Vana-vana mɛndul fitinaa mò kɛsi ndu nɛɛ viannan-nda le, te kon te mò ven ndu o hɛngɔɔ bɛngu. Kɛ o ɲɛ kɛsiaa lafitinaa coo vana kɛsi fitinaa ni, haliko mi vanaa co luɛyɔɔ-a ce ɲɛ-tengaa.
Langbanɔɔ pum va lon diolan Ananias, vana óò vo Hala-o a vana va tɔŋndan ndɔlan biyɔɔ-o o yɔŋnun ni, vanaa va Damas-a kpow a va seile ndɔle kɛndɛlen tɛndaa.
Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»
Kaandennɔ laandu pilɛ va Yopé diolan Tabita, o krɛkiei nin aa «Dɔrkas». O va vannda dɛnɛ kɛndɔɔ tosallo lɔ́ɔ́-lɔ́ɔ̀, mó va vɛlɛ vanaa bala fondoa malaa.
O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»