1Timote 5:5 - BII BILA

⁵ Vanalanɔ pɔnɔ ndɔ vi mò va ndu pilɛ-o, o tiindan Hala-o, paalen a ɲumndan, o co Hala biuvɔnndo piɛiyo le malaa sɔlaa.

1Timote 5:5 Referans Kwoze

1Timote 5:3

Ke vanlaandua piaandaa ndaa vi-a bɛɛlen, a co nda pilɛ lekɛ́ndɛi-ya.

Luke 2:37

mí pɔnɔ ndɔ vu. Mó lo a vii ken háá vɔsilan belaŋɔmaa a lahiɔɔlu, o faŋan o Cɛi-Hala-o nin te, o va kɔlan kaannden tosaa idii a icɔl. O va sumndo biyɔɔ mo va piɛilen.

1Piɛr 3:5

Cuɛinɔn súú vaa lende vanlaandua diandaa ndáà kɛsi kɔllo Hala coo-a ndáà nɔ sindɛ ni, má tuisin piandaa ndaa o labɛngunin,

1Timote 5:16

Kɛ te vanalanɔ laalanndo nɔ pɛ vanlaandua piaandaa ndaa vi-a o vanayan ndɔn nin, o bɛnda mò mala nda. O handu vanaa Krista-aa sɔɛi ken coo le, haliko mi vanaa Krista-a kan mala vanaa piaandaa ndaa vi mà lo nda pilɛ-a.

1Korɛntea 7:32

I yeema mì la nɔ buulan o buulan te. Vana nɔ lanɔ le, ndu kɔllo o landu o dɛnnda Maalii lan coo ni, mò kindikindin le Mɛlɛka hɛnanndo.

Luke 18:1

Mí Yeesu dimul kaandeŋaa ndɔa taloo le nda cɔmndo maa o bɛnda mà va Hala piɛiyo lɔ́ɔ́-lɔ́ɔ̀, maa a vu n'dial te.

Condii lisai 91:4

O kuumbuunin nɔm a kumbannda ndɔlan, mà vennun o bɔɔla ndɔlan bɛngu. Toɲa ndɔɔ vanin kɔ̀ɔ̀ cɔwvo a kpakio le nɔm ni.

Efɛsea 6:18

La piɛi Hala telen oo telen. La va piɛile súú-súù ka a tɛɛlɔnnda súú-súù ka tosaa a kpaaya Kɔl-Diandaa. Lelan, la mɛɛndian mì la kindin o ken coo taw. La piɛi le vanaa diandaa kpow.

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?

Ruti 2:12

Màá Mɛlɛka mingul nɔm dɛnɛ kɛndɔɔ le dɛnɛ kɛndɛ nɔmndo! Màá Mɛlɛka Hala Israɛlla, o n hin vionnɔnndo o kumbanndo bɛngu-o cɔ nɔm ɲia, mò mingul nɔm dɛnɛ kɛndɔɔ!»

1Korɛntea 7:34

O kon o siŋnun dɔ́ɔ́ vana nɔ valtan kundalan tan tiɔn le tosaa-o. Lende vɛlɛ koni, vanalanɔ co o nɔ loo, te kon te cua laandu sínà vɔ dɛnɛ vanapɔnɔ loo, ndu co buulanndo le dɛnnda Maalii lan, haliko mi dialun ndɔn a kɔl ndɔɔ dendu Mɛlɛka o hɔl. Kɛ o co o nɔu-vo ndu co buulanndo le dɛnnda ceenndan, le mɛɛ o kindin mò nɛŋi pɔnɔ ndɔ kɔl-lɛ.

Rɔmnda 1:12

Kon tosanin ni mì n kɔ sɔla yoomuan vellaa-velle le laalan naa n nɔ naa niaa-o.

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

Dɛnnda kiilaa 26:7

Vanaa fula o polama tɔ́ a mamiɔmma yungu naa nin-nda bɛɛ a nɔ tiindanndo maa Hala nda co kon biiloo idii a icɔl-lo co sɔɔn mun peelu. Ɛ̀ɛ̀ nduyɛ, masaa Akripa, le tiindan ya nɔ kon-ndo Yuifia co ya sɔɔn mun hɛɛnduuo coo nuaa ni.

