1Timote 6:1 - BII BILA

¹ O bɛnda mì vanaa-vanaa co cɛa ke vanaa ndaa bɛndua bɛɛlen mɛɛ o bɛnda yɛ, yɔŋii vannda soo sɔɔn vɔɔnndon a Hala naa a á pɛɛkula naalan o kɔɔ.

1Timote 6:1 Referans Kwoze

Tite 2:5

mà va vanaa bii kɔlta ndalan-nda, a vanaa dendu Mɛlɛka o hɔl-la. Mà va vanaa bii cɛila ndalan-nda, vanaa kɛndɛa a vanaa ke piaandaa ndaa bɛɛlen-nda, yɔŋii vannda dimi sɔɔn vɔɔnndon a sɔɛi Hala-e o kɔɔ.

Rɔmnda 2:24

Maa mɛɛ o sɛvan yɛ aa: «Sɔɔn tanan dimin a diola Hala lan o kɔɔ vanaa súúla celen tɛɛn le niaa vanaa sínà Hala-a.»

1Piɛr 3:16

Kɛ la tosa kon o fɛ́ɛ́-fɛ́ɛ́o nin a o tuisinndo nin. La nɔ yiyannda kɛndɛlan, haliko o va bɛɛ o fondala nda co niaa congòó lan, mì siɛmbulan la bii vanaa co niaa diolan tɛɛmbuuo le kela niaa kɛndɔɔ-a.

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

Kalatea 5:1

Le hɔ́ɔ́yɛi Krista mingi naa hɔ́ɔ́a ni. Lelan la sim yili, la luei lɛ bollen o cɛlen nin te.

Dɛnnda kiilaa 15:10

Le yɛɛ nɛ niaa co yɛ niko Hala kɔllo tɛɛmbuuo? La yeema mì la siilu vanaa laalannda volɔɔ fuɲaa naa mamaa, te kon te niaa pilaa tiwba cuaa loo?

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

Dɛnnda kiilaa 10:7

Mɛlɛkanɔ soo kon o ndu lo-o kɔnndan, mí Kɔrnɛil veelu buɛyaa ndɔa nda ŋiɔn a vana cɔw óò vo Hala mó va baalaa tosaa ndu o ba bɛngu-o.

Luke 17:1

Mí Yeesu dimul kaandeŋaa ndɔa aa: «Mɛɛ tosaa co le, fɔ mì tɔɔndanndan la va o ceendo coo. Kɛ dɛnɛ palaa co le vana malnin vanndo o tɔɔndanndo nin-ndo!

Matie 11:30

Kani volɔɔla nilan la lusul te, bɔndii nuu connun fefele.»

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

1Korɛntea 10:32

La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.

Matie 11:9

Yɛɛ niáà kɔɛ yɛ niko tofaa? Bàà vana-tɛɛngaa-diom Hala-o ni? I co niaa dimul, hiovɔɔ bɛɛ vana-tɛɛngaa-diom Hala-o coo.

Esekiɛl 36:23

I dindinin diola nila bɛndulan, la niaa nɔɔlia vanaa-mangalaa-isɔɔa tɛɛn-ndan, diola nila niaa nɔɔliaa nda tɛɛn-ndan pɛɛn. O kon, lɔ́ɔ́ ya cɔmnin diondɔɔ nuu niaa tɛɛn vanaa-mangalaa-isɔaa kan o hɔl-lo, a sinanin maa ya co Mɛlɛka ni. Diom Maalii Hala dimi-o co kon ni.

Esekiɛl 36:20

Mɛɛ nda tiiya o vanaa-mangalaa-isɔɔa nda va a sɛŋian tɛɛn-nda lo, má nɔɔliaa diola nila diandaalan, kani vannda va dimio a nda o kɔɔ aa: «Vanaa Mɛlɛka-a co haa ni, o lɛŋnde ndɔlen nin nda cɛn ni!»

