1Timote 5:17 - BII BILA

¹⁷ Kaasoŋaa kɔlkalua co sɔɔn vanaa laalannda simndan laci ɲɛkɛndɛi-ya a nɔ bɛɛlen sala tiɔn, kɛ taama-taama a co diom Hala-o dimio mà va ndu vannda pɛɛkoo-a.

1Timote 5:17 Referans Kwoze

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

Kalatea 6:6

Vana nda co Sɔɛi Hala-e pɛɛkoo-o bɛnda mò piɔw ɲɛm ndɔn nda vana co ndu pɛɛkoo-o.

Luke 10:7

La lo o cɛi nda yiya niaa kon-ndo nin, mì la de, mì la kol ɲɛ nda kenin niaa-o, kani vana baalaa nɔ dí mò sɔla sala ndɔɔ. La balu cɛilan nin te.

Hebreea 13:7

La loonun ndɔ a simlacia niaa paandua, a tiiyal niaa sɔɛi Hala-e-a pɛɛn. Mì la dɔw mɛɛlula ndalan taasi, mì la tuula laalan ndaa.

2Timote 2:6

Vana váà sanga taw-vo bɛnda fɔlɔn mò sɔla kundaa o ɲɛm o kow-von nin ni.

Filipea 2:29

La bii ndu o Maalii nin a ɲaaloo ɲɛkɛndɛi, mì la biilu vanaa vaa lende,

Rɔmnda 12:8

Vana nɔ vallo le vannda yoomuan lueiyo-o, ndu luei vannda yoomuan. Vana nɔ vallo le kɛndɛi tosaa-o, ndu tosa kɛndɛi. Vana nɔ vllo le vannda simndan lacio, ndu tosa baala kon a dialun fulan, mì vana nɔ vallo le vannda ɲííye tuinɔnndo-o ndu tuinun vannda iɲíí a kɔlkɛndɔɔ.

Dɛnnda kiilaa 28:10

Má ke naa bɛɛlen taw. Telen naa n va faŋanndo-o, má ke naa ɲɛ-ɲɛ naa n nɔ makoo le kɔlan.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

Rɔmnda 16:12

La yil-la Trifɛn nda Trifos. Baalaa pila nda co tosaa le Maalii ni. Mì la yil-la Pɛrside, o ya kaola taw-vo, baalaa pila ndu bɛɛ tosa le Maalii ni.

Rɔmnda 15:27

Nda pila dimi le nda malaa ni, kɛ o kpeekpeiyo nin, o bɛnda mà mala nda. Kani te nda co n'yuif le-a sɔla pɛ tɔnɔ kɔl co le yuifia-o, mɛɛ o bɛnda mà mala nda a ɲɛm ndan.

Filipea 4:3

Nɔm vana naa n co baalaa latulu ɲɛkɛndɛi-yo bɛɛ, i co nɔm dimul mà mala vanlaandua ŋiɔŋaa kan. Kindinndo pila nda co le Yoongu kɛndɔɔ yondaa naa ndaa a Kileman a caaŋaa naa tɔ̀a naa n va vallo latulu-a ni. Caaŋaa naa diola ndalan la co lasɛvaalan o sɛbɛ cindaa nin-nda pɛɛn.

1Korɛntea 16:16

haliko mi la tuei vanaa vaa lende a vana-vana nda co vallo tosaa nda ndaa diom.

Dɛnnda kiilaa 11:30

Má tosa lende. Má soli ɲɛm mun, má yɔngu Barnabas nda Sol, mí nda yoo kaasoŋaa kɔlkalua Yuda ɲɛm-kéan ndan mun.

2Masaa 2:9

Mɛɛ nda taŋ, mí Elii dimul Elise aa: «Dimul-la ɲɛ n yeema mì tosal nɔm-ndo lɔ́ɔ́ pá Mɛlɛka faŋa ya nɔm ikɛi.» Mí Elise mulul ndu aa: «I yeema mì kɔl co nɔm nin-ndo vangalan lediin, mò tol-la coo.»