Cɛɛŋɔnnda Yeremi lan 1:13

Mɛlɛka lo coo, mó soli yinnden, mó cuu yinnde len o paala nilan nin. Mó toandu yalaa ya o labɛngunin, mó mingi ya a makɔɔ, mó kɛsi ya o mɔnɛi nin, o nàà imɔnɔ kon nin ya co le lɔ́ɔ́-lɔ́ɔ̀ ni.

Esai 54:1

«Viow kponyoo, nɔm vanalanɔ bɔlɔkɛɔ, nɔm vilu cua loo! Viow kponyoo a yoondiaalan mà dɔwnun ɲaale, nɔm dembe vialaa nɛi hoo loo! Kani cuavaa vanalanɔ malnanndo vanin sɛ́lɛ́ mà hiow cuavaa vanalanɔ co o nɔu-vo.» Lende Mɛlɛka dimi ni.

Esai 50:10

O niaa tɛɛn, vana-vana nɔ pɛ siòòŋii Mɛlɛka-e, mɛɛ o yaŋ nilan o diom vana baala ndu Mɛlɛka-o! Vana-vana co kelaa o ɲumndan nin mì ɲɛ-tengaa va ndu pɛŋnden, mɛɛ vana kon kɔngan diola Mɛlɛka lan, mò tiindan Hala ndɔɔ!

Esai 49:21

O kon, nɔm pila ɲunannin o kɔl nin aa: «Nɛ̀ɛ́ vilul lɛ ya cuawva ha nɛ? Kani i vannun ya pilɛ kpé, yáà nɔ n'cuaw le, bɔlɔkɛɔ daama ya vannun ni. O lekáá ya vannun ni, i va o kɛyaa few-few, mì nɛ̀ɛ́ manda yɛ niko cuawva ha? Yaa lonnun ya pilɛ doolɛ, kuɛɛ nɛ haa va yɛ?»

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Esai 3:26

Diola luɛyaala kpakio Siɔn la dɔawnunnin ɲinkon yɛɛvɛ, mì dɛnɛ palaa tol tan coo. Kobi kon tambunin mì vanaa co lenin-nda cal lɛŋ vɔyɔn!»

Dɛnnda kiilaa 6:1

O telen kon, kaandennda va kuiyo, mí Yuifia va krɛkiei sɔɛi-ya a va cɛɛŋɔnndo a Yuifia pilacea. Má va dimio maa a va vanlaandua piandaa ndaa vi-a pɔɛɛnɔnndo le nda balo nda va nda piɔwvo lepalaa oo lapala-o yɔngoo.

Dɛnnda kiilaa 9:39

Fɔ́ɔ́fɔ̀, mí Piɛr kɔa nda ndaa. Ndóò tiiyaa, má kɔa a ndu cɛinin o cɛi coocoo nin. Mí vanlaandua piaandaa ndaa vi-a kpow a kɔ balu ndu a caŋndo. Má cɔm ndu domalan a ɲɛ-ɲɛ celen Dɔrkas toosiaa lɔ́ɔ́ o va yoomu-o.

Dɛnnda kiilaa 9:41

Mí Piɛr bii ndu baa, mó simi ndu. O kon kɔɔli, mó veelu niko vanaa laalannda a vanlaandua piaandaa ndaa vi-a, mó cɔm nda ndu.

Filipea 4:6

La buulan le ɲɛ-ɲɛ le, kɛ o dɛnɛ oo dɛnɛ nin, la cɔm Hala balahavɛila niaalan o piɛilen nin a o tɛɛlɔnndo nin a kɔl sinaa ikɛndɔɔ.

1Timote 2:1

Sɔɛi tasei co hee ni, i co niaa dimul, la ɲuna Hala, mì la piɛi ndu, mì la tɛɛlun ndu, mì la mel ndu balika le vannda kpow.

2Timote 1:3

I mel Hala balika, o ya co baalaa tosallo a kɔl nuu o diandaa mɛɛ fuɲaa naa mamaa tosa yɛ-o. Idii a icɔl, i co nɔm yiyanndo coo, i co Hala piɛiyo le nɔm.