Esai 58:6

La tuei-yɔ sum hini ya Mɛlɛka kɔllo-o: La kili yɔlɔn dɛnɛ sandaa lepɛŋndon, mì la kili yoei yɔm lebolle, mì la mingi vanaa co o sangaa nin-nda o nda lo o hɔ́ɔ́yɛi nin, mì vannda kpow tuisi volɔɔla súú-súù nda hɛɛnduu vannda o lebol-tan.

Esai 52:5

Sisa yɛ vɛlɛ niko, yɛɛ nɛ ya bɛnda yɛ mi tosa? Kani (vannda) cua yungu nuu fondo fúú a paa-kala?» Mɛlɛka ɲuna nuaa ni. «Vanaa kɔlvesɛyaa ndaa co yoondiaa.» Mɛlɛka soo nuaa ni. Diola nilan la co niinoo tɛɛmbɔnndo kpɛŋ.

Esai 47:6

Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.

Nehemi 9:5

O kon kɔɔli mí leviia: Yosue, Kadmiɛl, Bani, Hasabnia, Serebia, Hodia, Sabania a Petahia dimi aa: «La cɔn mì la mel Mɛlɛka Hala niaa balika. La mel ndu balika le fɛɛn a fɛɛn.» «Màá diola nɔmnda tɔ́ɔ́lan la sɔla biiloo, kani diola hiow naŋɔɔ lan la co ni.

2Masaa 5:13

Kɛ mí buɛyaa ndɔa sɔɔnguu ndu ikɛi, má dimul ndu aa: «Éé Pua! Te vanaa-tɛɛngaa-diom Hala-o ho ndóò dimul nɔm pɛ le dɛnɛ kàlà-kálàá pum tosaa, vɛ̀ɛ̀ nɔm óò tosanin te? Ɛ̀ɛ̀ le yɛɛ n co yɛ niko kɛɔ le ɲɛ o dimul nɔm-ndo tosaa? Aa nɔm del o peelo daama, mà sengu.»

2Samiɛl 12:14

Kɛ le tùú n tosa dɛnɔɔ ho mà yɔngu yaamɔaa Mɛlɛka-a fɛɛlɔɔ le ndu tɛɛndanndo-o, po n velu ho-o lonin te, vuo o co ni.»

Tɔŋ miingua 28:48

la tosalnin yaamɔaa Mɛlɛka viamnin mà bii niaa-a vallo a yiaan, a bolole vesɛilen, a fɛ́lio, a pɛŋnden. La nɔnin ɲɛ-ɲɛ o ba le. Yaamɔaa kan lonin niaa yɔlɔn n'cilinndon baa o labolo háá ma cii niaa diw kpede.

O Kandɔɔ 24:27

Mó dimi aa: «Biiloo co le Mɛlɛka, Hala Abraham vana ni bɛndoo. Kani o sanga le vana ni bɛndoo Abraham kɛndɛi tosallo a le lou o diomnde ndɔlen coo le. I sina nihau maa o sim ya laci o kela nuu ho nin, mó yaa ya o vanayɛi vana ni bɛndoo lo cɛinin.»

O Kandɔɔ 24:12

Mó dimi aa: «Mɛlɛka, Hala Abraham vana ni bɛndoo, tosa mì saalun vanalanɔ sɔvɛɔ. Lo o diomnde nɔmnden coo lende a vana ni bɛndoo Abraham.

O Kandɔɔ 24:2

Paale pilɛ, mó dimul buɛi ndɔ viow nin ndu o ba taw-vo, ó va hɔlten o ɲɛm ndɔn sɔlan kpow coo-o aa: «Luéi ba nɔmndo o lɔlu nuu bɛngu,

O Kandɔɔ 16:9

Mí mɛlɛkanɔ Hala-o dimul ndu aa: «Muungu vana nɔm bɛndoo o ibuŋ, mà kɔ tuisin ndu o labɛngunin.»