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

1Timote 4:16

Nɔm pila mandan a pɛɛkula n co vannda yɔngoo lan. Lo lecoo, kani taa tosa pɛ lende, nɔm pila sɔlanin cindaa, mà ciindiaa vɛlɛ vanaa co nɔm nilan yaŋɔɔ-a.

1Timote 3:5

Kani te vanndo cee yungule ndɔlen biyɔɔ le, vɛ̀ɛ̀ o tiw yɛnin ba mo caa vanaa Hala-a biyɔɔ?

Filipea 2:16

kani la nɔ sɔɛi yoomuɛi. Lelan siɛmbula biinin ya paale Krista hunnin-nden te, kani i ɲeenun ɲaanɔn fondo le, i sanga sanga fondo le.

Matie 24:25

I cii niaa ndi dimul ei!

Hebreea 13:24

La yil simlacia niaa a vanaa laalaŋaa tɔ̀a kpow. Vanaa laalannda Itali yil niaa.

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

Nsaŋ 4:38

I vem niaa kovɔɔ o ciɛi niaa tosa baala le-i nin, nɛɛ vanaa celen a tosa baalaa-a pɛɛn, o baala nda sanga tosaa-o nin niaa luɛi nuaa ni.»

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

Sakari 9:12

Lelan, niaa vanaa kaasoaa nɔ tiindanndo-a, la muungu o kobi niaa kungan a kpakio-o nin. Hau vɛlɛ i co ndi dimi, i vangalanin dɛnɛ kɛndɛ niaa bɛmbɛ lediin le sanga niaa sɔla-o.

Yeremi 17:18

Vanaa co ya yɛlen tollo-a siɛmbulan láà bɛnda le biyɔɔ ni, kɛ o co ya le. Ndáà bɛnda le ɲiiyaa a siòònde ni, kɛ o co ya le. Tuisi paale dɛnɛ palaalen nda coo, mà tɛɛmbuu nda kpede.

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Esai 40:2

La soo Yerusalɛmnda o kɔl, mì la yonda nda o lani, mì la dimul nda aa cɛle ndalen le cuu, a sɔla baŋaa a haki ndaa, o sɔla sala hakila ndɔlan kpede Mɛlɛka o ba!

1Timote 5:3

Ke vanlaandua piaandaa ndaa vi-a bɛɛlen, a co nda pilɛ lekɛ́ndɛi-ya.

1Timote 4:6

Taa yɔngu pɛ puapilɛa silalan ndan, mɛɛ a vanin vana baala kɛndɛ Yeesu Krista-o. A dɔawnunnin balo a sɔɔn laalanndon a á pɛɛku toɲaa, o n del kɔɔli ma lo lecoo-o.

1Korɛntea 3:9

Kani vanaa co baalaa latulu a Hala-a naa n co ni. Niaa co ciɛi ndɔɛi ni.

1Timote 4:14

Kialun ke Hala ke nɔm-ndo yii le, o n sɔla lɔ́ɔ́ vanaa-tɛɛngaa-diom Hala-a a vanaa bɛndua vanaa Hala-a a handu nɔm balan coo-o.

1Timote 5:19

Cɛ̀l mì vannda yaala bɛndu kɔlkaloo o sɔɔn nin te, te o co mì vanaa ŋiɔn te kon te vanaa yaa tɛnda seile len te.

Kundalan 18:31

Fonda oo fonda niaa yeema pɛ, la de ndu lon a yungula niaalan, kani sálà niaa co kon le vali niaa co tosaa o cɛi-kola-toandaa-labɔɔŋian nin-ndo ni.

Tɔŋ miingua 18:8

o bɛnda mò sɔla ɲɛ mɛɛ puapilɛa ndɔa kan vanin sɔlaa yɛ kpafii. Kon fulanin o ɲɛm o vanin pisio fulaa o kɛ́ fuɲa ndɔ mel ndu-o-on nin te.»