1Timote 5:19 - BII BILA

¹⁹ Cɛ̀l mì vannda yaala bɛndu kɔlkaloo o sɔɔn nin te, te o co mì vanaa ŋiɔn te kon te vanaa yaa tɛnda seile len te.

1Timote 5:19 Referans Kwoze

Matie 18:16

Kɛ te o tui nɔm diom te, veelu vana pilɛ, te kon te vanaa ŋiɔn le sɔɛi kalɛi kpede toosiaa seiya a ŋiɔn, te kon te a yaa o hɔl.

Tɔŋ miingua 19:15

«Seile seiyo ndu pilɛ timbi len le tiw le vanndo yaalaa le tɛɛmbuu oo tɛɛmbuu, te kon te le haki oo haki le. Fɔ mi seiya a ŋiɔn, te kon te a yaa a timbi seilen malan yamɛi kialun.

2Korɛntea 13:1

Kɔla yàándɔlan ya co laan ni, le niaa yilɔɔ. O dɛnɛ oo dɛnɛ nin, fɔ mì seiya a ŋiɔn te kon te a yaa a timbi seilen malan sɔɛi ndɔɛi i dimin.

Tite 1:6

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ. Mì cuavaa ndɔa va vanaa laalannda, o va cuavaa vannda co cɔu kela vɔɔndo o hɔl-la le, te kon te mà kɛɛ sɔɔn biyɔɔ-a le.

Tɔŋ miingua 17:6

Kɛ fɔ mì seiya a ŋiɔn, te kon te a yaa a timbi fɔlɔn seilen maa lende o tosa ni, malan niaa dii ndu. Seile vana pilɛ le tiw le vanndo diyɔɔ le.

Hebreea 10:28

Vana-vana tɛɛmbuu pɛ tɔŋ Moise-o mì vanaa ŋiɔn te kon te a yaa tɛnda seilen maa lende i co ni, o bɛnda mò sɔla piɔ́mndo, a tuinun vana kon iɲíí le.

Dɛnnda kiilaa 25:16

Mí mulul nda maa rɔmnda dema vana yaala le piɔ́m sɔla le, te o co mì vana kon kɔɔsa fɔlɔn nda vanaa bii sei ndɔɔ-a, mà cɔm tɛɛmbuula nda bii sei ndɔɔ lan te.

Nsaŋ 8:17

O co o sɛvaa o tɔŋ niaa nin maa seile vanaa ŋiɔn le tiw.

Dɛnnda kiilaa 11:30

Má tosa lende. Má soli ɲɛm mun, má yɔngu Barnabas nda Sol, mí nda yoo kaasoŋaa kɔlkalua Yuda ɲɛm-kéan ndan mun.

Nsaŋ 18:29

Mí Pilate fula o dio, mó ɲuna nda aa: «Sɔɛi yɛɛ nɛ langbanɔɔ ho tɛɛmbuu yɛ mì la hun a ndu?»

1Timote 4:14

Kialun ke Hala ke nɔm-ndo yii le, o n sɔla lɔ́ɔ́ vanaa-tɛɛngaa-diom Hala-a a vanaa bɛndua vanaa Hala-a a handu nɔm balan coo-o.

1Timote 5:17

Kaasoŋaa kɔlkalua co sɔɔn vanaa laalannda simndan laci ɲɛkɛndɛi-ya a nɔ bɛɛlen sala tiɔn, kɛ taama-taama a co diom Hala-o dimio mà va ndu vannda pɛɛkoo-a.