1Timote 5:13 - BII BILA

¹³ Handɔɔ o kon coo, a luɛi siɛlɛiyo, a cɛn keiyo balɔɔ cɛilan nin. Handɔɔ vɛlɛ o siɛlɛi kon coo, a siŋnun vanaa tombolaa a vanaa vow sondolan o sɔɔn pilan nin-nda, a muungu sɔɔn nda bɛnda le dimi loon dimio.

1Timote 5:13 Referans Kwoze

Talelan 20:19

Vana congu vannda nɛɛ-nɛɛ ka-o cɔɔmuu sɔɔn viannanndon ni. Lelan kpakpala vana tombolaa.

Dɛnnda kiilaa 20:30

Niaa tɛɛn bɛɛ, vannda vanin còòlan dimio haliko mi vanaa laalannda del nda kɔɔli.

Talelan 31:27

O nɔ hɔlten o ɲɛ-ɲɛ co tosanndo o ndu lo cɛinin coo. O cɛl le calle mò kafala balan te.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

Dɛnnda kiilaa 20:20

La sinà maa i vin niaa ɲɛ-ɲɛ le, o bɛnda le niaa-o pɛɛn. I pɛɛku niaa ndu vannda kpow o hɔl, mí kei vɛlɛ niaa ndu cɔm cɛilan nin.

Luke 10:7

La lo o cɛi nda yiya niaa kon-ndo nin, mì la de, mì la kol ɲɛ nda kenin niaa-o, kani vana baalaa nɔ dí mò sɔla sala ndɔɔ. La balu cɛilan nin te.

Tɔŋ lasálàá 19:16

La cóngù vanaa niaa co vanaa pilɛa-a le. La hɛ́ɛ́ndùù vanaa niaa co-a sɔɔn coo háá mà sɔla piɔ́mndo le. Ya co Mɛlɛka ni.

3Nsaŋ 1:10

Lelan te i hin pɛ, i cɔmnin dɛnnda o co coo lan, o co kelaa a naa o sondo, o hini kɔl te, ndu pila bii n'mial te, mo va vɛlɛ vanaa co nda biyɔɔ-a kuunaa, o co nda solio o kunda vanaa laalannda nin.

1Piɛr 4:15

Vana-vana o niaa tɛɛn sanga le tùú o co vana diuvaa n'vanndo-o le, le tùú o co vuiyo-o le, le tùú o co vana tosaa dɛnnda vɔɔndo-o te kon te vana vow sondoo o sɔɔn pilan nin-ndo le,

Nsaki 3:10

O sondo pilɔɔ nin duaalan a mɛɛniaalan la co fulaa ni. Puapilɛa nia, o bɛnda mò tosan lende le.

Talelan 7:11

Vanalanɔ poopoo bɛndoo a vanalanɔ maloo-maloo o va ni. Ndóò kɛsi pelei o ndu lo cɛinin te.

Talelan 11:13

Vana sɔɔn pɔmbɔɔ bii sondo ndɔɔ le. Kɛ vana lo o lediom coo-o ndu, sɔɔn kpow mo mandan o kɔl.

1Timote 5:12

O kon yɛ, yaalaa nda sɔlanin ni, le tùú nda tɛɛmbuu kpema tase nda yii-o o.