

«La cúúngiaa bolofaa o ceendo coo le. Kani o ceendo coo, o nɔla mò sɔva, kaangoa nɔla vɛlɛ mà tɛɛmbuu ndu, te kon te mì vuiya yem dioo, mà ciimbuu ndu.

Matie 13:22

Kulun deli o yɔɔn nin-ndon, mun co tɔɔmasele vana tuei sɔɛi Hala-e, kɛ mí buulannda ceenndan a yeemɛi bolofaa hialu fondaa ndu o kɔl kpede-o ni. O kon sɔɛi Hala-i co ndu o kɔl-le kum te.

Marke 4:19

kɛ mì buulannda ceenndan, hɔlte bolofaa a yeemɛi bɛnduei ɲɛvi nda ndi o kɔl, i nɔla komɔɔ le-a ni.

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

2Timote 3:2

Kani vanndacieea kaolannin nda pila, mà kaola volion. A vanin vanaa heelannda, a vanaa yongaa. A vanin sɔɔn tanan dimio a Hala o kɔɔ. A venin sɔɔn vanaa velu nda-a biyɔɔ le, a venin vanaa sinaa ikɛndɛ le, a kenin ɲɛm diandan Hala-on lebɛɛ le.

O Kandɔɔ 34:27

Mí poaa tɔ̀a Yakɔb-a hun siow vanaa va piɔ́mndo-a tɛ̀i, má yunga cieo le bɛ̀ɛ̀la ndáà cii yema nda lan.

1Masaa 2:40

Mɛɛ Simei tuei sɔɛi ken, mó toosiaa sofɛlɛ ndɔɔ le kɔlan buɛyaa ndɔa nuwviaa Kat o Akis lo. Mó kɔa Kat, mó kɔ bii nda, mó muungu a nda Yerusalɛm.